Ұстаздар мерекесіне орай жарыс болып өтті.

Ұстаздар мерекесіне орай жарыс болып өтті.

Ұстаздар – тыншымайтын еңбеккерлер,

Жемісті жерге екпеген, елге еккендер,

Адамзат ұрпақтарын тәрбиелеп,

Зердесін болашақтың зерлі еткендер- деп ақындар жырлағандай күздің осы бір айында келетін ұстаздар мерекесі қарсаңында ұстаздық қасиетке барынша адалдық танытып, бар саналы ғұмырын осы салаға арнаған, ұстаздарға қандай мақтау, мадақ айтсақ та артықтық етпейді.

Мерекеге орай қазан айының 6-сы күні "Манашы орта мектебі" коммуналдық мемлекеттік мекемесінде мектеп мұғалімдері арасында волейболдан жарыс болып өтті.

Мектеп әкімшілігі ұйымдастырған шараға бірлестік мұғалімдерінен 6 команда шығып өз бақтарын сынады.  Жарыс өте қызықты, әрі тартысты өтті. Жарыс соңында жеңімпаз командалар және үздік ойыншылар анықталып, мақтау қағаздарымен және қаржылай сыйлықтарға ие болды.

Айта кетсек, І орынды эстетикалық бірлестігі мұғалімдері қанжығасына байласа, ІІ орынды математика бірлестігі, ІІІ орын бастауыш сыныптар бірлестігіне бұйырды. Сонымен қатар «Үздік қорғаушы» номинациясына Қыстаубаева Айтолған, «Үздік ойыншы» номинациясына Икасбаева Айгүл, «Үздік үйлестіруші» номинациясына Мұханова Айнұр ие болды.

Шәкірттеріне аса мейірімді, сөзіне берік, шыншыл мінезді, жүрегі батыр, өнегесі асыл, жаны жомарт, пейілі дарқан, ерен еңбекшіл, байламы берік, ойы өткір әріптестерімді төл мерекелерімен құттықтай отырып, әлі де алар асуларың, бағындырар белестерің көп

болсын деп тілеймін.

Айтпаганбетов Тарғын Шарападинович
Манашы орта мектебінің технология

пәні мұғалімі