Ашық сабақ Әл-Фараби 6-сынып

Мектеп: Малдыбай орта мектебі

Мұғалімнің аты-жөні: Мырзахметова А.Р.

Сабақтың тақырыбы:

“Әл-Фараби – қазақ даласының данасы”

Мақсаты

Тарихи тұлға, ұлы ғұлама данышпан Әбу Насыр Әл-Фарабидің өмірі мен шығармашылығын қортындылай отырып, ұлы ғұламаның өмірінен алған білімдеріне бағыт, бағдар бере отырып, оларды өз бетінше ізденуіне жол ашу, сөйлеу дағдыларын дамыту.
Өз заманымыздың озық ойлы, кең өрісті, мәдениетті азаматты тәрбиелеу.

Бағалау критерийлері

• Тақырыпқа байланысты мәліметтерді жинақтайды;

• Үйренген жаңа сөздерді өз ойын жеткізуге қолданады;

• Құндылықтарға нақты көзқарасты іс жүзінде іске асыруды меңгереді.

Әдіс-тәсілдер

психологиялық дайындық, ой шақыру, эссе, шығармашылық тапсырмалар, сұрақ – жауап

Сабақ барысы

Сабақтың жоспарланған кезеңдері

Сабақтағы жоспарланған жаттығу түрлері

Ресурстар

Сабақтың басы

Сабақтың ортасы

Сабақтың соңы

Ұйымдастыру (Сәлемдесу,түгендеу, зейінін сабаққа аудару)

Ынтымақтастық атмосферасын құру

Жаңа тақырыптың мақсатымен таныстыру.

Слайд таныстырылым.

Қасиетті қазақ даласы талай ұлы ғұламаларды дүниеге алып келді.
Қазақ топырағынан көкірегі ояу, көзі ашық, ойшыл азаматтар бүкіл шығыс араб-парсы мәдениетін меңгеріп, өз шығармаларын көпке ортақ тілде жаза біліп, кейінгі ұрпақтарға мұра етіп қалдыра білді
Әлемдік әдебиет пен мәдениеттің алтын қорына өзіндік үлес қосқан Ұлы ғұлама Әл-Фараби өмірінен сыр ашамыз.
«Ғылыми мұра қалдырмаған ғалым найзағай ойнатып, күркіреп тұрып, жаумай өткен бұлтпен тең”, — деген араб халқының дана мақалы бар. Осындай қанатты ойды ту қып ұстаған Әл-Фараби ғылым мен өнердің барлық саласына өлшеусіз үлес қосып, артында өшпес ғылыми жазбаларын қалдырады.
Бүгінгі сабақта: Ұлы ғұлама Әл-Фарабидің өмірі мен шығармашылығын қорытындылай отырып, ұлы ғұламаның өмірінен алған білімдерін, оқушылар шығармашылық жұмыстарына пайдалана отырып, көркем әдеби тілде сөйлеу арқылы, өз ойларын тиянақты жеткізе біледі.

Әл-Фарабидін мұраларын зерттеу 20 ғасырдың

60 жылдарында алғаш Ақжан әл-Машани мен Қаныш Сәтбаев болған.

Ой шақыру. «Сен білесің бе?»

1. Әл – Фарабидің толық аты?

/Әбу Насыр Мұхаммед Ибн Мұхаммед Ибн Ізлағ Тархани/

Әбу Насыр ал – Фарабидің білім алған жерлері:

Отырар (Фараб) медресесінде

Шаш (Ташкент)

Самарқан

Бұхара

Хорран

Халеб (Алеппо)

Бағдад

Дамаск

Шам (Дамаск)

2. Әбу Насыр әл – Фарабидің меңгерген ғылыми салалары:

Философия, Логика, Этика, Математика, Тіл білімі, Метафизика, Жаратылыстану, Медицина, Музыка, Астрономия.

3. Ғылымнан басқа қандай өнерді меңгерген?

Атқа міну,садақ ату,домбыра тарту

4. Қанша іргелі еңбектер жазған?

150-ге тарта еңбектері бар

5. Әл-Фараби Аристотельдің қай еңбектерін қызығып оқыған?

Метафизикасын 100 рет, Риторикасын 200рет, Жан, Даңқ кітабын 40 рет оқып шыққан екен.

6. Әл-Фарабидің жазған еңбектері:

Философияның дінге қатынасы

Бақыт туралы

Мемлекеттік қайраткерлердің нақыл сөздері

Қыпшақтар

Қайырымды қала басшысының қасиеттері туралы.

Қаңлы мемлекет

«Ақпараттар алаңы» әдісі арқылы

/оқушылар шығармашылығы/

Әл-Фараби мен Абайдың сабақтастығы.

Абайдың 38 қарасөзінде, адамның білімі, алланың ғылымы, өзіндік ғылым, дүниенің ғылымы, захари ғылым, дүниені танымақтық тәрізді ғылым салаларын Фарабидің философиялық тұжырымдарында қолданылатын атау сөздермен де қарастырған.

ҚБ «Жағдаяттық мәлімдеме» әдісі

Маған ұнады........,

Себебі......

Эссе оқу.

Қорытынды: М.Шахановтың әл-Фараби жайлы «Арман» өлеңімен қорытындыланады.

Мәңгі лаулап жану үшін ғаламда

Үлкен бақыт табу үшін ғаламда

Үлкен болып қалу үшін ғаламда

Үлкен арман керек екен адамға – деп ақын жырлағандай, өмірде өз орнын тапқан, жүрегі елім деп соққан азамат болуға үміт артамын.

Рефлексия: «Тегтер бұлты».

Әр оқушы төмендегі көп нүктенің орнын өз ойымен толтырады.

Мен....................................... таныстым.

Маған ........................................оңай болған жоқ.

Мен.................................................қол жеткіздім.

.........................................................менің есімде қалды.

https//kk.m.wirikipedia.org

Бағалау. Бармақ әдісі.