Алматы – ару қала

Алматы – ару қала

Халықтар достығы мен татулықтың тұрақты аренасы ретінде әлемге танымал болған Қазақстанда қазіргі таңда білім алып жатқан шетелдік студенттер аз емес. Шетелдік студенттердің біразы білім алу үшін әл-Фараби ат.ҚазҰУ-ды таңдайды. Ағымдағы оқу жылы Қазақстанға президенттік бағдарлама аясында келген 100 АИР тыңдаушылары еліміздің жетекші жоғары оқу орнында ЖОО-ға дейінгі білім беру факультетінде мемлекеттік тілде білім алып жатыр. Шетелдік білім алушыларды зайырлы Қазақстан Республикасының қазіргі саяси-географиялық, экономикалық-әлеуметтік жағдайына бейімдеу және оларды халқымыздың мәдениеті мен салт-дәстүрін, ұлттық құндылықтарымызды құрметтеуге баулу мақсатында ЖОО-ға дейінгі дайындық кафедрасының ұстаздар ұжымы тәрбиелік мәні зор шаралар ұйымдастырады. Ағымдағы оқу жылының бастапқы кезеңдерінде-ақ «Қазақстан кереметтері» шара аясында «Алматы – ару қала» атты мәдени-танымдық саяхат сабақтары ұйымдастырылуда. Шараны ұйымдастырушылар: АИР топтарының аға куратор-эдвайзері, доц. Г.А.Тастемирова, аға оқытушылар М.Ш.Тойғанбекова, Г.Т.Тілеужанова, Г.Е.,Сапаева, Р.Т. Наралиева және Ж.Саткеновалар білім алушыларды Алматы қаласының көрнекті жерлерін аралатып, шаһарымыздың маржаны – «Алматы Арена» мұзайдынына апардық. Алматыдағы салтанатты спорты кешені «Алматы Арена» спорткешенін тамашалады. Шара тек мәдени-танымдық қана емес, тәрбиелік мақсатты толық қамтыды: білім алушыларға, бос уақытын тиімді өткізуге – спортпен айналысуға, саламатты өмір салтын сақтауға насихаттау мақсатында мұзайдынында мәнерлеп сырғанау шарасы ұйымдастырылды. Осы мәдени-танымдық сабақ, спортпен шұғылдану – адамның өз денсаулығына қамқорлық жасауы, өз өміріне жауапкершілікпен қарауға ұмтылдыратын тәрбиелік мәні зор шара болды.

Әл-Фараби ат. ҚазҰУ-дың ұстазы Тойғанбекова М.Ш.