Ұстаздарға арнау

Сезілмеген қасиетті өзгеден, 
Сырын білем көкіректегі көзбенен. 
Ұстаздарды мектептегі сипаттап 
Жыр жаздым мен жүрекжарды сөзбенен.

БалаБидей ауылдың даналары 
Талай-талай асуларды алар әлі. 
Мектептің мыңға жуық оқушысы 
Бәрі – Балжан апайдың балалары. 

Кезі оның аз болар күлімдеген, 
Бар баланы жақын тұтып «інім» деген. 
_________ апай – мектептің ұлы ұстазы 
Бәрімізге бастауышта білім берген. 

Айтқан сөзін айтып жүрдік ән қылып,
Одан басқа жүрген кім бар жанды ұғып.
Райхан апай – ұстаздардың ұлысы
Бар сабағы есте қалар мәңгілік!

_____апайдан жылылық таралғандай, 
Бәрімізге де ана бола алғандай. 
Ешқашанда кек сақтап, ренжімейді 
Мейірім мен шапағаттан жаралғандай.

Бала десе ойламайды өз қамын,
Көрсем дейді күнге де кол созғанын. 
_________ апай әрқашан да қалайды
Шәкірттері өзінен де озғанын. 

Шаршамайды, қанша есеп сұрасақ та, 
Кетіп қалды, кетпегенін қаласақ та. 
Қанша ай бауыр басқан апайымыз 
Бізге жол көрсетеді болашақта. 
Өткізіп өз алдынан талай бала,
Бойына құйды ақыл ой мен сана


Әрбір оның сөзі ерекше дара шың 
Тоздырды жолын үй мен мектеп арасын. 
Мені қашан көрсе-дағы айтады 
«Басың бар да, оқымайтын баласың!»

Өсе келе директордың ізін басар,
Жақсы апай, үлгілі етіп ісін жасар.
Директордан кейінгі адам Ұлдығыз апай
Практикантпен құрбысындай сырласар.

Біздерді тек алға қарай жетелеген, 
Риза боламын _____ апайға мен. 
Анамыздай әрқашан жанымызда 
Жүреді жарқыраған жүзіменен. 

Ұмытпаймын сізден алған тәлімді, 
Жүрегімде сақтаулы тұр әр үлгі. 
Сізден білім алғаннан соң, сізге ұқсап, 
Өсу үшін салам енді барымды. 

Қағазға өлең толтыра алмай, тола алмай,
Қиналамын қымбат теңеу таба алмай.
Өз баласын тастап кетіп үйіне,
Ел баласын оқытады, ой Алла-ай.

Жан түсінбес бұл апайдың сырларын, 
Үйретеді алгебраның қырларын. 
Тәрбиелейді _______апай мектепте 
Бір үй толы қыздары мен ұлдарын.

Жанұя мен мектебін ол асыраған, 
Жүзінен мейірімі шашыраған. 
_______ апай әлемдегі ең жақсы апай 
Қайырымды, алтын адам, асыл адам.

Әрқашанда сабаққа асықтырар, 
Келбеті де білім нұрын шашып тұрар. 
______ апай тілімізді жаттықтырып 
Қазақтың бай тіліне ғашық қылар.

Көрмеден жұрттар оның ісін көрер, 
Шеберліктің сырларын түсіндірер. 
Мектептен шыққан небір шедеврлер 
______ апайдың қолынан мүсінделер.

География миға кірер білінбей,
Дауысы да оркестрдің үніндей.
_______апай – білімді де ұлы ұстаз
Отырады анда санда күлімдей.

Ысыған жан-дүниеңді желдеткендей, 
Тәнмен қосып жанды да емдеткендей. 
________апай бір қолымен бесікті емес 
Мектептің оқушыларын тербеткендей.

Жұмыс істер ынталана, талаптана, 
Ойлайтыны ылғи да – кітап, бала. 
Білім қорын басқарған Сара апай, 
Үй оның екінші – кітапхана.

Пендесіне Аллам да жақ болады, 
Уақтылы болмаса да бақ қонады. 
Қолымнан бір де көмек келмесе де, 
Сіздерге әркез ниетім ақ болады. 

Атағым Алатаудай болып биік,
Тұрса да төбем өсіп көкке тиіп.
Алдарыңда әрқашанда тағзым етіп,
Тұрармын «ҰСТАЗЫМ!» деп басымды иіп.