Тақырыбы: «Зерде» зияткерлік ойыны

Мақсаты: Балаларды заман талабына сай әр саладағы білімдерін кеңейте отырып, білім деңгейін байқау. Ұлттық мәдениет құндылықтарын бойларына сіңіре отырып, балалардың тапқырлығын, шеберлігін, танымдылығын анықтау. Ойлау қабілеттерін жетілдіре отырып, сөйлеу шеберлігін дамыту. жарыста жеңімпаз болуға ұмтылдыру. Алған білімдерін қолдана білуге тәрбиелеу.

Жүргізуші: Қайырлы таң құрметті қонақтар! Бүгінгі «Зерде» зияткерлік сайысына қош келдіңіздер! «Білімді ұрпақ – ел тірегі» демекші, мектепалды даярлық тобының сайыскерлерін арсы алайқ.

1. Құрақ Саламат – 5 жаста. Бос уақытынды құрастырғышпен түрлі нәрселер құрастырғанда ұнатады. Арманы полиция қызметкері болу.

2. Қуандық Венера – 5 жаста. Логикалық есептерді шығаруға қызықтанады. Арманы ұстаз болу.

3. Талас Кәусар – 5 жаста. Бос уақытында кітап оқығанды ұнатады. Кітаптың барлығын тез оқи алсам деп армандайды.

4. Төлеген Дархан – 5 жаста. Спорттық ойындарды ойнағанды ұнатады. Арманы чемпион болу.

5. Талас Альмира – 5 жаста. Ермексаздан ойыншықтар жасауды ұнатады. Арманы суретші болу.

6. Ануар Анэль – 5 жаста. Ән айтып, би билегенді ұнатады. Арманы дәрігер болу.

7. Рахымбек Айкөркем – 5 жаста. Суретті шебер салады. Арманы әнші болу.

Жүргізуші: Адамгершілік амандасудан басталады, алдымен амандасып алайық.

«Ай-Наз» атты бақшаның

Тәрбиелі баласы

Алдыменен қонақпен

Амандасып алады.

Сәлеметсіздерме!

Жүргізуші: Ендеше сайысымызды бастамас бұрын, әділқазылар алқасымен танысып өтейік.

Балалардың білімдерін көріңіз,

Әділқазы әділ біздің, сеніңіз.

Жүзден жүйрік, мыңнан тұлпар анықтап,

Сәттілік тілеп бізге шабыт беріңіз.

Балабақша директоры: Н.С: Шырақбаева

Балабақша әдіскері: Тугужева Д.А.

Балабақша ұйымдастырушы: Адилханова М.Ж.

Жүргізуші: Ендеше, әр топтың ұран мақсатымен таныс болайық.

«Білімділер» тобы

Біздің ұранымыз: «Білекті бірді жығады, білімді мыңды жығады»

Біздің мақсатымыз: Оқимыз білім аламыз,

болашақ жолын саламыз.

Бәрін біліп үйреніп,

біз мектепке барамыз.

«Алғырлар» тобы

Біздің ұранымыз: «Оқусыз білім жоқ, білімсіз күнің жоқ»

Біздің мақсатымыз: Мақтанбаймыз білгішпіз деп,

Таудай бірақ талабымыз.

Білімді бала атанып,

Үлкен ғалым боламыз.

Жүргізуші: Олай болса, сайыс бөлімдерімен және шарттарымен таныс болайық. Сайыс 6 бөлімнен тұрады. Әр бөлімде 2 тапсырмадан беріледі. Сұрақтарға тез және нақты жауап беру керек. Әр жауапқа 1 ұпайдан беріледі және уақы беріледі.

І бөлім «Не, қайда, қалай?»

ІІ бөлім «Білгенге, маржан»

ІІІ бөлім «Ойна да, ойлан»

ІV бөлім «Жүйрік болсаң озып көр»

V бөлім «Бәрін білгім келеді»

VІ бөлім «Ұпайға ұпай қос»

Жүргізуші: Мықты болсаң – алдағыны басып оз,

Мықты болсаң – арттағыны жеткізбе.

Мықты болсаң – тайғанама көк мұзда,

Мықты болсаң – бөгеттерді басып өт.

Ал бәріңе сәттілік!!

І бөлім. 1 тапсырма Сұрақ-жауап.

1. Маңғыстау облысында не өндіріледі?

2. Қойдың төлін не дейміз?

3. Тәуелсіздік күні қай күн?

4. Бір аптада неше күн бар?

5. 2-ші күн қалай аталады?

6. Балабақша сөзінде неше буын?

7. Қай пішінде бқрыш жоқ?

8. Асанда 5 асық, Үсенде сонша асық, қосқанда барлығын неше асық?

9. Қазақ әліппесінде неше әріп бар?

10. «Қ» дыбысы қандай дыбыс?

11. «Жақсы» сөзіне қарама-қарсы сөз?

12. Не бақшада өседі?

13. Не мөңірейді?

14. Апанда ұйықтайды?

15. Ол сені бәрінен жақсы көреді?

16. Сөз неден құралады?

17. 6-дан кіші 4-тен үлкен сан?

18. Әкеңнін әкесі саған кім болады, сен оған кім боласың?

19. Сіркіреп жауады?

20. Еңбекқор жәндік?

2 тапсырма «Тез жауап бер» (2 минут)

(Қызыл көк конверттерді таңдайды)

А) «Отан», «Оқу-білім» туралы мақал-мәтелдер айтады.

Ә) Қоржыннан карточкалар алады. Қазақстан қалалары,қазақтың ұлттық тағамдары,құстар, жәндіктер атауын атайды.

ІІ бөлім. 1 тапсырма «Әріптен сөз құра» ( 3 минут)

Шарты: 2 топқа қима әріптер беріледі. 3 минут ішінде сол әріптерден сөз құрайды, оқиды.

2 тапсырма «Сөз ойла, тез ойла» (1 минут)

Шарты: тақтада кестелердегі жасырынған әріпті ашып 1 минут ішінде сол әріптен басталатын сөздер айтады.

ІІІ бөлім. 1 тапсырма «Жұмбақ шеше білейік»

1. Жасыл ала дөңгелек

Бақшада жатыр дөңгелеп. (Қарбыз)

2. Қиналып көтеріп, өзінен ауырды

Жорғалап барады, жүкшідей кәдімгі. (Құмырсқа)

3. Қыста киімін тастайды,

Көктемде киіне бастайды. (Ағаш)

4. Үш тілі бар, тақылдаған үні бар. (Сағат)

5. Таңмен көзін ашады,

Әлемге нұрын шашады. (Күн)

6. Айбат шеккен алыстан,

Аң патшасы........ (Арыстан)

7. Аяғы бар, басы бар,

Арқасында тасы бар. (Тасбақа)

8. Орманда тұрады,

Тоқ, тоқ етіп тұрады. (Тоқылдақ)

9. Үй үстінде алтын тас,

Алайын десем алынбас. (Жұлдыз)

10. Ашылып жабылады,

Әр үйден табылады. (есік)

11. Қашып кеткен атадан,

Қашып кеткен әжеден.

Орманда кеше жүр едім,

Домалап шықты алдымнан. (Бауырсақ)

2 тапсырма «Ребус»

(слайдтан көрсетілген ребустардың жауабын табады)

ІV бөлім. 1 тапсырма Логикалық сұрақтар.

1. Екі сиырдың неше мүйізі бар?

2. Үш алманы бақтағы, кірі алып жинады.

Ең әдемі біреуін, ақ тиінге сыйлады.

Ыдыстағы алманың. Санап көрші қалғанын.

3. Айгүл 7 гүл теріп 1-н досына 2-н анасына сыйлайды. Өзінде қанша гүл қалды?

4. Қасқыр қоянды қонаққа шақырды. Қоян түлкіні ерітіп барды. Қасқыр үстелге қанша тәрелке қанша қасық қойды?

5. Көл жағасына 6 үйрек жүретін болатын. 2-і ұшып кетті. 2-і суғ түсіп кетті. Қанша үйрек жағада қалды?

2 тапсырма «Өрнектің мәнін тап»

(Екі топтан бір-бірден шығып тақтадағы есепті орындап, келесі балаға жалғастырады. Әр есепке 1 ұпай)

V бөлім 1 тапсырма «Дұрыс, бұрыс» ойыны

Шарты: Ойында қай топ дұрыс деп, қызыл орамалды көп көтерсе сол топқа 1 ұпай қосылады.

«Білгірлер» тобы

1. Үздік оқушы боламын

2. Мен балабақша түсте келемін.

3. Үлкенге сәлем беремін.

4. Астанада Бәйтеректі көрдім.

5. Алма ағаштан алмұрт тердім.

6. Ұшақпен суда жүздім.

7. Қызанақ қызыл болады.

8. Киіз үйдің тереземінен қарадым.

9. Менің Отаным – Қазақстан.

10. Ит мияулайды.

«Алғырлар» тобы

1. Мен түнде күнді көрдім.

2. Оң қолыммен жазамын.

3. Бағдаршам қызыл жанғанда өтіп кеттім.

4. Кәмпитімді досыма бөліп беремін.

5. Жолда доп ойнадым.

6. Мен әжемнің немересімін.

7. Сиыр, сиыр жапырақ, берші деді мысық.

8. Қыста жаңа жыл тойлаймын.

9. Қоянның құлағы қысқа.

10. «Ай-Наз» сөзі «А» дыбысынан басталады.

2 тапсырма «Бұл қай ертегі?»

(слайд арқылы көрсетіледі. Әр дұрыс жауапқа 1 ұпай қосылады. Суретке қарап, қай ертегі екенін айтады.)

1. «Арыстан мен тышқан»

2. «Мақта қыз бен мысық»

3. «Алтын балық»

4. «Түлкі мен тырна»

5. «Шалқан»

6. «Жеті лақ»

VІ бөлім.

Екі топ пазлы құрастырады.

Ата-аналар кроссворд шешеді.

Жүргізуші: Ал балалар осымен «Зерде» зияткерлік сайысымыз өз мәресіне жетті. Кезекті әділқазылар алқасына берейік.

Құттықтау сөздер. Марапат. Сыйлықтар.