Үштөбе гуманитарлық колледжінің Туына сипаттама

Үштөбе гуманитарлық колледжінің Туы - іргелі білім ордасының жас ұрпаққа сапалы білім, саналы тәрбие беруде арнаулы орта білім беретін оқу орындары арасында өзіндік орны бар екенін айшықтайтын рәміздердің бірі.

Аталмыш оқу орны 2023 жылы ашылған. Үштөбе гуманитарлық колледжінің Туының логотипі 2025 жылы қабылданды. Тудың авторы - дизайнер ?

Үштөбе гуманитарлық колледжінің Туының ортасында - айқара ашылған кітап — білім мен ғылымның символы, қауырсын қалам — руханият, жазу-сызу, педагогика саласындағы шығармашылықты білдіреді. Тудың жиегіндегі қазақи өрнек ұлттық болмысты танытады. Көк түсті Ту – бейбіт еліміздің аспанындай ашық, студент бойындағы мамандыққа адалдық, рухани тазалық, ертеңгі күнге сенімділік, мінсіз біліктілік секілді қасиеттерді білдіреді. Жас ұрпақтың бойында биік мақсаттар мен жарқын болашаққа деген ұмтылысын көрсетеді. Шеңбер ортасында Үштөбе қаласы аркасының бейнеленуі - аудан орталығында орналасқан қалада білімгерлерге дәріс беретін гуманитарлық оқу орнының бар екенін аңғартады. Осынау логотип Үштөбе гуманитарлық колледжінің білім беру мен ұлттық құндылықтарды ұштастырып отырған мекеме екенін айқын көрсетеді.