Компьютерлік графика түрлері және 2D кескінін құруға арналған бағдарламалық жасақтамалар

1 слайд
Компьютерлік графика түрлері және 2 D кескінін құруға арналған бағдарламалық жасақтамалар

2 слайд
Компьютерлік графика – компьютерлік технологияларды қолданып суреттер мен кескіндері жасау, сондай-ақ көрнекі ақпаратты өңдеу жұмыстары жүргізілетін қызмет саласы.

3 слайд
Компьютерлік графиканың негізгі түрлері: 1 ) растрлық графика 2)векторлық графика 3)фракталдық графика 4)үшөлшемді (3 d ) графика

4 слайд
Растрлық графика Растрлық графикада кескін пиксель деп аталатын к өптеген кішкентай ұяшықтардан жиналып, мозаика сияқты құрастырылып жасалады. Пиксель – екіөлшемді сандық бейненің ең кіші элементі немесе түс туралы ақпаратты қамтитын дисплей матрицасының элементі.

5 слайд
Растрлық графика шынайы фотоға жақын сапалы сурет, сандық кескін және фотосуреттерді жасауда қолданылады. Растрлық графиканың кең таралған редакторлары:  GIMP,  Adobe Photoshop,  Microsoft Paint.

6 слайд
Кемшілігі :   растрлық кескін өлшемінің масштабын өзгерткенде (бір немесе бірнеше бағытта созу немесе сығу) кескіннің сапасын жоғалтатыны. Мысалы, кескінді үлкейткенде, оның көрінісі дөрекіленіп кетсе, кішірейткенде – кескін сапасы өте нашарлап кетеді (нүктелерін жоғалтқандықтан).  Растрлық кескіндердің тағы бір кемшілігі – файлдар өлшемдерінің өте үлкендігінде (түстері неғұрлым көп және сапасы жоғары болған сайын, олар соғұрлым үлкен болады).Артықшылығы :   растрлық кескінді түзетуге, әдемілей түсуге, яғни оның кез келген бөлігін өзгертуге болады;  нүктелерді қажет болмаса ішінара алып тастауға немесе қоюлатуға, сондай-ақ, кескіннің әр нүктесін ақ-қара немесе басқа кез келген түске өзгертуге болады

7 слайд
Растрлық графиканың форматтары:  GIF (Graphics Interchange Graphics)  PNG (Portable Network Graphics)  JPEG (Joint Photographic Experts Group)  TIFF (Tagged Image File Format)

8 слайд
Векторлық графика Векторлық графика суретті математикалық формулалармен сипаттайтын примитивтер түрінде ұсынады. Примитив – бұл қарапайым геометриялық нысандардың жиынтығы түріндегі сурет ( мысалы, кесінді, доға, шеңбер, көпбұрыш және т.б. )

9 слайд
Векторлық графиканың басты артықшылығы оған кескін сапасын жоғалтпай өзгеріс енгізуге, оңай кішірейтуге және үлкейтуге болатындығы. Келесі артықшылығы - векторлық кескіндердің ақпараттық көлемі растрлық кескіндермен салыстырғанда әлдеқайда аз болады. Векторлық кескіндер СorelDRAW , Adobe illustrator , Micrografx Draw секілді векторлық графикалық редакторларда жасалады.

10 слайд
Векторлық графикамен жұмыс істеуге арналған бағдарламалық құралдар бірінші кезекте кескіндерді өңдеу үшін емес, оларды жаңадан салу үшін қолданылады. Бұндай құралдар жарнама агенттіктерінде, дизайнерлік бюроларда, редакциялар мен баспаханаларда кеңінен қолданылады. Векторлық графиканың форматтары:  CDR – CorelDRAW  SVG(Scalable Vector Graphics)  WMF(windows MetaFile)  AI(Adobe Ilustrator)

11 слайд
Фракталдық графика Фракталдық графиканың жасалу әдісі сурет салуға немесе безендіруге емес, программалауға негізделеді. Егер растрлық графикада растр (пиксель), ал векторлық графикада сызық базалық элемент болып табылса, фракталдық графикада математикалық формуланың өзі базалық элемент болып табылады, бұл компьютердің жадында ешқандай объект сақталмайды, кескін тек қана теңдік бойынша салынады деген сөз.

12 слайд
Фрактал – ұқсастық қасиетіне ие жиын (тұтас пішіні бір немесе одан да көп өзіне ұқсас бөліктерден тұратын нысан)

13 слайд
3D графика 3D графика – бұл көлемді нысандарды үшөлшемді кеңістікте модельдеу жолымен бейнелерді жасау әдістеріне бағытталған компьютерлік графиканың бөлімі. Полигон – грекше көпбұрыш – үшөлшемді нысанның бетін елестететін екіөлшемді қарапайым геометриялық фигуралардың жиынтығы. Компьютерлік ойындарда полигон ретінде көбінесе үшбұрыштар қолданылады, өйткені үшбұрыштар ең жоғары жылдамдықпен өңделеді. Басқа мақсаттарда өзге көпбұрыштар қолданылады.

14 слайд
Үш өлшемді графика үш өлшемді кеңістіктегі объектілермен жұмыс істейді. Әдетте нәтижелер тегіс сурет, проекция болып табылады. Үш өлшемді компьютерлік графика кинода, компьютерлік ойындарда кеңінен қолданылады.

15 слайд
Үш өлшемді графиканың бағдарламалық құралдары: 1. Kіnetix фирмасының 3D Studio Max бағдарламасы. 2. Microsoft компаниясының Softimage 3D бағдарламасы. 3. Мүмкіндіктер және интерфейс тұрғысынан революциялық болып әйгілі компаниялардың (Alias, Wavefront, TDI) консорцимымен жасалған Maya бағдарламасы.

16 слайд
2D кескінін құруға арналған бағдарламалық жасақтамалар Microsoft Paint – Windows операциялық жүйесінің құрамына кіретін Microsoft компаниясының көпфункционалды, бірақ пайдаланылу өте жеңіл растрлық графикалық редакторы.

17 слайд
CorelDRAW – векторлық графиканың графикалық редакторы. Онда пайдаланушылар векторлық бейнелерді жасап, кейңн оларды өңдей алады. CorelDRAW пакетіне сондай-ақ әртүрлі фотосуреттерді өңдеуге болатын Corel Photo-Paint растрлық графика редакторы, экраннан суреттерді басып алуға мүмкіндік беретін Corel CAPTURE және басқа да қосымша бағдарламалар кіреді.

18 слайд
Бұл программаны баспа материалдардан даярлауға қолданады: буклет, календарь, кітаптар иллюстрациясы, плакаттар, визитка, открытка, билеттер т.б. CORELDRAW бағдарламасын Web-сайт элементтері мен Web парақтарды безендіруге, техникалық құжаттарды, сызбалар, жоспар, схема сипаттамалары файлдарын жасақтауға қолданады.

19 слайд
Adobe Illustrator – басып шығару және ғаламторда жариялау мақсатында жоғары сапалы кескіндерді жасауға жеткілікті мүмкіндік беретін және иллюстраторлар мен дизайнерлерге арналған бағдарлама.

20 слайд
Adobe Photoshop – бұл көпфункционалды графикалық редактор, растрлық бейнелерді түзетудің мықты құралы. Бағдарлама полиграфиялық мақсаттағы кескіндер редакторы ретінде әзірленген, бірақ ол веб-дизайнда да кеңінен қолданылады. Adobe Systems компаниясының басқа бағдарламалары (Adobe ImageReady, Adobe Illustrator, Adobe After Effects) сияқты Photoshop кәсіби DVD арнайы эффектілерді жасау үшін, теледидарда, кинематографияда және ғаламторда ақпарат алмасуда қолданылады.

21 слайд
GIMP (GNU Image Manipulation Program) – векторлық графиканы ішінара қолдайтын растрлық графикалық редактор. GIMP бағдарламасының көмегімен графикалық файлдарды, фотосуреттерді, логотиптерді және суреттерді жасап, өңдеуге болады.

22 слайд
Үй тапсырмасы:  Қазіргі заманғы өнеркәсіпте 3D модельдеумен қатар 4D және 5D технологиялар пайдаланылады. Олар туралы не білесіңдер? Мұндай технологияларға мысалдар тауып, олардың ерекшеліктерін, қолдану салаларын анықтаңдар.  BIM және CALS технологияларын пайдаланылатын бағдарламалар тізімін анықтаңдар.