Аудандық «Үздік бастауыш сынып мұғалімі - 2017»

байқауының ережесі

1. Байқаудың  мақсаты

Білім беру жүйесінде Қазақстан Республикасының «Білім туралы», «Тіл туралы»  Заңдары, «Қазақстан  Республикасында білім беруді дамытудың 2011-2020 жылдарға арналған Мемлекеттік бағдарламасын»,  Қазақстан Республикасы мемлекеттік жалпыға міндетті бастауыш білім беру стандартын жүзеге асыру мақсатында аудан көлемінде шығармашылықпен жұмыс жасайтын, ойы терең, кәсіби шеберлігі мен функционалдық сауаттылығы жоғары, өзіндік жаңашыл идеясы бар бастауыш сынып мұғалімін анықтау.      

2. Байқаудың міндеттері

1. Бастауыш сынып мұғалімдерінің белсенділігін, шығармашылық ізденісін көтеру;

2. Шығармашылыққа және нәтижеге бағытталған педагогикалық технологиялар мен оқыту әдістерін іздеу;

3. Жаңашыл педагогикалық тәжірибелерді анықтау және насихаттау;

4. Оқушылардың қабілеті мен функционалдық сауаттылығын дамытуда жоғары нәтиже көрсеткен белсенді, шығармашылықпен жұмыс жасайтын мұғалімдерге демеу көрсету.

3. Байқауға қатысушылар

Аудан мектептерінің бастауыш сынып мұғалімдері.

4. Байқауды ұйымдастыру

Аудандық «Үздік бастауыш сынып мұғалімі - 2017» байқауы 2017 жылдың маусым айының 07 күні Лебяжі ЖОББМ базасында сағат 10.00-де өткізіледі.

5. Байқауға қатысу

Байқауға қатысу үшін  келесі құжаттарды  2017 жылдың 01 маусымына дейін білім бөлімінің әдістемелік кабинетіне тапсыру қажет.

- Үлгі бойынша сұраныс (қосымша)

- мектеп әкімшілігінен қатысушы мұғалімге мінездеме

6. Байқау кезеңдері

1. «Менің педагогикалық ұстанымым: мәні, құндылықтары,  басымдықтары»  (Қойылатын талап  – 250 сөзден аспайтын,  А4, кегель 14, шрифт  Times New Roman)

Эссе оқу

Бағалау критерийлері:

 1.Ой нақтылығы және түсінікті жеткізілуі;

 2.Ой өрісінің кеңдігі, логикасы;

 3. Сауаттылығы;

 4.Дәлелділігі;

 5.Ерекшелігі.    

2.Қатысушының портфолиосы(білім бөліміне тапсырылады):

Портфолионы бағалау критерийлері:

1. Материалдың толықтығы, жүйелілігі

2. Мазмұны мен өзектілігі

3. Мұғалім жұмысындағы жаңашыл идея, білім сапасын көтеруге негізделуі

4. Оқушылармен жүргізілетін жұмыс бағыты, оның нәтижесі

5. Безендірудегі эстетикалық талаптың орындалуы

3. Жағдаяттық сұраққа жауап беру

Бағалау критерийлері:

1. Жауаптың дұрыстығы

2. Жауаптың логикалық тізбектілігі

3. Теориялық тұрғыдан дәлелділігі

4. «Шебер қолдар» қолөнер байқауы

Бағалау критерийлері:

1. Жұмыстың сонылығы

2. Креативтілігі

5. Шығармашылық байқау(ән, би, өлең немесе монолог оқу, т.б.)

8.Қазылар алқасы

Байқауға қатысушылар жұмысын бағалау үшін 5 адамнан тұратын қазылар алқасы құрылады. Қазылар алқасы байқауға қатысушылардың берілген тапсырмалары мен бағалау өлшемдерін әзірлейді.

Қазылар алқасы байқаудың жүлдегерлері мен жеңімпаздарын анықтайды, оларды марапаттауға қатысады.

10. Байқау жеңімпаздары мен жүлдегерлерін  марапаттау

Барлық байқау сынақтарының нәтижесі бойынша қазылар алқасы Бас жүлде, 1, 2, 3 орындар мен келесі номинациялардың иегерлерін анықтайды.

1.«Жаңашыл мұғалім».

2.«Зерттеуші мұғалім».

3.«Эрудит мұғалім».

4.«Шығармашыл мұғалім».

5.«Әдіскер мұғалім».

Қосымша

Шығыс №

Күні

«Үздік бастауыш сынып мұғалімі - 2017» байқауына қатысуға

СҰРАНЫС

Мектеп директоры