Ашық сабақ Жүніс Сахиевтің " Айдағы жасырынбақ" әңгімесі 8 сынып

Сабақ тақырыбы

Жүніс Сахиевтің «Айдағы жасырынбақ» әңгімесі

Осы сабақ арқылы жүзеге асатын оқу мақсаттары

Т/Ж1. Әдеби шығарманың жанрына байланысты сюжеттік желілерін, эпилог, прологтарды анықтау.

Сабақтың

мақсаттары

Оқушылардың барлығы орындай алады:

Әңгіменің сюжеттік желілерін түсінеді, эпилог, прологтарды анықтайды.

Оқушылардың көпшілігі орындай алады:

Әңгіменің сюжеттік желілерін құрастырады, эпилог, прологтарды анықтайды.

Оқушылардың кейбіреуі орындай алады:

Әңгіменің сюжеттік желілерін құрастырады, талдау жасайды.

Тілдік

мақсат

Оқушылар орындай алады: Сюжеттік-композициялық жоспар құра алады.

Пәнге қатысты сөздік қор мен терминдер: ғарыш кемесі, ғарыш айлағы, бейтаныс ғаламшар, геосинхронды, геостационарлы, Дауыл мұхиты, Жаңбырлар теңізі, Дағдарыс теңізі, т.б.

Диалог құруға/шығарма жазуға арналған пайдалы тіркестер: қоршаған орнаны қорғау, «Табиғаттың болашақ тазалығы сендердің қолдарында.

Талқылауға арналған сұрақтар:

1. Мерген мен Сартайдың айға сапар шегу себебі қандай?

2. Сыныптастары неліктен олардың жауабына күлді?

3. Мерген неліктен шұңқырға түсті?

4. Неліктен Сартай шұңқырға түскен Мергенді таппай қалды?

5. Балалардың бір-бірін көре алмау құбылысының сыры неде екенін әкесі қалай түсіндірді?

Құндылықтарды

игерту

Мәңгілік Ел стратегиясындағы жалпыға бірдей еңбек қоғамы құндылығын білім берудің еңбек және шығармашылық,ынтымақтастық, өмір бойы білім алу құндылықтарымен ұштастыру

Пәнаралық байланыс

Тарих, қазақ тілі, астрономия.

Бағалау критерийі

• Әдеби туындының сюжеттік желілерін құрастыра алады.

• Эпилог, прологтарды анықтайды.

Ойлау дағдыларының деңгейі

Білу, түсіну, қолдану.

Алдыңғы білім

Фантастикалық шығармалар, аспан әлемі туралы біледі.

Сабақ барысы

Сабақтың жоспарланған кезеңдері

Уақыты

Сабақтағы жоспарланған жаттығу

Ресурс

Сабақтың басы

2 минут

1.Ұйымдастыру кезеңі. Сәлемдесу

2.Психологиялық ахуал. Оқушыларды шеңбер бойымен тұрғызу. Аспан әлеміне қатысты сөздермен бір-біріне тілек айтқызу: Аспандай ашық бол, Күндей шуақты бол, т.б.

Ай, жұлдыз, күн, комета сөздерін айтқызу арқылы топқа бөлу.

«Тақырыпты болжау»

Оқушыларға мәтін мазмұнынан хабар беретін суреттер беріледі.

• Ай суретінің бүгінгі сабаққа қандай қатысы бар?

• Айда қандай тіршілік бар деп ойлайсыңдар?

• Бүгінгі сабақ тақырыбы қандай болуы мүмкін?

• Қиялдан қандай шығармалар пайда болады?

• Қандай фантастикалық шығармалар білесіңдер?

• Қандай фантаст-жазушыларды білесіңдер?

Сабақтың ортасы

Топтық жұмыс

Автор туралы мәліметпен жұмыс.

«Пікір алмасу» тәсілі

Әрбір топ тақырыпқа қатысты бес сұрақ дайындайды. Әрбір сұрақты стикердің бірінші жағына жауабын екінші жағына жазып, келесі топпен алмасады. Топ басшысы стикердегі сұрақты оқиды, топ мүшелері жазып дайындайды. Көшбасшы белгі бергенде, барлығы өз жауабын ашады және талқылып, дұрыс жауаппен салыстырады.

Кері байланыс

Автор туралы не білдік? Автор өмірбаянынан не білдік? Не үйрендік?

Топтарды бағалау. «Шапалақ» тәсілі

Ең ұтымды жауап пен сұраққа-төрт шапалақ, Ең қызықты жауап мен сұраққа – үш шапалақ, Ең дәлелді жауап пен сұраққа – екі шапалақ.

Топтық жұмыс. Бірлескен оқылым

«ДЖИГСО» тәсілі

1-қадам. Сабақтың тақырыбы мен мақсатын анықтап, тақырып бойынша білімді өзектендіреді;

2-қадам. Мәтін бөліктеріне сай топ мүшелерінің әрқайсысы тапсырмаларды бөліп алады:

1. Оқу жылының басталуы. Мұғалім сауалы. Кейіпкер әңгімесі. Айға сапар.

2. Айға орналасу. Айдағы құбылыстар. Тіршіліксіздік.

3. Айдағы жасырынбақ

4. Әке әңгімесі. Қоршаған ортаны қорғау.

3-қадам. Сараптау топтарына қайта бөлінеді (1-бөлікпен жұмыс жасағандар бір топқа, 2-бөлікпен жұмыс жасағандар екінші топқа, т.с.с.).

4-қадам. Сараптау тобында өздері оқып шыққан үзіндіге талқылау жасайды, топ мүшелеріне түсінікті етіп жеткізудің жолдарын белгілейді.

5-қадам. Өз топтарына барып, сараптау тобында талқылап келген тапсырмасын түсіндіреді, өзара сұрақтар қояды.

Қалыптастырушы бағалау

Топ ішінде бірін-бірі фишкамен бағалайды. Ең жақсы түсіндірген оқушыға көк, орташаға сары фишкалар беріледі.

Жұптық жұмыс. Кесте толтырады

Дескриптор:

- әңгіменің композициялық желісін, эпилог, прологтарды анықтайды;

- өзіндік пікір айтады;

- қиялдан туған қисындарға мысал келтіреді.

Жұптар бірін-бірі «коментарий жазу» тәсілі арқылы бағалайды.

Сабақтың соңы

«ҚҚҚ кестесі»