90 жылдық шежіре

90 жылдық шежіре!

Арайлап атқан таңы бар, кең жазыққа көсілген Тарбағатай тауы бар, кең байтақ жерді мекендеген мейірбан халқы бар -Үржар! Үржар жері үрлеп ауызға салғандай әсем де, көркем. Кіндік қаным тамған киелі жерім. Ол менің - Үржарым. Тәңірі өзіңе асты-үстіне байлыққа толып тұрған сондай өлкені қалай мақтамайсың?! Әр перзент үшін өзінің туған жері, туған ауылы оттай ыстық екені ақиқат.Дәлірек айтқанда, туған жерін жырламаған ақын кемде-кем емес пе?Ақын Кәбір Ғабдуллин былай деп толғайды:

Сайраған бұлбұл,

Гүлбағы бұл бір.

Түлеген түлеп Үржарым,

Тұрады лаулап,

Әніңдей баурап.

Бойыңда жігер бір жылан.

Ұшқының түскен,

Мұқалмас күшпен,

Алаулап менің тұр жаным!

Шынымен де жырлауға, жырға қосуға лайық. Әрине, тек қана өзінің табиғатымен ерекшеленіп қана қоймайды. Бұл жерден шыққан талай-талай дарындылар бар.Үржар дарындылар мекені десем, артық айтпаспын. Әсеттей әншісі бар, қайратты Қабанбайдай батыры бар, қалам құстар Қабдеш Жұмаділовтей жазушысы бар,Үржар өңірі - бақытты!

Мен де осындай қасиетті жерде туғаныма қуанамын. Тіпті, мақтаныш сезіммен айта аламын. Егерде осы өңірдің тарихына көз жүгіртетін болсам, сонау 1928 жылдан Шығыс Қазақстан облысы,Үржар ауданының аудан орталығы болып келе жатыр. 1997 жылы оның құрамына Мақаншы мен Таскескен аудандары қосылды. Ауыл Тарбағатай жотасының батыс сілемінін оңтүстік етегін ала, Үржар өзені бойында орналасқан. Халқы-95312. Ауданының жер көлемі-23,4 мың шаршы км. Тағылымы терең, қойнауы қазынаға толы, 90 жылдық ойып алар тарихы бар мекен. Сонымен қатар батысы мен солтүстік-батысында Аягөз ауданымен, солтүстік батысында Алматы облысының Алакөл ауданымен, ал шығысында Қытай Халық Республикасымен шектеседі. Үржар шежіренің сандығы іспетті. Осыған орай ақын Жабайыл Бейсеновтың мына шумақтары еске оралады:

Туған жер сенің ерекше,

Өздеген көркем сымбатым,

Көргенде жүрек дір етсе,

Тартады тағы тым жақын.

-деген өлең жолдары ерекше әсер береді. Елімнің ертеңі, елімнің болашағы бүгінгі туған ауылымыздан бастау алады. Туған жер көркейсе, халқымызда мерейлене түседі.

Тәрбиеші Хасанова Жанар Жолдыбаевна

«Үржар ауданы әкімдігінің Балауса балабақшасы» КМҚК