№13 Т.Бигелдинов атындағы жалпы

білім беретін Мемлекеттік мекемесінің

10 «Ә» сынып оқушысы

Әмет Балнұр

Креативті мұғалім- заман талабына сай болуы тиіс....

"Креативтік" ұғымы шығармашылық, дарындылық, шығармашылыққа икемділік деңгейін білдіреді.

Бүгінгі шәкірт- ертеңгі ел тізгінін ұстар, мемлекетіміздің болашағы. Қазіргі кезде жас ұрпаққа сапалы білім мен саналы тәрбие беруге мемлекеттік деңгейде мән беріліп жатыр.Бұрынғы Елбасымыз Назарбаевтың Қазақстан халқына Жолдауында ұлттың бәсекелестік қабілеті, алдымен оның білім деңгейімен айқындалатыны атап көрсетілген. Жеткіншектің білім алуы – ақпаратпен жұмыс десек, оны қатаң түрде басқаруға болады. Сондықтан, білімді ақпараттандыру компьютермен, элекрондық құралдармен жұмыс істеумен шектелмейді.Қайта оларға кітап оқуды үйрету керек шығар,менің ойымша заманауи ұстаз әрбір оқушыны кітап оқуға үйретсе ғана білікті маман иесі деп тануға болады.

Қоғам дамының ең басты шарты- креативті тұлға тәрбиелеу десек, сол криеативті тұлғаны тек креативті ұстаз ғана тәрбиелей алуы ұстаздар мен білім алушылардың білімділік және кәсіби шеберлігін қажет етеді. Демек, қазіргі қолданып жүрген сын тұрғысынан ойлауды дамыту технологиясын пән ерекшелігіне қарай қолдана білу- оқыту мақсатына жетудің бірден –бір жолы. Заман талабына сай электронды оқулық, интернет, web сайтты қолданудағы жаңа ақпаратты технологияларды пайдалану саясиэкономикалық пәндер үшін маңызы зор. «Қайратыңа әдісіңді жолдас ет, әдісіңе ақылықты жолдас ет» деген халық нақылы ұлт ұзтазының ұстанымына айналуы тиіс.

«Тәрбие негізі-білім, даналық негізі ғылым» десек, ғылым мен техниканың жедел дамыған, ақпараттық мәлеметтер күшейген заманда ақыл-ой мүмкіндігін қалыптастырып, оқушының қабілетін, бейімділігін дамыту білім беру, оны дербестікке, ізденімпаздыққа, шығармашылыққа жетелейтін бірден бір жолы- оқытудың әдіс-тәсілдерін үнемі жетілдіріп отыру және заманауи педагогикалық технологияларды меңгеру, педагогикалық қызметкерлерге ғылымның негіздерін игеру үшін ізгілік, адамгершілік қасиеттерді қалыптастыра отырып, оқушының әлеуметтік-психологиялық жауапкершілігін арттырады. Сондай ақ, қоғам мен табиғат жөнінде білімдерін кеңейтеді, шығармашылық ізденіс негізінде қабілеттерін дамытады, дүниетанымында саналы мәдениет қалыптастырады. Бүгінгі ұстаздың алдында «біз бәріміз жаңарып, жасөспірім буынды жаңаша тәрбиелеуіміз керек» деген міндет тұр. Мінекей, осындай ғасырда өмір сүріп, тәлім-тәрбие ме білім беріп отырған біздер, мұғалімдер үшін де креативтілікті туылғаннан бастап бойларына сіңіріп келе жатқан қазіргі буынның оқушылары үшін де бұл ғасырдың берері де, алары да мол десем артық емес.

«Баланы оқытудың мақсаты- оны әрі қарай мұғалімнің көмегінсіз-ақ дамуға қабілетті ету» деп көрсетті, - Эльберт Хаббарт. Ол үшін мұғалім көштен қалмай өз біліктілігімізді арттыру мақсатымен оқудағы жаңа әдіс-тәсілдерді енгізу арқылы сабақ беру үдерісін қызықтыру керек.Сондықтан да біздің мектептің ұстаздары да жыл сайын біліктілікті арттыру үшін оқушылармен теңлесіп оқу оқып келеді,және де оқушылар тек тыңдаумен айналыспай, білім алуда белсенді әрекет етуі керек. Белсенді оқу аясында көңілді білім алады. Жаңартылған және критериалды бағалау жүйесін енгізу тұрғысынан мұғалімдер өз шеберлігін көрсетеді. Мұғалімдер оқушылардың не білетінін және нені жасай алатынын сонымен қатар олардың қызығушылықтарын, әр оқушының нені жақсы көретінін және не істегісі келетінін түсінуге тырысады. Тек өз шығармашылығын шыңдаған ұстаз ғана жаңаша, креативке толы білім береді деп сенемін.

Қорытындылай келе айтарым: «Кемел білім берілмей, келісті ұрпақ өспейді» - дегендей, сол келісті ұрпақтың келешегі үшін бүгінгі ұстаздар алдында ХХІ ғасырда әлемдік жетістікке жету жолында оқу-тәрбие үдерісінде өткенге қарап бас иетін, болашаққа қарап білек сыбанатын, креативті, қатаң бәсекелестікке төтеп беретін білімді, жаңашыл, жаны таза оқушылар тірбиелеу үшін жұмыла бірігіп еңбектенуіміз қажет.