Ыбырай Алтынсарин

21.04 күні 8а сыныбына 2-ші сабағымды өткіздім. Сабақтың тақырыбы: Ыбырай Алтынсарин – қазақ халқының аса көрнекті ағартушысы. Мақсаты: Қазақ халқының көрнекті қоғам қайраткері, ағартушы–педагог Ыбырай Алтынсариннің өмірі, көзқарасы, қызметі туралы білімдерін арттыру, жаңа ұғымдарды (термин сөздер) игерту,еңбектері туралы қосымша мәлімет алу. Оқушылардың шығармашылық ізденіс қабілеттерін дамытуда миға шабуыл, бoлжaу стpaтeгиясы, топқа бөлу, түртіп алу, жүк журналы әдісі, шығармашылық тапсырма (диалог, мәтін құрау, жылдар сөйлейді), постермен қорғау әдістерін пайдаландым. Оқушыларды хат таңдау арқылы 3 топқа бөлдім. Топтар топ басшысын сайлады. Үй тапсырмасын миға шабуыл өткен тақырып бойынша сұрақтар қозғап оқу білімге кімдердің үлесін қосқанын сұрай келе, жаңа тақырыпты аштым. Жаңа тақырыптың мәтінімен таныспас бұрын үйден жүк журналының бетшесін дайындап әкеліп сол бетшелерге тапсырма орындаттым. Бұл кезеңде топ ішінен жұп құрып жұптың біреуі жүк журналының сол жағына бұрыннан не біледі, болжамдарын жазды. Екінші жұп оң жағына постер жұмысынан, шығармашылық жұмыстан, мәтіннен танысқан жаңа ақпаратты жазып отырады. Мәтінмен таныса отырып, топтар постер қорғайды. Постер қорғау мен үшін де оқушылар үшін де тиімді жұмыс деп білемін. Себебі оқушылардың барлығы белсенді қатысып, атсалысады. Шығармашылық жұмыс кезінде 1-ші педагог тобына диалог құрастыру, 2-ші ағартушы тобы жылдар сөйлейді даталарды толықтыру, 3-ші топ сөздерден мәтін құрастыру. Бұл сабақта оқушылар еркін сөйлеп, бірін-бірі тыңдап, уақытқа бағынып, тапсырмаларды топтармен жарыса орындап белсенділік танытты. Сыныпты бағалауда ашық журналды пайдаландым. Топ басшылары әр тапсырмаларды орындауға қатысқан оқушыларды бағалап отырды. Сабақ қызықты өтті. Оқушылар бұдан кейінгі сабақтардың осы бағытта өткізу туралы ұсыныстарын айтты.

Нәтижесі: оқушылар өз ойларын ашық жеткізіп, Ы.Алтынсарин туралы көптеген мәліметтер, жаңа ақпараттар жинады. Оқушылар бірлесіп жұмыс жасай алады, өз пікірлерін еркін алады.