Маңғыстау облысы

Жаңаөзен қаласы

№7 "ЕрТөстік" бөбекжай бақшасы

Байрамдұрдыева Жайна Парахатқызы

№2 "Қошақан"кіші тобы

Білім саласы: Таным.Қатынас

Ұйымдастырылған оқу қызметі: Сезімді дамыту, тіл дамыту.

Тақырыбы: Қорытынды ашық оқу қызметі «Ғажайып қалта»

Мақсаты: Сөйлеуді дамыту оқу қызметі бойынша жыл бойы алған білімдерін ойын арқылы жетілдіріп бекіту. Көкөністер мен жемістердің атауын, түстерін, пішіндерін атай білуге үйретуді жалғастыру.

Дамытушылығы: ойлау сөйлеу, қабілетін дамыту.

Тәрбиелігі: ұқыптылыққа тәрбиелеу.

Керекті құралдар: көкөністермен жемістердің мүсіндері(муляждар).

Әдіс – тәсілдері: қайталау, сұрақ – жауап, көрсету, мадақтау.

Шаттық шеңбері:

Кел балалар, күлейік

Күлкіменен түлейік.

Қабақ түйген не керек?!

Күліп өмір сүрейік.

Жарайсыңдар балалар, енді орнымызға отырайық.

• Балалар қазір жылдың қай мезгілі?

• Көктем мезгілінде неше ай бар?

• Көктем мезгілінің ерекшеліктері қандай?

Жарайсыңдар балалар, дұрыс айтасыңдар. Балалар, біреу есік соғып тұрған секілді.

Ғажайып сәт.

Есіктен қоян келеді.

Тәрбиеші: сәлеметсіңбе, қоянжан!

Қоян: сәлеметсіздер ме, балалар!

Балалар, қараңдаршы қоянның көңіл-күйі жоқ секілді.Қоянжан, саған не болды? Неге көңіл-күйің жоқ?

Қоян: балалар, мен жолда келе жатып, мына «Ғажайып қалтаны» тауып алдым. Оның ішінде көкөністер мен жемістер бар. Оларды алу үшін атауларын, түстерін, пішіндерін атап беру керек екен. Ал, мен оларды білмеймін. Балалар маған көмектесіңдерші.

Тәрбиеші: балалар көмектесемізбе?

Балалар көкөністермен жемістерді атап береді.

Сергіту сәті:

Ұзын құлақ сұр қоян,

Естіп қалып сыбдырды,

Ойлы-қырлы жерлерден

Ытқып-ытқып жүгірді.

Қоян: балалар, рахмет сендерге енді мен барлық көкөністер мен жемістердің атауын білемін. Сендерге алғыс ретінде өзімнің сүйікті азығым сәбіздерді сыйлаймын.

Тәрбиеші: қоян рахмет саған.

Балалар, ойын ойнағыларың келеме?

Олай болса, қоянның сәбіздерімен «Сәбіз жинау» ойынын ойнайық.

Жарайсыңдар балалар. Балалар сендер барлық жемістермен көкөністердің атын, түсін, пішінін біледі екенсіңдер. Ал, тақпақ білесіңдер ме?

Жанерке:Мен алмұртпын, алмұртпын

Аузындамын бар жұрттың.

Жұлдыз: Болса да жуа ащы,

Дәмді етер асты.

Қорытынды:

Жарайсыңдар балалар.

Балалар бүгін біз кімге көмектестік?

Ғажайып қалтаның ішінде не бар екен?

Қоян бізге не сыйлады?

Жарайсыңдар балалар, бүгін сендер оқу қызметімізге өте жақсы қатыстыңдар.

Тыныс алу жаттығуы: «Гүлдерді иіскеу»