"7-ге көбейту және бөлу кестесі" математика 3 -сынып

7-ге көбейту және бөлу кестесі

Сабақтьщ мақсаты: 7-ге көбейту және бөлу төсілдері туралы білімдерін қалыптастыру; көбейту кестесін құруда көбейтудің ауыстырымдылық қасиетін пайдалануға үйрету.

Ұйымдастыру кезеңі.

Тірек білім, білік, дағдыларын белсендіру.

Есептеу дағдыларын жетілдіру үшін «Қай қатар тез есептейді?» ойынын өткізуге болады. Мұғалім 3 бет қағазға әр қатардағы оқушылардың санына сәйкес көбейту және бөлуге мысалдар жазады. Ойыншылар соңғы партадан бастап, мысалдың жауабын жазып, алдыңғы партадағы балаға береді. Мысалдарды тез және дұрыс орындаған қатар жеңеді.

«Кестені білем» ойынын өткізуге болады. Мақсаты: көбейту және бөлу кестесі туралы білімді бекіту.

Балалар екі командаға бөлінеді. Әр командадан 9 адамнан шығады. Олар екі қатар болып сап түзейді. Әр қатарда балалар рет санын дауыстап атайды да, кеуделеріне тиісті нөмір жазылған қағазды қыстырады.

Жүргізуші көбейту кестесінен кез келген көбейтіндіні атайды, мысалы: 48. 48 саны 6 мен 8 сандарының көбейтіндісі, сондықтан әр қатардан осы нөмірлі балалар ортаға жүгіріп шығады. Ойыншылар жылдам қимылдаған команда жеңіске жетеді.

Жаңа сабақ.

7-ге көбейту және бөлу кестесі кестелік көбейту және бөлудің бұрын өткен жағдайларына ұқсас құрастырылады. (№1 тапсырма). Бастапқы бекіту үшін №3 тапсырма мен №2 тапсырманың есептері орындалады.

Өткен тақырыппеп жұмыс.

Оқулықтағы есептерді шығармас бұрын тақтадағы сурет бойынша бірнеше есеп құрастырылады немесе мұғалім ұсынған есептер шешіледі:

• Серікте 30 теңге бар. Егер 1 тоқаш 5 теңге тұрса, неше тоқаш ала алады?

• Әсел 8 теңгеден 2 қарындаш сатып алды. Ол барлығы неше ақша жұмсады?

• Әлихан 2 дәптер үшін 12 теңге төледі. 1 дәптер неше теңге тұрады?

Содан кейін мұғалімнің басшылығымен №4 тапсырманың есептері шығарылады.

№7 тапсырманы (1-ші және 2-бағандар) оқушылар түсіндіре отырып орындайды, ал 3-бағанды өздігінен орындауға болады.

Өздік жұмыс. №5 тапсырманы балалар өз беттерінше орындап, соңынан

тексереді. №8 логикалық тапсырманы да балалар өздері орындай алады. Мұғалім осындай есеп түрлерін шығаруда қиналатын оқушыларға көмектеседі.

Сабақты қорытындылау. Үй жұмысы ретінде №6 тапсырма ұсынылады.