"Зергерлік бұйымдар" тақырыбындағы ашық көрсетілім.

Бәйтерек ересектер тобының, зергерлік бұйымдар атты ашық сабағының жоспары.

Ашық сабақтың тақырыбы: Зергерлік бұйымдар

Мақсаты: Балаларды өз ұлтының зергерлік бұйымын насихаттауға үйрету,зергерлік бұйымдармен таныстыру. Ою түрлерін ажырата білуге үйрету. Салт-дәстүрге деген қызығушылықтарын арттыру.

Білім саласы: Шығармашылық,қатынас.

Бөлімі: Шығармашылық

Шаттық шеңбері:

Атым – қазақ, текті батыр ұланбыз,

Қадірлейміз қазағымның мұрасын.

Әдептілік – сұлулық пен теңдессіз,

Дәріптейміз ата дәстүр бұлағын.

Тәрбиеші:Зергерлік бұйымдарды,оюларды, балаларға,қонақтарға таныстырады.

1.Алқа-қыз баланы сыпайы,сәні мен әсем жүргуе үйрету үшін тағылады.

2. Жүзік-оны қолымызға күніміз ашық болсын деген тілекпен тағады.

3. Білезік-ол қазақ халқының қастерлі дүниесі, оны үлкен апаларымыз тағады.

4. Сырға-құлаққа тағатын сәнді бұйым.

Балалар бұл бұйымдарды зергер әшекелеп жасайды. Бұл бұйымдарға қазақтың ұлттық оюларын әшекелейді.

Оюлардың түрін,атынайтып өтеді.

Сырға - әртүрлі қымбат металдардан, асыл тастардын көз қондырып соғылған, құлаққа тағатын әшекейлі, сәнді зергерлік бұйым. Сырғаның сыртқы пішіні халық зергерлік өнерінің үздік үлгілерін сақтап, қазақтың ұлттық әдет-ғұрпына, салт-санасына сәйкесті өрнектермен безендіріледі

Білезік – сәндік үшін білекке тағатын әшекейлі, бағалы бұйым. Жасалған материалдары мен түр-түсіне қарай алтын білезік, күміс білезік, құйма білезік, сом білезік, бұрма білезік, жұмыр білезік, топсалы білезік аталатын түрлері бар.

Сақина – алтын, күміс, түсті металдардан соғылған, кейде асыл тастардан көз салынған зергерлік бұйым.

Алқа – мойынға, омырауға тағатын, асыл тастармен әшекейленген сәнді бұйым

Моншақ – бір немесе әр түсті әдемі асыл тастарды тесіп, жібек жіпке тізіп мойынға тағатын, сәукелеге, тақияға, өзге де бас киімдерге қадайтын не салбырата іліп сәндейтін әшекей бұйым.

Слайд

Сергіту сәті:

Зергерлік бұйым жасасаң,оның аты еңбек.

Ою-өрнек құрсаң, оның аты еңбек

Тәрбиеші: Біздің бүгінгі сабағымызды қорытындылай отырып, біздің кіші қойылымды тамашалаңыздар.

Баяғы да бір ханшайым өмір сүріпті.Ол өзінің зергерлік бұйымдарын қатты жақсы көреді екен.

Айым:

- Сылдыр – сылдыр, сырғалым,

Құлағыма тағар кім?

Сұлу болып әрдайым,

Сырғалы қыз атандым.

Айым: Мен қандай әдемімін,менің алқам,менің сырғам,менің жүзіктерім өте әдемі. Мен кішкене шаршадым,асыл заттарымды шешіп, бір ұйықтап алайын.

Тәрбиеші: Осы уақытта ұрланып сиқыршы кіреді.

Айым: Ой,менің жүзіктерім,асыл-заттарым қайда?

Тәрбиеші: Ханшайым жыламаңыз.сіздің бұйымдарыңызды тауып береміз.

Балалар: Иа

Сиқыршы: Оны мен ұрлап алдым,оның ішінде не зат барын білейін дедім.

Тәрбиеші: Сиқыршы сен ол заттарды ханшайымға қайтарып бер. Балалар саған оның ішінде не барын айтып береді.сен төрлетіп тыңда.

Тәрбиеші: Балалар әшекей-бұйымдарды кім жасайды?

Балалар: Зергер

Тәрбиеші: Зерген немен әшекелейді?

Балалар: Әдемі тастар мен оюлармен.

Тәрбиеші: Сендер қандай ою түрін білесіңдер?

Балалардың жауаптары

Тәрбиеші: Міне,сиқыршы, біздің балалар саған зергерлік бұйымдар туралы айтып берді. Енді сен ханшайымның бұйымдарын қайтарасың ба

Сиқыршы:Бұйымдарды әкеледі.

Сиқыршы: Балалар сендер өте ақылды екккенсіңдер. Мен ханшайымның бұйымдарын қайтарып беремін. Сендер мені кешіріңдер.

Тәрбиеші: Балалар сиқыршыны кешіреміз бе?

Балалар: Иа

Тәрбиеші: Ал ендеше біздің ашық сабағымыз осымен аяқталды. Назарларыңызға рахмет!