Тақырыбы: «Ұстазым –Алтын діңгегім»

1 жүрг: Армысыздар,құрметті қонақтар,Аяулы біздің ұстаздар,ата-аналар және оқушылар!

2 жүрг: Бүгінгі ұлы мерекелеріңізбен құттықтай отырып, дендеріңізге саулық,

1 жүрг: Қажымас қайрат,

2 жүрг: Шығармашылық табыс,

1 жүрг: Жанұяларыңызға бақыт тілейміз!

2 жүрг: Бүгінгі концертіміз өздеріңізге арналады.Алдарыңызда Орынбай Меруерттің орындалуында «Ұстазым» әні

Мерекелік құттықтау сөзі тәрбие ісі жүзіндегі орынбасары Берден Тілеужан апайымызға беріледі:

1 жүрг:

«Ұстазға»

Менің балғын қиялымды тербеткен,

Құшағымды алыстарға серметкен.

Айта аламын жұрт алдында қысылмай,

О,мұғалім,бір өзіңді ер деп мен.

2 жүрг:

Аралатқан ғалымдарды мол бағын,

Әлі есімде сол бір бейнең,сондағы үн.

Көрген сайын жанарыңнан оқимын,

Ізгілік пен парасаттың жолдарын.

1 жүрг:

Ғасырымыздың ғұлама қаламгері М. Әуезовтың «Алдыңғы жақсы артқы жасқа тәлім айтпаса ел болғаның қайсы?» Осы үздік ой жетегінде ең алдымен ұрпақ тәлімгерімізге, біздің қонақтарымызға бас иеміз.

Ақ жүректен сезіп «Ұстаз бақытын»,

Шәкіртімен өткен барлық ғұмыры.

Сізге арнаймыз тілектің ең жақұтын,

Даңқыңыздың биік болсын тұғыры. – дей отырып 9- сынып оқушыларының орындауында «Бебби» биін қабыл алыңыздар

2 жүрг:

Ақыл. Сана Саыр. Талас-тартысу-

Мұғалімнің табиғаты, жалпы осы.

Бос уақыты: ойдан басқа ойы жоқ,

Бос уақытты: әрбір түннің жартысы.

1 жүрг:

Махаббаты: бала және Отаны,

Сүйікті ісі: Қағаз-кітап қопару.

Демалысы: шәкірттерге хат жазу,

Ал, кәсібі: от беру мен от алу!

2 жүрг:

Қашан көрсең бұл халықтың шат бәрі,

Қашан көрсең күліп бара жатқаны.

Күлетіні: бақыттылық нышаны,

Байлықтары: шәкірттердің хаттары!

1 жүрг:

Ал, Мұғалім барса алдыңа,дұрысы:

Жүрегіңмен сездір дағы Ұлы ісін,

Ұшып тұрып, қалбалақтап қол беріп,

Тастай қылып тындырып бер жұмысын!

2 жүрг:

... кім боласың?

Ұмтылмаңыз жоғары.

Мұғалімнен үлкен адам жоқ әлі!

Кім болмаңыз, прокурор ма, сотсыз ба,

Тұрыңыздар, келе жатыр мұғалім!

1 жүрг:

Жамандықтан сақтандырған,

Жақсы ісіңді мақтан қылған.

Білім берген ұстаздарды,

Өнерімен шаттандырған, - дей отырып, келесі орындалар ән сіздерге арналады, қабыл алыңыздар!

Ұстазым

2 жүрг:

«Қазақ тілім, өз тілім, ана тілім,

Мұхтар, Абай сөйлеген дана тілің.

Таза сөйле, терең ұқ, көп-көп ізден,

Жоғары ұста мәңгілік тілдің пірін,» - деп

Зердемізге құятын.

Бар ізгілік бойларына сыятын.

Туған дәстүрі,

Салт-сананың тірегі,

Бұл ұстаздар алда, жүрер үнемі.

КВН

1 жүрг:

Биік сенің ұстаздық қасиетің,

Мінезің жоқ қиынға бас иетін.

Өмірге тәрбиелеп құлшындырған,

Жадымызда сақталар өсиеті.

2 жүрг:

Тілесек бүгін амандық:

Жүргейсіз қадам әркез нық.

Абройыңыз асып,

Мәртебеңіз артып,

Іздемей –ақ алдыңыздан келсін бақыт.

Би: Ақбөпе

1 жүрг:

Ақырын жүріп, анық бас.

Еңбегің кетпес балаға,

Ұстаздық еткен жалықпас, үйретуден балаға.

2 жүрг:

Аяулы да ардақты, байсалды да салмақты, біздің сүйікті ұстаздарымыз «Ұстазым –алтын діңгегім» атты мерекелік кешіміз аяқталып келе жатыр.

Ұстазым-алтын діңгегім,

Мәңгілік өзіңмен біргемін.

Бүгінгі мереке күніне

Сәл ғана құрметім бұл менің.

Келесі кездескенше сау саламатта болыңыздар!