Зейін тұрақтылығы мен есте сақтау жаттығулары

Баяндама

Тақырыбы: «Зейін тұрақтылығы мен есте

сақтау жаттығулары».

2023-2024ж

Тақырыбы: «Зейін тұрақтылығы мен есте сақтау жаттығулары» Мақсаты: нейрожаттығу арқылы зейінін, есте сақтау қабілеттерін дамыту. Міндеттері: балалардың саусақ қимылы белсенділігін жетілдіру , қызығушылығын ояту, ұсақ моторикаларын дамыту, өз әрекетін қадағалауға тәрбиелеу.

Мен сіздермен жалпы сөйлеу тілінің дамымауы балалардың зейінін тұрақтандыру,есте сақтау қабілеттерін дамыту бойынша жаттығуларды өз тәжірибемде қалай қолданып жүргенім туралы бөлісетін боламын.Осы бағытта нейрожаттығуларды басшылыққа аламын.Алдымен нейрожаттығу деген не?соған тоқталып өтсек.

Нейрожаттығулар-бұл ми жаттығулары. Нейрожаттығулардың пайдасы қандай?Мидың оң жақ және сол жақ жарты шарларының үйлесімді жұмыс жасауын жақсартады,ұсақ ірі моториканы дамытады,ақпаратты тез қабылдап,қорытуға көмектеседі,зейінді шоғырландырады,есте сақтау қабілетін арттырады,оқу және жазу процестерін жақсартады,мидың жұмыс істеу өнімділігін арттырады.

Мен өз түзету жұмыстарында ми жаттығуларын күнделікті қолданамын.Осы жаттығулардың нәтижесінде балалардың қимыл қозғалыстары арттырып, шапшаң қимылдауды үйренді. Нейрожаттығудың түрлері өте көп.Мысалы: «Алақан-жұдырық-қабырға» жаттығуы күнделікті қолданамын.

Менде бұл жаттығу қабырғада ілулі тұр. Кейбір балаларда моторикасы дамымағандықтан алақандарын ашу қиынға соғады. Күнделікті балалар бұл жаттығу арқылы жұдырықтарын ашып жауып шапшаң жасауды үйренді.

«Екі саусақпен жүргізу» жаттығуы қолданылғанның нәтижесінде балалардың ойлау қабілеттері дамып,тұрақтылықтары арта түсті.Екі саусақты бірдей қозғалту арқылы мидың оң және сол жақ жарты шарлары үйлесімді жұмыс жасайды.Бұл жаттығуды мен дыбыс қойғанда да қолданамын.Саусақпен С-Ш дыбысын айта отырып жүргізеді. Қозғалыстары баяу балалар шапшаң қозғалып,тапсырманы тез орындауға үйренді.

Нейро түстер жаттығуы. Бұл жаттығу арқылы балаларда көру арқылы есте сақтау және қиял, ойлау қабілетін, ойын арқылы саусақ қол моторикасы дамиды. Менің практикамда түстерді шатастыратын бала болды.Осы жаттығу арқылы түстерді дұрыс айыра алуды үйренді.

Бұл жаттығуда баланың бұлшықет тонустарын реттеуге көмектеседі. Баланың физикалық және эмоционалды жағдайын реттеуге тұрақтандыруға мүмкіндік береді. Тепе-теңдікті жақсарту координация мен күшті арттырады, еркін және тұрақты қозғалуға мүмкіндік береді.Балалар бұл жаттығу арқылы бір аяқпен тұру,екі аяқпен қолды бірдей қимылдатуға үйренді.

Қорыта келе нейрожаттығулар сөздік қорының көбеюіне,зейін тұрақтандыруға,ойлау,есте сақтау қабілетіне ықпал етеді.