"Ыбырай Алтынсарин атындағы орта мектебі" КММ презентация

Жақсы ұстаз болу үшін .....

Ұстаз ! Осы бір сөз әрбір жас өркеннің көңіліне ыстық. Неге десеңіз мұғалім – адамды қалыптастыратын мәңгі нұрдың қызметшісі. Ұлы ағартушысы Ы.Алтынсарин : « Жақсы мұғалім мен үшін қымбат, өйткені ол- мектептің жүрегі » деген екен. Бар білімі мен білігін шәкіртіне арнайтын жақсы мұғалімді халық таниды, әділ бағасын береді.

Адам баласы өзі таңдап алған мамандығын толық меңгергенге дейін сан түрлі кедергілерге кездесетіні белгілі жағдай. Қиындығы мен қызығы мол осы бір мамандықтың иегері – мұғалімдерөз бойындағы барын оқушысына бере алады. Сондықтан оқушының жеке басын жетілдіру жолдары мұғалімнің өзін өзін жетілдіру арқылы өтпек.

Жеке адамды тәрбиелеу мен дамыту ісінде шығармашылық ойдың, күшті ерік – жігердің адамы, балаларға бар ниетімен көмектескісі келетін адам керек. Абай атамыз да мұғалім бір орнында тұрып қалмай, үнемі іздену, оқу, өсу үстінде болу керектігін, сол білгенін басқаға үйрету керектігін айтты.

Ең бастысы, мұғалім адамгершілігі мол, үлкен жүректі, әділетті , мінезі кең , ішкі жан дүниесі сұлу, баланы сүйе білетін, рухани жағынан таза адам ьолу керек.

Мұғалім - белгілі бір пәнді жетік меңгерген мамандық иесі. Болашақ мұғалімнің біліктілігі оқу орнында алған білімі арқылы қалыптасады. Сол қалыптасқан білімді мектепте, жұмыс орындарында тәжрибемен ұштастырып байыта білу әр мұғалімнен шығармашылық еңбектң талап етеді.

Жас мұғалімдердің бейімделуін жүзеге асырудың маңызды талаптарының бірі – мектеп директоры мен оқу ісінің меңгерушісінің әкімшілік бақылаулары. Іс – әрекеті жүйелі бақыланатын мұғалімдер оқу- тәрбие ісінде аз қиындықтарға кездеседі. Мұндай алдын ала көрсетілген көмектің әсері еренкше.

Жас мамандар күнделікті сабағына үлкен ізденіспен, дайындықпен келіп, үнемі әріптестерінен , тәжрибелі мұғалімдерден үйрену үчтінде жүрсе, жақсы ұстаз қалыптасары сөзсіз. Сонда ғана « Ұстаздық – ұлылық емес , ұлы қызмет » екендігін түсінетін, қадірлейтін , өз мамандығын сүйетін ұстаздар саны көбейеді .

Ережепова А.

Ы.Алтынсарин орта мектебі