Абайды білмек парыз, ойлы жасқа

«Абайды білмек керек, ойлы жасқа»

2018 жылдың  14 желтоқсанында Семей қаласындағы «№49 ЖОББМ»КММ қазақ,орыс,ағылшын пәні мұғалімдерінің ұйымдастыруымен ел Тәуелсіздігінің мерекесіне орай қазақтың бас ақыны – Абай Құнанбайұлының  өлеңдерін, қарасөздерін, музыкалық мұрасын дәріптеп, жас ұрпақты қазақ әдебиеті мен мәдениетін зерделеуге шабыттандыру мақсатында «Абай клубын» ашып, мектеп оқушылары арасында  «Абайды білмек керек, ойлы жасқа» атты мәнерлеп үш тілде өлең оқудан Абай оқулары өтті.

«Абай клубын» ашудағы мақсат – көркем сөзді жете танып, сөз қадірін түсініп, әдеби тілде сөйлеуге дағдыландыру, Абайдың мұрасын жас ұрпаққа насихаттау,

Абай шығармалары арқылы жастарды отансүйгіштік сезімге тәрбиелеу, қазақтың ұлттық мәдениеті мен  өнеріне, әдебиеті мен тіліне деген ықыласын арттыру. Клубқа мүше болып қатысушылар 4-9 сынып оқушылары болды.

Мүше болған оқушыларға арнайы төсбелгі тағылды. Ақынның лирикалық немесе азаматтық тақырыптағы  екі өлеңі мен бір қарасөзін мәнерлеп жатқа оқу арқылы көрермен көзіне түсті. «Өлең сөздің патшасы сөз сарасы» Абай шығармаларын (білім, ғылым және өнер тақырыптарына өрілген поэзиялық шығармасын) жатқа оқу; «Абай қарасөздері – даналық көзі» (ұнаған қарасөзін жатқа айту); «Жүйріктен жүйрік озар жарысқанда» Абайдың  өмірі мен шығармашылығы туралы слайд көрсетілді.

Абай музейінен арнайы қонақтар келіп қатысып,Абай жайында біршама мағлұматтар беріп, Абай атамыздың құрметіне жасаған кабинеттің лентасын қиып, арнайы сый-сияпат жасады. «Әлемдік ойдың алыбы» және  «Дана-ой, терең жырдың тұнығы - Абай» атты кітап көрмесі ұйымдастырылып, шолу жасалды.  

Әдістемелік бірлестік мүшелері