Адам болам десеңіз тәрбие сағаты қмжсы

Бөлім:

Педагогтің Т.А.Ә. (болған жағдайда)

Күні:

10.02.2025

Сынып: 6 сынып

Қатысушылар саны:

Қатыспағандар саны:

Тәрбие тақырыбы

Адам болам десеңіз...

Құндылықты дарыту

Оқушыларға адами құндылықтарды түсіндіру, ізгілікке, мейірімділікке тәрбиелеу.

Ой-өрістерін кеңейту, жақсы қасиеттерді бойларына сіңіру.

Өзін-өзі тәрбиелеу және айналасына құрметпен қарау дағдыларын қалыптастыру.

Қауіпсіздік сабағы

«ТӨТЕНШЕ ҚЫЗМЕТ НӨМІРЛЕРІ»

Мақсаты

оқушыларға төтенше жағдайлар қызметі не үшін арналғанын және олардың жұмыс істеу тәртібімен таныстыру.

Сабақтың кезені/ уақыт

Педагогтың әрекеті

Оқушының әрекеті

Бағалау

Ресурстар

Сабақтың басы

Оқушылармен амандасу Сабақтың тақырыбы мен мақсатын түсіндіру

Ынтымақтастық атмосферасын қалыптастыру («Жылы сөздер» шеңбері: оқушылар бір-біріне жақсы тілек айтады) «Адам болу» дегенді қалай түсінесіңдер?

Адам бойындағы қандай қасиеттерді жақсы деп ойлайсыңдар?

Мұғалімнің сөзі:
– Ұлы Абайдың «Адам болам десеңіз...» қара сөздеріне тоқталу. Абай адамдықтың жолын сілтеп, еңбекқорлық, білімге құштарлық, әділдік пен мейірімділік сияқты қасиеттерді ерекше атап өткен.

Оқушылар амандасады

Сабақтың ортасы

Оқушыларға дана тұлғалардың (Абай, Шәкәрім, әл-Фараби) адамдық туралы нақыл сөздерін ұсыну.

Әр сөздің мағынасын талдау.

Топтық жұмыс:
Тапсырма: Оқушыларды 3 топқа бөлу. Әр топқа тапсырма беріледі:

1-топ: «Адамгершілік деген не?» (постер жасау)

2-топ: «Жақсы мен жаман қасиеттерді ажырату» (кесте толтыру)

3-топ: «Қалай мейірімді болуға болады?» (шағын сахналық көрініс көрсету)

«Адамгершілік қасиеттер» ойыны

Тапсырма: Оқушыларға адамгершілік қасиеттердің (мейірімділік, адалдық, еңбекқорлық, кешірімділік т.б.) тізімін беріп, олардың мағынасын талқылауды ұсыныңыз.
Қызықтыру: Әр оқушы өзіне жақын қасиетті таңдап, сол қасиетке байланысты өмірден мысал келтірсін.

Сабақтың соңы

Жеке жұмыс: «Жүректен шыққан жылы сөз»

Оқушылар жүрекше қағазға жақсы қасиеттер немесе мейірімділік туралы өз ойларын жазады.

Рефлексия:

«Смайлик арқылы бағалау»: оқушылар сабақтан алған әсерлерін смайлик арқылы көрсетеді.

Мұғалімнің қорытынды сөзі: «Адам болу – әрбіріміздің парызымыз. Жақсы қасиеттерді бойымызға сіңіріп, айналамызға жақсылық жасай білейік».

Мақал-мәтелдердің бірінші бөлігін беріңіз, ал оқушылар оны жалғастыруы тиіс.
Мысалы:

«Әдепті бала…» (арлы бала)

«Жақсы сөз…» (жарым ырыс)

Қауіпсіздік сабағы

«ТӨТЕНШЕ ҚЫЗМЕТ НӨМІРЛЕРІ»

Сабақтың мақсаты: оқушыларды төтенше жағдайлардағы ережелерімен таныстыру.

Негізгі міндеттер:

1. Оқушылардың мамандандырылған қызметтерге көмек сұрай білуін дамыту.

2. Қандай жағдайларда шұғыл қызметтерге қоңырау шалу керектігін түсіндіріңіз.

3. Оқушыларды шұғыл қызмет операторына ақпаратты дұрыс және анық жеткізуге үйрету. Материалдар мен ресурстар:

Сабақтың осы тақырыбы бойынша мысалдарды көрсетуге арналған презентация.

Жедел қызмет нөмірлері туралы жадынамалары бар үлестірме материалдар. Проектор, проекциялық экран, компьютер. Сабақтың барысы

1. Кіріспе (2 минутқа дейін):

Суреттерден құтқару қызметінің түрін анықта, құтқару қызметінің нөмірлерін айт.

- Ортақ құтқару қызметінің нөмірін айт.

Кез келген қауіпті жағдайдан құтқаратын ортақ телефон нөмірі – 112. Бұл нөмірге хабарласу арқылы барлық қауіпті жағдай бойынша көмек ала аласыз. Төтенше жағдай кезінде бастысы, сабыр сақтап, диспетчерге, болған жағдайды дұрыстап түсінікті жеткізу қажет.

«Есте сақта!»

Өрт күзеті	101
Полиция	102
Жедел жәрдем	103
Төтенше газ қызметі	104,112
Бірыңғай құтқару қызметі	112
«111 жедел қызметі» байланыс орталығы балалар мен ересектер өздеріне көмек қажет екендігі туралы, тұрмыстық зорлық-зомбылық, балалардың құқықтарының бұзылуы туралы, баланың көшеде, үйде, көлікте жалғыз қалғаны туралы, өміріне және денсаулығына қауіп төнгенде хабарласу үшін ашылған. «111» нөмірі – 24/7 байланыста «111» нөмірі – құпиялылықты сақтайды	111
- «111» нөмірі – тәулік бойы ІІД және өңірлердің жедел топтарымен байланыста.

2.Негізгі бөлім

- Өмірде жалғыздан-жалғыз қиын жағдайда қалып қоятын кездерде барлығын өзің жеңіп шығуың керек болады. Егер сен құтқару қызметтерінің нөмірлерін білсең, өзіңе де, айналаңдағы басқа адамдарға да көмектесе аласың. Ендеше нөмірлерді жазып ал!

Жағдаяттарды талқылау:

Үйде сен бір өзіңсің. Кенет түтіннің иісін сездің. Келесі бөлмеге барсаң, өрт шығып жатыр. Сенің әрекетің.....

Спорттық алаңда балалар ойнап жүр. Араларында ересек адам жоқ. Ұлдардың біреуі құлап қалды. Ол қатты айқайлап жылап тұр. Баланың ауруы қатты ұлғая бастады. Сіздің әрекетіңіз...

Сен мектептен үйге келдің. Ата-анаң жұмыста, қарындасың балабақшада.

Ал үйден жағымсыз иіс шығып тұр. Газдың иісіне ұқсайды, сен не істейсің …

Үйде жалғыз қалдың, сенің ішің пысып кетті. Сен қалжыңмен өрт қызметіне телефон соғып, көрші үйде өрт болып жатқандығын хабарладың. Терезеге жақындап өрт қызметінің машинасын күтіп тұрсың. Осы оқиғаны аяқта .....

3. Практикалық бөлім. (6 минут) Жағдайларды талдау.

Төтенше жағдайға қоңырау шалған кезде, сізге хабарлау керек:

1. Алдымен қоңырау шалу керек: мекенжайды айтып, байланыс үзілсе де, құтқарушылар қайда бару керектігін біледі.

2. Бұл қайда болды: аулада, пәтерде, қоймада және тағы басқа жерлерді нақты айту керек.

3. Не болғанын нақты хабарлау: теледидар, жиһаз жанып тұр; газдың иісі сезіледі.

Егер диспетчер сұраса сіз үйдің, пәтердің нөмірін, кіре беріске кіру кодын және барлық қажетті мәліметтерді нақтылап айту керек.

Қорытынды. Сабақты қорытындылау, балалар үйге қайталау үшін ала алатын шұғыл қызмет нөмірлері бар жадынама тарату. Пайдалы сілтемелер:

https://orken-instituty.kz/ru/telefony-goryachih-linij https://youtu.be/XN1hCSucuqQ?si=d0QrFl9yslUOu2dn