Ұзақ мерзімді жоспар тарауы: 1-бөлім. Отан отбасынан басталады

Мұғалімнің аты-жөні:

Мектеп: Сынып: 6 Қатысқандар: Қатыспағандар:

Сабақ тақырыбы

Б.Ысқақов«Отан» өлеңі

Осы сабақта қол жеткізілетін оқу мақсаттары

6.1.5.1 тірек сөздер, жетекші сұрақтар, мәтін тақырыбы арқылы негізгі ойды анықтау;

6.2.2.1 тақырып бойынша диалогті бастау, жалғастыру, аяқтаудың ұлттық сөз әдебі мен сөйлеу этикеті формаларын білу;

Сабақ мақсаты

1. Тірек сөздер мен «Отан» өлеңінің тақырыбы арқылы негізгі ойын анықтау;

2. Сұрақтарға жауап беріп,өлең мазмұнын түсіну;

3. Ұлттық сөз әдебі мен сөйлеу этикеті формаларын орынды қолданып, диалог құрастыру;

Бағалау критерийі

- өлеңінен тірек сөздерді тауып,негізгі ойын анықтайды;

- өлең мазмұны бойынша сұрақтарға жауап береді;

- сөйлеу әдебін орынды қолданып, тақырып бойынша диалог құрастырады;

Тілдік мақсат

Сөздік қор: тарих, түскейпі,көкке көтерген, көп аузынан түспейтін

Талқылауға арналған сұрақтар: Отан деген не? Сенің Отаның бар ма?

Не себепті деп ойлайсыз?

меніңше ... деп ойлаймын,өйткені .....

Құндылықтарға баулу

Сабақтың мазмұны оқушыларды Отанымызды құрметтеуге шақырады.Сабақта жоспарланған іс-әрекеттер мен жұмыс формалары арқылы оқушылар бойына:

- қазақстандық патриотизм мен азаматтық жауапкершілік;

- өзгелердің мәдениетіне және көзқарасына құрметпен қарау;

-шығармашылық және сын тұрғысынан ойлау сияқты құндылықтарды сіңіреді;

Пәнаралық байланыс

Сабақтағы тапсырмалар қазақ әдебиеті пәнімен кіріктіріліп құрылған

Алдыңғы білім

Оқушылар 5-сыныптан тірек сөздер, жетекші сұрақтар арқылы негізгі тақырыпты анықтайды. Қазақша амандасу мәнері мен ұлттық этикет формаларын біледі

Сабақ барысы

Сабақтың жоспарланған кезеңдері

Сабақта жоспарланған жаттығу түрлері

Ресурстар

Сабақтың

басы-

10минут

Психологиялық ахуал қалыптастыру

С.«Танысайық» әдісі

Психологиялық ахуал қалыптастырып, оқушылардың есте сақтау, жылдам ойлау, мұқият тыңдау қабілеттерін арттыру үшін оқушылар шеңбер құрып өздерін таныстырып, бір ерекше қасиетін айтады. Мысалы:Менің атым- Алина,ақылдымын.

Топтастыру«Пазл» әдісі

Оқушылар сурет бөлшектерінен тұтас сурет құрастырып: Қазақстан, Астана,Қарағанды деген атаулармен үш топқа бөлінеді.

Мұғалім оқушылардың жаңа сабақта қандай дағдыларды дамыту жұмыстарымен айналысатындықтарын және сабақ тақырыбын хабарлайды.

Тыңдалымалды тапсырмасы

С.«Миға шабуыл» әдісі

Оқушыларға суреттер көрсетіледі.Сурет бойынша сұрақтарғажауап беру:

1. Суреттерде не бейнеленген?

2. Біз қайда тұрамыз?

3. Қазақстан қандай мемлекет?

4. Сенің Отаның бар ма?

5. Отан туралы мақал-мәтелдер білесіңдер ме?

Ауызша мадақтау: «Жарайсың!», «Жауабың дұрыс!», «Тамаша!»

Топқа бөлуге арналған сурет бөлшектері (пазл)

Суреттер сөйлейді «Менің Отаным» таныстырылым көрсету

Сабақтың ортасы - 25 минут

Тыңдалым тапсырмасы

С.Өлеңді түсініп тыңдау.Мәтінді оқушылар 2 рет тыңдайды.

Мәтін:

Отан

Көп аузынан түспейтін

Отан деген немене?

Оның тұлға,түс кейпін,

Достым,білгің келе ме?

Отан-сенің ата-анаң,

Отан –досың,бауырың.

Отан-өлкең,астанаң,

Отан-аудан,ауылың.

Отан-тарих,Отан-тіл,

Жасаған елің,ер халқың.

Отан-өлкең,Отан-жыр,

Көтерген көкке ер даңқын.

Тыңдалым кезінде

Ж.«Топтастыру» әдісі

Тірек сөздерді тауып,негізгі ойды анықтау.

Тірек сөздер:Отан,ата-ана, дос,бауыр,өлке,астана, аудан,ауыл, тарих,тіл,ел,халық,өлке,жыр.

ҚБ. Өзін-өзі бағалау. «Бағдаршам»әдісі

Мұғалім оқушылардан өз жұмыстарының нәтижелері бойынша оқу мақсатына қаншалықты жеткендігін және өзінің білімдеріне қаншалықты сенімді екендігін көрсетуді сұрайды.

http://expert.mektep.kz/shop/48648-6_klass/48715-aza_tl_men_debijet/1

Қазақ тілі мен әдебиеті.Орыс тілінде оқытатын жалпы білім беретін мектептін 6- сыныбына арналған оқулық Қосымова Г.,Сатбекова А.,Берденова К.,Рахымжанов К.-Алматы:Мектеп, 2018. – 170-б.

Сөздік KZ

Тыңдалымнан кейін

Ж-ЖЖ-ТЖ. «Ойлан, жұптас, бөліс» әдісі

Берілген сұрақтар төңірегінде ойланып, жұпта өзара талқылап, жауап беріңдер.

Сұрақтар:

Отан деген не?

Отан деген кім?

Ықтимал жауаптар:

Отан деген кім?Отан-ата-анаң, досың, бауырың.

Отан деген не? Отан-өлке,астана, аудан,ауыл.

ҚБ. Өзара бағалау. «Табыс сатысы» әдісі

ЖЖ. «ТВ шоу» әдісі

Сөйлеу әдебін сақтай отырып,диалог құрастыру.

Тапсырма арқылы саралау:

А.«Реттілікпен орналастыр» әдісі арқылы диалогтің басын, ортасын, соңын дайын берілген сөйлемдерден құрылымдайды.

Мысалы: Сау бол! Сен қай елде тұрасың? Танысқаныма қуаныштымын. Иә, әрине. Мен қазақ тілін жақсы білемін. Себебі ол біздің мемлекеттік тіліміз ғой. Сен қазақ тілін білесің бе? Отан деген мен үшін отбасымнан басталады. Сәлем!

В. «Ақпараттық ақауды толтыру» әдісі арқылы бос тасталған сөздердің орнын толтырады.

-....!

-....!

-Сен қай елде тұрасың?

-.... .... .

- ..... ..... ?

- Иә,әрине.Мен қазақ тілін жақсы білемін.Себебі ол біздің мемлекеттік тіліміз ғой.

-Сен үшін Отан деген не?

-.... .... .

- .... .... !

- Мен де сенімен танысқаныма өте қуаныштымын! -....! -....!

С. Диалог мазмұнын өздері ойластырып, құрылымдайды.

ҚБ.«Бас бармақ» әдісі арқылы топтар бірін-бірі бағалайды.

Үй жұмысы. «Отан» тақырыбына бес жолды өлең құрастыру.

Қима қағаздарға жазылған сөздер

Тарапта парақтары

Сабақтың соы

Рефлексия

5мин

Рефлексия «1 минуттық әңгіме» әдісі

Оқушылар сабақ бойынша білгендерін, қиындық тудырған сәттер туралы ойларымен бөліседі.

Саралау- оқушыға мейлінше қолдау көрсетуді қалай жоспарлайсыз?Қабілетті оқушыға тапсырманы қалай

түрлендіресіз?

Бағалау - оқушыға білімін тексеруді қалай жоспарлайсыз?

Пәнаралық байланыс- Денсаулық және қауіпсіздік, АКТ-мен байланыс. Құндылықтармен байланыс (тәрбие элементі)

Сабақтатапсырмалар арқылы саралау тәсілі қолданылады.Айталық, диалог құрастыру тапсырмасында барынша қолдауды қажет ететін оқушылар «Реттілікпен орналастыр» әдісі арқылы диалогтің басын, ортасын, соңын дайын берілген сөйлемдерден құрылымдайды. Орташа қолдауды қажет ететін оқушылар «Ақпараттық ақауды толтыру» әдісі арқылы бос тасталған сөздердің орнын толтырады. Қолдауды қажет етпейтін оқушылар диалог мазмұнын өздері ойластырып, құрылымдайды.

Топ жұмысы критерий бойынша бағаланады. Топ жұмысын бағалауүшін критерий, дескриптор ұсынамын.

Оқушы білімін бағалау сабақтың өн бойы жүргізіліп отырады. «Ауызша мадақтау», «Бағдаршам»,«Табыс сатысы», «Бас бармақ», әдістері қолданылды.

Сабақ әдебиет пәнімен кіріктірілген.

Сабақта интербелсенді тақта, үлестірмелі материалдар тиімді қолданылған. Шығармашылық және сын тұрғысынан ойлау, қауіпсіздік, денсаулық сияқты құндылықтарға баулиды.