«Үздік тәрбиеші-2019» байқауы

Мақсаты:

тәрбиешілердің жыл бойындағы еңбектерін, шығармашылықтарын, өткізген ашық ҰОҚ, жаңашылдықтарын бақылай келе бөбекжайдың «Үздік тәрбиешісін» анықтау.

Жүргізуші:

Армысыздар, құрметті ұстаздар, көрермендер! Бүгінгі «Үздік тәрбиеші» байқауын тамашалауға қош келдіңіздер! Тәрбиешінің міндеттерінің көлемі өте ауқымды, қуыныш пен жеңістен гөрі қобалжу мен қиындықтарға толы. Мектепке дейінгі мекемелерде баланы даярлау үздіксіз білім беру жүйесіндегі маңызы мен өзектілігі ерекше мәселелердің бірі болып саналады. Мектепке дейінгі мекемелердегі топ тәрбиешісінің балалармен қарым-қатынасы тұлғалық бағдар негізіне құрылуға тиіс, ол әр баланы құрметтеу және адамгершілікпен қарым-қатынас жасауды көздейді. Тәрбиеші балалардың оң мінезі мен әрекетін қолдай отырып, бір-біріне жағымды қатынасты ұйымдастыру, топта өзін-өзі емін-еркін сезінуіне жағдай жасау қажет. Олардың бойындағы өзіндік бейім қабілеттеріне сүйене отырып, мектепке оқуға қажет болатын дағдылар мен іскерліктерді қалыптастыруды, дамытуды мақсат етеді. Тәрбиеші болу - бұл педагогикалық қарым-қатынасты, ынтымақтастықты жүзеге асыру, өзінің әрбір тәрбиеленушісіне қажет болуға талпыныс және адам тәрбиелеудегі кішігірім жетістіктер мен үлкен жетістіктер қуанышы.

Тәрбиеші...
Осы сөзде қаншама ұлылық бар,
Жүрегінде маздаған жылылық бар.
Ол сен үшін тер төккен бекзат қауым,
Ұстаздығы сан сырды ұғынып қал.

Жүрекке адалдықтың ескен гүлін,
Ғажайып келешектің төккен үнін.
Ардақты тәрбиешіге шын көңілден,
Жолдаймыз сәттілік пен сәлем бүгін, - дей келе байқауға қатысушы тәрбиешілерімізді қошеметпен ортаға шақырайық. Қол соғып, қошемет көрсетейік! (Музыка әуенімен залға тәрбиешілер кіреді).
1. Куршибаева Айман Бексейтовна

2. Бодыкова Асель Кенжегуловна

3. Касымбекова Гульназ Сапаргалиевна

4. Серік Гүлжанат Балташқызы

5. Акишова Саркыт Орымбековна

6. Мукашева Сая Мараловна

7. Абдуллаева Светлана Бердикуловна

Тәрбиешілер өнерін салыстырып,
Жеңіс үшін өнерін шабыстырып. 
Әділдікті қолдайтын баға беріп,
Жіберейін қазыларды таныстырып.

Ендеше сайысқа әділ төрелік ететін әділқазы мүшелерін таныстырып өтейін.

Әділқазылар:

Бөбекжай директоры – Назирова Айзат Абеугалиевна

Ардагер тәрбиеші – Толеубаева Камажай Алпысбаевна

Ардагер тәрбиеші – Муканова Куляш Назарбаевна

Педагог-психолог -  Нұрбахыт Иманбайқызы

Сайысымызды бастамас бұрын, сайыс шарттарымен таныс болыңыздар:

І кезең - Ұйымдастырылған оқу қызметтері (бір күн бұрын көрсетіледі). Үзінді (Презентация)

1. ІІ кезең.

1-тапсырма. визит карточкасы (5 минут).

Қатысушылардың өзін-өзі таныстыруы. Қорғау кезінде еріп жүретін тұлғалардың көмегі (2 адамнан артық емес) және байқауға қажетті кез келген демонстрациялық материалдарды (мультимедиа, бейне, аудиотехника, костюмдер, сәндік элементтер және т.б.) пайдалануға болады.

Мақсаты - психологиялық жеңілдету, танысу сағаты, қатысушының өзін жеке тұлға, тәрбиеші, адам ретінде көрсету.

2-тапсырма. «Педагогикалық ринг» - тақырыбы мен мазмұнын ұйымдастыру комитеті анықтайды.

Мақсаты: мектепке дейінгі тәрбие әдістемесінің, нормативтік-құқықтық құжаттардың, СанПин-нің, жеке тұлғаға бағытталған білім деңгейін анықтау.

3-тапсырма. Кәсіби шеберлік

Мақсаты: Педагогикалық тәжірибені шығармашылықпен пайдаланатын, жұмыста тұрақты соңғы нәтижесі бар, өз қызметін талдай алатын тәрбиешілер мен мамандарды көтермелеу және қолдау.

*****

Енді қай тәрбиешінің бірінші бастайтынын жеребе тастау арқылы анықтаймыз. Олай болса менің қолымдағы жеребені ашып көру арқылы қай тәрбиеші бастайтынын анықтап берсін. Құрметті әріптестер, сайысымыздың қай тәрбиешінің бірінші бастайтыны анық болды, олай болса 1-бөлім бойынша әділ қазылардан ұпай санын сұрау.

Жүргізуші: 

1-бөлім «Ұйымдастырылған оқу қызметі» - баллдарын сұрау

ІІ бөлім. 1 - тапсырма «Таныстыру»

Жүргізуші:

Ақыл, көрік бойларына жетеді,
Әлі талай сынақтардан өтеді.
Мына отырған баршаңызға,
Тәрбиешілер өздерін таныстырып өтеді.

Қазір тәрбиешілеріміз өздерінің визиттік карточкаларымен таныстырады.  

2-тапсырма. «Педагогикалық ринг» - тақырыбы мен мазмұнын ұйымдастыру комитеті анықтайды.

Мақсаты: мектепке дейінгі тәрбие әдістемесінің, нормативтік-құқықтық құжаттардың, СанПин-нің, жеке тұлғаға бағытталған білім деңгейін анықтау.

Әділқазы мүшелерінің алдында сұрақтар жазылған конверт тұр. Сіздер конвертті алып сұрақтарға жауап бересіздер. Уақыт-3 минут беріледі.

Осы қолдарыңыздағы геометриялық пішіндерді құрастырсаңыздар сіздер жұмыс жатқан мектепке дейінгі мекемелердің ашылуына негіз болған мемлекеттік бағдарламаның атауының бейнесі шығады. Ол қандай бағдарлама? Қанекей, тақтаға құрастырыңыздар. («Балапан»)

Ән: « » музыка жетекшісі Айша Данияровна

3-тапсырма. Кәсіби шеберлік

Мақсаты: Педагогикалық тәжірибені шығармашылықпен пайдаланатын, жұмыста тұрақты соңғы нәтижесі бар, өз қызметін талдай алатын тәрбиешілер мен мамандарды көтермелеу және қолдау.

Шарты: сіз бүгін топта келгенде ерекше күн екенін білдіңіз (туылған күн) немесе бөбекжайға жаңадан келген бала бейімделуі қиын болғандықтан оны қуанту үшін сол сәтте не жасар едіңіз? Сіздердің алдыларыңызда түрлі түсті қағаздар, желім, қайшы және т.б. қажетті заттар бар. Осы заттардан 3 минуттың ішінде бір зат жасап шығару. Бұл жерде сіздердің шығармашылық саласы жағынан кәсіби шеберліктеріңіз анықталады.

Қорытынды: Тәрбиеші ақыл-ойы мен күш-қуатын балаларға арнап, жан аямай еңбек етеді. Өйткені ол, оның көкірек көзін ашып, дүниетанымын кеңейтіп, қияға қанат қақтырады. Сондықтан болар кейбір дарынды ойшылдар да, тіпті арман қуған балалар да тәрбиешіні ерекше пір тұтып қадірлейді.

Келесі кезекті сайысымызды қрытындылау үшін әділ-қазы мүшелеріне береміз. Марапаттау.

Барлығына риза болсын көрермендер,
Ой бөлісті, бақ сынасты үміткерлер.
Осыменен бұл сайысты тәмамдасақ,
Тағы да жүздесерміз сіздерменен белестерде! – дей келе баршаңыздың отбасыларыңызға бақыт, еңбектеріңізге шығармашылық табыс тілейміз!
Қош, сау болыңыздар!

Ән: «Ұстазым» музыка жетекшісі А.Мукушева

1. «Коммуникация» білім беру саласының мақсаты не?

2. Ойыншықтарға қойылатын жалпы қауіпсіздік талаптары?

3.«Таным» білім беру саласының ұйымдастырылған оқу қызметіне нелер жатады?

1. «Шығармашылық» білім беру саласының мақсаты не?

2. Балаларды тәрбиелеу мен оқыту деңгейлерін қадағалау баланың жасына сәйкес жетістіктерінің мониторингі қалай және неше деңгейде жүзеге асырылады?

3. Күн тәртібі деген не?

1. Ойыншықтарда қандай ақпараттық таңбалары болуы тиіс?

2. «Таным» білім беру саласында балаларға не үйретеміз?

3. Индикатор дегеніміз не?

1. Қазақстан Республикасының «Ойыншықтардың қауіпсіздігі туралы» Заңының қандай өзекті мәселесін шешу қажет?

2. Қандай стандартпен жұмыс жасаймыз? Мемлекеттік жалпыға міндетті стандарты қай жылы шықты? (күні, айы, жылы, нөмірі)

3. «Денсаулық» білім беру саласындағы ұйымдастырылған оқу қызметіне нелер жатады?

1.Ортаңғы

топта ұйымдастырылған оқу қызметінің ұзақтығы қанша?

2. Ұйымдастырылған оқу қызметі деген не?

3. Қандай бағдарламамен жұмыс жасаймыз?

( күні, айы, жылы және бұйрық нөмірін атаңыз). Бағдарлама дегенде нені түсінесіз?

1. Мектепке дейінгі тәрбие мен оқытудың мазмұны нелерге негізделген?

2. Заттық- кеңістіктік дамытушы орта деген не?

3. І-кіші топта ұйымдастырылған оқу қызметінің ұзақтығы қанша?

1. Ойыншықтардың қауіпсіздігі туралы Заңмен таныссыз ба? Қай кезде шықты?

2. Жан-жақты дамыған, қалыптасқан тұлға дегенді қалай түсінесіз?

3. ІІ кіші топта ұйымдастырылған оқу қызметінің ұзақтығы қанша?

1. «Коммуникация» білім беру саласының мақсаты не? («Коммуникация» білім беру саласының мақсаты айналадағы адамдармен араласуға қабілетті, көптілді тұлғаны тәрбиелеу үшін баланың қажетті коммуникативтік дағдыларын дамыту.)

2. «Таным» білім беру саласында балаларға не үйретеміз? (санау дағдыларын, геометриялық пішіндер туралы түсініктерді қалыптастыруды, кеңістікті және уақытты бағдарлауды; құрылыс, табиғи және қалдық материалдар мен конструктордың бөліктерінен құрастыруды; тірі және өлі табиғат заттары мен құбылыстары туралы білімдерді кеңейтуді қамтиды).

3. «Таным» білім беру саласының ұйымдастырылған оқу қызметіне нелер жатады? («Таным» білім беру саласының ұйымдастырылған оқу қызметі: қарапайым математикалық ұғымдарды қалыптастыру, бөбек жасы топтарында (1 жастан 3 жасқа дейін) – сенсорика; құрастыру; жаратылыстану).

4. Ойыншықтарда қандай ақпараттық таңбалары болуы тиіс? (Барлық ойыншықтардың мемлекеттік және орыс тілдеріндегі мынадай ақпараттан тұратын таңбалауы болуға тиіс:

1) дайындаушының атауы және (немесе) оның тауар белгісі;

2) бұйымның атауы;

3) арналған мақсатының негізгі көрсеткіштері және қолданылуының шарттары;

4) дайындалған күні;

5) тауардың шыққан елі.

5. Ойыншықтарға қойылатын жалпы қауіпсіздік талаптары? (Балаға қауіп-қатер төндірмейтін, өткір, үшкір болмау, агрессиялық іс-әрекеттерге; қатыгездік танытуға; өнегесіз іс-әрекеттер мен зорлық-зомбылыққа; балалар мен ересектердің нәсілдік ерекшеліктеріне және денесінің кемшіліктеріне менсінбей және теріс қарауға итермелемеуге тиіс).

6. Ойыншықтардың қауіпсіздігі туралы Заңмен таныссыз ба? Қай кезде шықты? (ия немесе таныс емеспін. Ойыншықтардың қауіпсіздігі туралы Қазақстан Республикасының 2007 жылғы 21 шілдедегі N 306 Заңы)

7. Қазақстан Республикасының «Ойыншықтардың қауіпсіздігі туралы» Заңының қандай өзекті мәселесін шешу қажет? (Шетелдерден әкелетін ойыншықтар қатаң тексерістен өту қажет, ойыншықтардың сапалы шығуын

қадағалау )

8. Қандай стандартпен жұмыс жасаймыз? Мемлекеттік жалпыға міндетті стандарты қай жылы шықты? (күні, айы, жылы, нөмірі) ҚР Үкіметінің «23» 08. 2012 жылғы №1080 қаулысымен бекітілген мектепке дейінгі тәрбие мен оқытудың мемлекеттік жалпыға міндетті стандартына қосымша ҚР Үкіметінің қазан 2018 жылғы № 604 қаулысы).

9. Индикатор дегеніміз не? (индикатор – баланың даму деңгейінің көрсеткіші).

10. Ұйымдастырылған оқу қызметі деген не? (педагог ұйымдастырған және тәжірибеде қолдануға қажетті білім, білік, дағдыларды меңгеруге бағытталған әрекеттің бір түрі.)

11.Заттық-кеңістіктік дамытушы орта деген не? (бұл мектеп жасына дейінгі балалардың тұлғалық, эмоциялық, әлеуметтік және зияткерлік дамуын қамтамасыз ететін жағдайлардың жүйесі).

12. Күн тәртібі деген не? (күн тәртібі – баланың қалыпты дамуына және оның денсаулығын нығайтуға мүмкіндік беретін тәулік бойғы уақытты тиімді бөлу және түрлі іс-әрекет пен демалыстың дұрыс өзара бірізділігі)

13. Жан-жақты дамыған, қалыптасқан тұлға дегенді қалай түсінесіз? (дене бітімі дамыған; білуге құмар; белсенді; эмоциялық елгезек; үлкендермен және құрдастарымен қарым-қатынас жасау құралдары мен өзара іс-қимыл тәсілдерін меңгерген; өзі, отбасы, қоғам (жақын әлеумет), мемлекет (елі), әлем және табиғат жөнінде алғашқы түсініктері бар;
мектепте оқуға қажетті біліктер мен дағдыларды игерген мектепке дейінгі ұйым түлегінің моделін сомдайды).

14. Мектепке дейінгі тәрбие мен оқытудың мазмұны нелерге негізделген? (

Жүктеу

ЖИ арқылы жасау

ЖИ арқылы жасау

Бөлісу