Ұстаз ұлы тұлға тақырыбында тәрбие сағаты

Тақырыбы: Ұстаз –ұлы тұлға
Сабақтың мақсаты:Ұстаздарды мерекелерімен құттықтау, үлкенді, ұстазды 
сыйлау, адамгершілікке тәрбиелеу, ата-ана, ұстаз оқушы 
арасындағы байланысты нығайту,оқушыға рухани 
тәрбие беру. 
Сабақтың түрі: әдеби- музыкалық бағдарлама 
Әдіс-тәсілі:Өлеңдер оқу, тақырыпқа байланысты әндер айту 
Көрнекілігі: Ұстаздар туралы жазылған нақыл сөздер, өлеңдер.  (Сахна сыртынан Ұстаз туралы өлең оқылады)
Данышпан да, дана да оқып сенен,
Атақ-даңқын асырды бар әлемнен.
“Ұстаз” деген аяулы, асыл жанды,
Жақсы көрем, арнаймын жақсы өлең!
Ашылуы БИ: «Аққу» биі тобы Қазақша би
(музыкамен  жүргізушілер шығады.)
Досымжан 1- жүрг.Армысыздар құрметті де аяулы ұстаздар!
Шұғыла 2-жүрг.

Ұстаз деген – жарық күні ғаламның,
Ұстаз деген – анасы ол адамның.
Бүкіл әлем мойындайды еңбегін,
Сен де одан адам болып жаралдың.
Ұстазыңды түсінген сен тереңнен,
Бар әлемге еңбегімен еленген.
Сенің бағың өрге қарай өрлесе,
Ол да бірге қуанышқа кенелген.
Сол арқылы сен де өмірді жалғадың,
Ізгі іс қой, ұстаз тілін алғаның.
Мақтау алсаң ұстаздардың алдында,
Ол өзіңнің орындалған арманың.
Ұстаз сөзін айтып жүрдік ән қылып,
Одан басқа жүрген кім бар жанды ұғып.
Ұстаз деген – ұлылардың ұлысы,
Қасиеті бас иелік мәңгілік!
1- жүрг.

Досымжан

Бүгін бізде үлкен мереке. Бүгін ұстаздар қауымының төл мерекесі. Олай болса бүгінгі күн ұстаздарға арналмақ. Ұстаз -ұлағатты есім. Күн сәулесі өмірге қандай жарық берсе, ұстаз есімі де шәкірттерге күндей жарық береді.
Ақырын жүріп анық бас.
Еңбегің кетпес далаға
Ұстаздық еткен жалықпас,
Үйретуден балаға, – деп Абай атамыз айтқандай, шәкірттерінің өзінен озғанын калаған ұстаздар қауымы, мерекелеріңіз құтты болсын! Денсаулықтарыңыз мықты болсын, шаңырақтарыңыз шаттыққа толсын, біздей шәкірттеріңіз көп болсын!
Шұғыла

II жүргізуші:

Олай болса бүгінгі мерекеге арналған «Ұстаз –ұлы тұлға» атты мерекелік жиынымызды ашу үшін мектеп басшысы ....................................береміз береміз.
Би шығыс биі Таңатар Мерей
БІРГЕ: Мерекелеріңіз құтты болсын!
Досымжан 1-жүргіуші:

Сен қалай ойлайсың, Шұғыла ? Менің ойымша, кез-келген мұғалім ұстаз бола алмайды. Себебі ұстаздық-өнер, тағылымы терең өнер. Ал өнерлі болу кез-келген адамға қона бермейді. Олай болса, шын ұстаз болу үшін табиғи дарын ізгілікті ізденіс пен ерен еңбекке ұштастырылуы шарт. «Шәкіртсіз ұстаз тұл» деген сөз тегін айтылмаса керек.
2-Жүргізуші: Шұғыла

Досымжан Мен осы сөзің дәлелді бола түсу үшін мына жыр шумақтарын қосайын. Ұстаз болу – жүректің батырлығы,
Ұстаз болу – сезімнің ақындығы,
Ұстаз болу – мінездің күн шуағы,
Азбайтұғын адамның алтындығы –
деп ақын Ғафу Қайырбеков ағамыз жырлағандай, біздің мектебімізде сөзі маржан, үні ән ұстаздардың бар болғанын мақтаныш етемін. Әрине, ұстаз жүгі–ауыр жүк. Адамның жан дүниесін түсініп, ренжітпей, қателігін сездіре білу – бұл нағыз шеберлік емес пе?! Ендеше Ұстаздарға арналған әдемі бір күйге кезек берейік

Күй 8 ә сынып оқушысы Ерназар Нұрай
Досымжан 1-Жүргізуші:

Ендеше, Ұрпақпен өмір жолы жалғанады,
Көңілді күндер тусын алдан әлі
Ән-шашу әсем әуен, түрлі өнер,
Бүгінгі күн сіздерге арналады.
Ән сіздерге арналады, аяулы ұстаздар, қабыл алыңыздар! 

Алдарыңызда « Тілек » әнімен   11 А сынып оқушысы: Балғабаев Бағдаулет

Шұғыла 2-жүрг.

Күллі өмірін жеткіншекке арнаған
Мұғалімді ардақтайды барша жан
Ол мектептен шықпаса да қыс- жазы,
Жемісі оның жердің жүзін шарлаған
Бала десе ойламайды өз қамын
Керсем дейді күнге де кол созғанын 
Шәкірттерін өзінен де озғанын. 

Досымжан 1- жүрг.

 Ұстаздар! Қандай ғажап халықсыздар!
Шәкіртке шыңдай биік алыпсыздар.
Жан біткен жанарына нұр сыйлаған,
Күндей боп күлімдеген жарықсыздар.

Шұғыла 2-жүрг.

Досымжан , екеуміз ұстаздар туралы нақыл сөздер айтып жарысып көрсек қайтеді?

Досымжан 1-жүргізуші:

Ал ендеше баста.

Шұғыла 2-Жүргізуші: «Ұстаз болу-өз уақытын аямау, өзгенің бақытын аялау»,

Досымжан 1-Жүргізуші: «Ұстазға қарап шәкірт өседі»

Шұғыла 2-Жүргізуші: «Аспаз көрген ат таныр, ұстаз көрген хат таныр»

Досымжан 1-Жүргізуші: «Ұстазыңды ұлы әкеңдей сыйла»

Шұғыла 2-Жүргізуші: «Ұстазы жақсының-ұстамы жақсы»

Досымжан 1-Жүргізуші:

Шұғыла , екеуміз Ұстаз туралы қанша мақтау сөз айтсақ та тауыса алмаспыз. Ендеше, қымбатты ұстаздар, шәкірттеріңіздің өздеріңізге арналған өлең-шумақтарына кезек берелік.
Ұстазға арнау 8 а сынып оқушылар

Нұрай

Досымжан

Балнұр

Азамат Өмірәлі

Асылжан

Асылжан Оразбек

Медет

Аида

Аружан

Динара

Әбутәліп

Данияр

Нұрасыл

8 б сынып оқушысы: Мұсабек Қазына «Уақыт»
8 ә сынып оқушысы: Мейіржан

Досымжан 1 жүргізуші:

Табан тіреп төзгенсің қанша ауырға
Тарап демде кетеді шаршауың да
Бал-бұл жанған балғын жүз, жәудір көздер
Тұрғанында солардың қоршауында

Шұғыла 2 жүргізуші:

Қиындықта кезіксең көп асу да
Қанша терің төгіліп жол ашуға
Сен шәкірттің ұстазы болмайсың тек,
Сен өмірдің ұстазы боласың да!

Досымжан 1 жүргізуші:

 «Ұстаз» ұлағатты есім. Шәкірттерін білім нәрімен сусындатып, тәлім-тәрбие беру, жақсы қасиеттерді бойына дарытып, адамгершілік рухта бағыт-бағдар беруде ұстаздың еңбегі зор. Енді күйге кезек берсек
Күй 8 а сынып оқушысы: Болатұлы Данияр «Балбырауын»
Шұғыла 2 жүргізуші:

 Ия, ұрпаққа айтар ақылы, көрсетер өнегесі бар, аналық, әкелік сезімнің, дана ойдың ыстық лебі бар аға ұрпақ өкілдері, мектептің жүрегі ардагер ұстаздарымыз ортамызда отыр. (қонақтарды таныстырады)

Досымжан 1 жүргізуші:

 Құрметті қонақтар, сіздер салып кеткен сара жол-ұстаз жолы – ұлы жол. Өткен жолдарыңызға көз жіберіп, еске ала отырып, өздеріңізге бірнеше сұрақ қоюға рұқсат етіңіздер.

Қонақ: Ұстаздық өмірге қалай келдіңіз? Жүрек қалауымен бе, әлде осы мамандықты таңдауға себепші оқиға немес бір жағдай болды ма?

Қонақ: «Ұстаз болу жүректің батырлығы» дейді, осы ұстаздық қызметті таңдауда батырлықпен қандай қасиет адам бойынан табылу керек деп ойлайсыз?

Қонақ: Кешегі өзіңіз еңбек еткен мектебіңізден қандай өзгерістерді байқадыңыз? Мектебіңізге айтар тілегіңіз?

Сіздерге көп рахмет, аяулы да мейірбан ұстаздар. Өздеріңізге арналған шағын сыйымызды қабыл алыңыздар.

Шұғыла 2-жүргізуші:

 Ұстаз-шәкірт алдында сыйлы адам. Ұстаз жайлы айтылар сыр да, жыр да көп. Ұстаз сенімін ақтау-адамгершіліктің белгісі. Мұғалімнің жүрегі соғып тұруы үшін: жауаптылық, қажырлылық,, білімділік, жүректілік, сүйіспеншілік, сабырлылық керек екен.

Досымжан 1-жүргізуші:

Шәкірттер санасына сәуле шашып, шырақ отын маздатқан ұстаздар қауымына ақ лебіз, жылы тілегін білдіру үшін ортамызға мектебіміздің басшысы ....................шақырамыз.

Шұғыла 2-жүргізуші:

Асыға сәлем жолдап жүректен біз
Бірге өсіп ен жайлаған ұл менен қыз,
Тәтті күй, асқақ ән мен әсем биді,
Сіздерге тарту етіп ұсынамыз,-дей келе алдарыңызда мектебіміздің мың бұралған бишілерін ортаға шақырамыз.

БИ орындайтын… 8 cынып оқушылары

Досымжан 1- Жүргізуші:

Қазақта жақсы сөз бар, «Әзілің жарасса атаңмен ойна» деген, ендеше сахна төрінен ұстаздар өмірінен аздап әзілге орын берсек.

Әзіл – қалжың отауы. ҰСТАЗДАР ӨМІРІНЕН.

Мұғалімдер кім болуды армандайды?

Мұғалімдер әсте әртіс, жазушы, сот, бастық, сылақшы, майлаушы, немесе еден сыпырушы болуды армандамайды. Өйткені:

-Әр мұғалімнің жұмыс бөлмесі, отыратын жұмыс үстелі, қармағында 3-4 оқушысы бар, кішігірім бастық емес пе? Ашса алақанында, жұмса жұдырығында, – дегендей ұрыс, төбелес жөніндегі бала мен ата-ана дауын да бір өзі шешіп отырады.

-Әр мұғалім өз сабағының шебері, яки режиссері, көбінесе басты рөлде де өзі ойнайды. Әртіс демей көр, кәне. Көпшілік көрініске де өзі қатысады.

-Бір тыным жоқ. Кабинет тазалығы да өз мойнында. Демек, майлаушы да өзі, сылаушы да өзі. Безендіруші де өзі.

-Жазушыларға келер болсақ, тіпті кейбір жазушыларыңыз да, мұғалім құсап күнде жазуға отырмас.

-Соңғы кезде бухгалтер мен кассир де өздері.

Ұстаздарымыз сан алуан қосымша мамандықтар меңгеруде. Ендеше қай мекемеге қандай мамандық иесі өте зәру болса, 2-3 айлық жазғы демалыс кезінде біздің ұстаздарды шақыруларыңызға болады.
Шұғыла 2-жүргізуші:

Жақсы жандар жанымызда әрқашан
Ұлағатты сөзін биік ұстаған
Ардақты ұстаз асыл анаң секілді 
Тәрбиелейді балапандай жасыңнан

Досымжан 1-жүргізуші:

Ұстаз мейірі-Ана мейірімі пара-пар,
Тұла бойға қуат болып таралар
Көп жасаңдар бұл өмірде шуақ боп,
Айналайын білім берген ұстаздар.

Шұғыла 2-жүрг.

Ұстаз мектепте ұстаз болса, отбасында ол -аяулы ана. Достар туралы ән сіздерге арналады, аяулы ұстаз-аналар! 

Ән. Орындайтын 8 б сынып Адырбай Сәния

Досымжан 1-Жүргізуші: