--------------облысы,--------------- ауданы, ------------ ауылындағы

------------------------коммуналдық мемлекеттік мекемесінің

5 «Б» сыныбына психологиялық –педагогикалық мінездеме.

Мен іс-тәжірибеден өту үшін бекітілген 5 «Б» сыныбында 16 оқушы бар. Оның 10-ы ұл балалар болса, 6-ы қыз балалар. Әлеуметтік құрамы орташа. Материалдық жағынан жеткілікті қамтылған. Сынып оқушылары ұйымшыл, бір-бірімен жақсы араласады. Оқушылардың үлгерімі жақсы деңгейде деп айта аламын. Сыныпта берілген оқу материалдарын оңай меңгеретін, зейіні жақсы дамыған оқушылар көп. Сынып жетекшісі Байзақова Клара апай өзінің сыныбындағы оқушылырға өз деңгейлерінде талап қояды. Сынып жетекшісінің қоятын талаптары ең алдымен тәртіп, әр оқушы өзіне берілген жұмысты уакытында орындауы тиіс. Сонымен қатар, оқу процесінде үлгерімі жақсы оқушы үлгерімі нашарлау оқушыға көмек береді. Әр апта ашық есік күніне ата-аналар жиналып, оқушылардың оқу-тәртіп үлгерімін қадағалап отырады. Ата-аналар жиналысында ең алдымен оқушылардың оқу үлгерімі мен тәрбиесі қаралады, сонымен қатар білім беру бағдарламасындағы жаңа өзгерістермен ата-аналарды хабардар етіп отырады. Сынып іші топ-топқа бөліну, бір-бірімен араласпай жүру деген сияқты жаман қылықтардан аулақ. Оқушылар ұйымшыл, бір-бірімен өте жақсы араласады. Сабақ үстінде бір-біріне үнемі көмектесіп отырады. Сонымен қатар ата-аналардан балаларын үйде міндетті түрде қадағалау керектігін қатаң түрде ескертіп өтеді. Және де оқушылардың сыныптан тыс тәрбиелік жұмыстар мен тәрбиелік шараларға қатысуы және де қызығушылықтары жоғары. Оқушылардың кейбіреулері салауатты өмір салтын ұстанып спортпен шұғылданса, енді бірі ән , бірі би, біреулері қолөнер шахмат үйірмелеріне үзбей, белсенді түрде қатысады. Сынып оқушылары сынып жетекшілерімен бірге экскурсияларға шығады. Кейде сынып болып жиналып, зейнеттегі қарт ата-әжелерге де көмек қолын созып, көмектесіп тұрады. Тәжірибеден өту кезінде сынып оқушыларымен етене араласып, жұмыс жасадым.

--------------облысы,--------------- ауданы, ------------ ауылындағы

------------------------коммуналдық мемлекеттік мекемесінің

5 «Б» сынып оқушысы Ахметжан Раянға
мінездеме

Ахметжан Раян Берікұлы 201..... жылдың ........... дүниеге келді.
Раян осы мектепте 1- сыныптан бастап оқиды. Ол сабырлы, мейірімі мол, сыныптастарының арасында беделі бар оқушы. Мектеп шараларына белсенді қатысып қана қоймай, мектеп өміріне жауапкершілікпен қарайды.
Раян сынып старостасы. Сынып ішінде туып жатқан қиындықтарды, сынып жетекшісімен бірге шешім қабылдауға көмегін тигізеді. Сонымен қатар, ол әрбір спорттық шараларға қатысып қана қоймай сурет салғанды, ән айтқанды ұнатады. Раян толық отбасында мүшесі, ол ата - анасына үй шаруасымен көмектеседі. Жалпы, Раян өте жақсы оқитын, сыныптастары мен мұғалімдердің құрметіне бөленіп жүрген оқушы.
Оқу барысында, білім деңгейі өте жоғары, себебі Раян көп кітап оқығанды ұнатады, өз білімін жан – жақты жетілдіреді. Мектеп кітапханашысымен бірге «Оқуға құштар мектеп» жобасы аясында бірнеше рет аудандық байқауларға қатысып, жеңімпаз атанған. Республикалық онлайн байқаулардың жеңімпазы. Тәжірибеден өту кезеңінде іс-шаралар өткізу барысында маған да Раянның көп көмегі тиді. Алдағы уақытта Раян білімді, сауатты, жан-жақты дамыған оқушы бола отырып, мектепті де жоғары деңгейде бітіреді деп ойлаймын