Бөлім

3-бөлім: Махаббат және абырой

Педагогтің тегі, аты, әкесінің аты

Пернебаева Индира Оралбекқызы

Күні

14.02.2025

Сынып: 8 «А»

Қатысушылар саны:

Қатыспағандар саны:

Сабақтың тақырыбы

М. Мақатаев «Аққулар ұйықтағанда» поэмасындағы кейіпкерлер бейнесі

Оқу бағдарламасына сәйкес оқыту мақсаты

8. 1. 3. 1 көркем шығармадағы кейіпкерлерді сомдауда тура және жанама мінездеулерді жіктеу;

8. 1. 4. 1 көркем шығармалардан алған үзінділерді өз көзқарасын дәлелдеу үшін орынды қолдану;

Сабақтың мақсаты

Көркем шығармадағы кейіпкерлерді сомдауда тура және жанама мінездеулерді жіктей алады;

Көркем шығармалардан алған үзінділерді өз көзқарасын дәлелдеу үшін орынды қолданады;

Құндылықтарға баулу

«Жасампаздық және жаңашылдық» айы негізінде оқушыларды жаңа идеяларды, жобаларды және шешімдерді жасауға баулу;

2-апта дәйексөзі

Шығармашыл бала- ойлы бала

Сабақтың барысы

Сабақтың кезеңдері/

уақыты

Педагогтің әрекеті

Білім алушының әрекеті

Бағалау

Ресурстар

Сабақтың басталуы

7 минут

Сабақтың ортасы

33 минут

1. Ұйымдастыру кезеңі (7 мин)

2. Оқушылармен амандасу

3. Сыныпты үш топқа бөлу.

1-топ «Ана»

2-топ «Аққу»

3-топ «Жетімкөл»

«Сен құрметте оны...» Кімді? (анаңды, әкеңді, ұстазыңды, досыңды, Отаныңды, табиғатты т.б.)

Сабақ мақсатымен таныстыру

Апта дәйексөзімен байланыстыру

Мұқағали Мақатаевтың хатымен таныстыру.

«Ұйқы ашар» сұрақтарға жауап бер

(7 мин)

1. «Аққулар ұйықтағанда» поэмасы бойынша автор қандай ой айтқысы келді?

2. «Қасиет», «кие» сөздерін қалай түсінесіздер?

3. Қазақта қасиетті, киелі санаған дүниелерді атай аласыздар ма?

4. Шығармада осы мәселе қалай көрініс тапқан?

5. Аққу қандай құс? Поэмадан аққу туралы қандай ақпараттар білдіңіздер?

6. Ананың ақуды ату іс- әрекетіне қандай баға берер едіңіз?

7. Егер сіз, ана орнында болсаңыз қандай шешім қабылдар едіңіз?

8. «Қазір, ботам… Мінеки, таң атады…

Қазір, ботам, аққумен ұшықтаймын…

Жазыласың құлыным…балапаным!

Қай кейіпкердің сөзі? Кейіпкер туралы не айтасыздар?

9. – Апыр-ай, қалай барам, қалай барам?!

Атармын аққу құсты қалай ғана?!

Айдынның аққулары ұйықтағанда,

Өрген мал, өскен шырша абайлаған,

Барлығы қасиетке қарайлаған

Оқ атам қасиетке қалай ғана?..

Бармаймын, бара алмаймын, қалай барам?! Бұл қай кейіпкер?

10. Мін атқа. Қайт ауылға тағат қыл да,

…Білмеймін, cop аттың ба, бақ аттың ба?!

Аққуға кезенерде, ырым жасап,

Тым құрса саусағыңды қанаттың ба?

Қай кейіпкерді есіңізге түсірді? Поэманың қай тұсында таныстыңыздар?

11. Поэмадан үзділер жатқа айтыңыздар.

12. Поэма бойынша авторға қандай сұрақ қояр едіңіздер?

Топтық жұмыс (15 мин)

1-топ «Ана» бейнесіне

2-топ «Жетімкөл» бейнесіне

3-топ «Аққу» бейнесіне

Жұптық жұмыс «Кейіпкерге хат» әдісі (11 мин)

1-жұп Анаға хат

2- жұп Әкеге хат

3-жұп Авторға хат

4-жұп Тәуіп шалға хат

Нұрғиса Тілендиевтің «Аққу» күйін тыңдату.

Топ ішінде жұптарға бөлу.

Хат жазу үлгісін еске түсіру, бағыт беру.

Оқушылар топқа бөлінеді.

Жаңа сабаққа дайындалады

Оқушылар сұрақтарға жауап береді. Өзіндік көзқарастары мен пікірлерін ортаға салады.

Күшті жақтары (Strengths)

- Ана мейірімді, балаға деген махаббаты шексіз.

- Баласының өмірі үшін бәріне дайын.

- Ерік-жігері мықты, қиын шешім қабылдайды.

Әлсіз жақтары (Weaknesses)

- Эмоцияға беріледі, ойланбай әрекет етеді.

Табиғат заңдылығын бұзады.

- Аққуды ату арқылы күнә жасайды.

Мүмкіндіктер (Opportunities)- Егер сабыр сақтаса, басқа жол табар еді.

- Табиғатқа деген құрметін сақтаса, қайғыға ұшырамас еді.

Қауіптер (Threats)

- Аққуды өлтіруі – баласының өліміне әкелді.

- "Аққуды атуға болмайды" деген наным бұзылды.

Жұптар хат құрылымын сақтай отырып, кейіпкерлерге ой- пікірлерін, бағасын бере отырып хат жазады.

Құрметті Анаға хат!

Қымбатты Ана,

Сізге осы хатты тебіренген жүрекпен жазып отырмын. Сіздің басыңыздан өткен ауыр тағдырды, ішкі жан айқайыңызды, аналық мейірім мен өкінішке толы сезімдеріңізді түсіне отырып, сізге деген құрметім шексіз.

Сіздің балаңыз үшін жасаған құрбандығыңыз – шексіз аналық махаббаттың көрінісі. Табиғат пен ананың байланысы ерекше екенін білемін, бірақ сіздің сол бір қасіретті таңдауыңыз жүректі ауыртады. Аққулар – сұлулық пен тазалықтың символы, ал оларды өлтіру сізге қандай азап әкелгенін сезінемін. Бірақ сол әрекетіңіз арқылы сіз аналық махаббаттың шексіздігін, бала үшін бәріне дайын екеніңізді дәлелдедіңіз.

Мен сізді кінәламаймын, керісінше, сіздің сезімдеріңізді түсінуге тырысамын. Бірақ, мүмкін, басқа жол бар ма еді? Тағдырдың басқа шешімі болар ма еді? Осы сұрақтар менің көкейімнен кетпейді.

Сіздің басыңыздан өткен оқиға әр адамға ой салады. Бұл – тек бір ананың емес, барша адамзаттың жүрегін сыздататын қасірет. Сізді есіме алғанда, мейірім мен шарасыздықтың қатар жүретінін сеземін. Сіз – ананың шексіз махаббатының, сондай-ақ шарасыздықтың символы болып қала бересіз.

Құрметпен,

8 «А» сынып оқушылары

ҚБ. Ауызша мадақтау

Жарайсыздар!

Керемет!

Бәрекелді!

ҚБ. «Мұқағали мадақтауы»

"Нағыз XXI ғасырдың ойшылысың!"

"Сенің жауабың дәл бүгінгі жаңалық сияқты маңызды!"

"Ойың TikTok-та тренд болатын қызықты пікір!"

"Бүгін сенің ойың жаңбырдан кейінгі таза ауадай сергітті!"

"Сөзің - жүйрік аттай, тыңдаған сайын шабыт береді!"

"Бүгін сенің ойың даладағы самал желдей жанды сергітті!"

"Ақыл-парасатың – бабалардың аманаты!"

"Тапқырлығың қара домбыраның күмбірлеген күйіндей жүрекке жетті!"

"Сен нағыз білім шырағын жаққан тұлғасың!"

"Жауабың Шыңғыс ханның тактикасы сияқты мықты!"

"Көзіңдегі от, сөзіңдегі жалын – болашақтың шамшырағы!"

"Сенің ойың – қазақтың кең байтақ даласындай шексіз!"

"Бүгін сенің сөзің шынар ағашындай биік болды!"

ҚБ. «Екі жұлдыз, бір тілек»

Топтар бір- бірінің жұмыстарын екі жағымды тілек, бір пікір білдіре отырып бағалайды.

Бағалау критерийлері

Дескриптор:

1. Хат құрылымын сақтап жазады -3 балл;

2. Кейіпкерге деген өзіндік көзқарасын білдіреді- 2 балл;

3. Іс-әрекетіне баға береді- 3 балл;

Интербел-сенді тақта

Оқулық

8-сынып

«Атамұра» баспасы

2018жыл

https://youtu.be/qNHPKUyaUfI?si=vc9jSpxz9wxyX7QH

Сабақтың соңы

5 минут

Рефлексия «Ақылды ми»

Жаңа ақпарат... Ерекше әсерлер...

Маған ұнады...

Мен қиналдым...

Сұрағым бар...

Оқушылар «Ақылды ми» парағын толтыру арқылы сабақтан алған білімі мен әсерлерін жазып, кері байланыс береді.

Бүгінгі сабақта ерекше көзге түсіп, белсенділік танытқан оқушыларды атап, бағалау жүргізу.