Маңғыстау облысы

Жаңаөзен қаласы

№7 "Ертөстік" бөбекжай балабақшасы

Тәрбиешісі:Айтуарова Меруерт Булекбаевна

№5 "Қонжық" ересек тобы

Білім саласы: Қатынас

Ұйымдастырылған оқу қызметі: Көркем әдебиет

Тақырыбы: Нан қайдан шығады?

Мақсаты: Нан туралы түсінік беру. Нанды қадірлей білуге және оны

құрметтеуге үйрету.

Дамыту: Көркем сөздерді қолдана отырып тіл байлықтарын дамыту.

Тәрбиелеу: Үлкендердің еңбегін құрметтеуге, олардың еңбегінің нәтижесін

қамқорлықпен қарауға тәрбиелеу.

Әдіс – тәсіл: Әңгіме, сұрақ – жауап, сиқырлы экран, нан туралы суреттер.

Керекті құрал: Суреттер, ертегі кітап, атрибуттар.

Сабақ барысы:Балалар бізде бүгін ерекше оқу іс - әрекеті болады. Бізге көптеген қонақтар келіп отыр.

- Сәлеметсіздерме!

- Ал енді шаттық шеңбер құрайық.

Қуан, шаттан алақай,

Қуанатын күн келді.

Күліп шықты таңымыз,

Қайырлы таң балалар,

Қайырлы таң қонақтар!

- Қане, балалар орнымызға жайғасайық.

- Балалар қазір жылдың қай мезгілі?

- Күз мезгілінде неше ай бар?

- Айдың аттарын атап беріңдерші?

- Кім күз мезгілі туралы тақпақ біледі?

Бердаулет:

Көк майсалы көрікті

Алқабтағы көп егін

Бұл күндері киіпті

Сары жібек көйлегін

Асел: Күзім-ау,күзім -ау

Мінезің бұзық ау

Жаңбырың себелеп

Келгенің қызық ау.

Міне, балалар біз көктем туралы тақпақтар біледі екенбіз. Енді біз апта күндеріне тоқталайық.

- Бір аптада неше күн бар?

- Апта күндерін кім атап береді?

Бүгінгі көркем әдебиет оқу іс-әрекетін жұмбақ жасырып бастаймын.

«Асты тас, үсті тас,

Ортасында піскен ас» (Таба нан)

- Дұрыс айтасыңдар балалар.

Балалар бүгінгі жаңа тақырыбымыз «Нан қайдан шығады?» - деп аталады.

- Балалар көктем мезгілінде үлкен ағаларымыз, апаларымыз егіс алқабында қауырт жұмыс жасайды. Көктем мезгілінде біз көптеген егін егеміз. Көктемде жерді жыртып егінге дайындаймыз. Бидайды себіп егеміз. Мен сендерге тағыда жұмбақ жасырамын.

«Сары теңіз маңайым,

Дәнді теріп алайын» (Егіс алқабы)

Міне, жұмбақта егіс алқабын айтып кеттік. Ендеше сиқырлы экраннан сап – сары болып пісіп жатқан бидай алқабы бейнеленген.

- Комбайынмен орып аламыз? (слайд суретін әңгімелеу)

- Бидайдан не аламыз?

- Ұн.

- Ұннан не жасаймыз?

- Нан.

- Балалар кім нан туралы тақпақ біледі?

Гүлназ: Нанда өмірдің иісі мен дәмі бар,

Нанда адамның еңбегі мен ары бар.

Нан өмірдің ана сүті арқауы,

Нансыз жерде қай өмірдің сәні бар?

Руслан:Ей, балалар, балалар,

Болмаңдар сірә нанға зар.

Өмірдің алтын арқауы,

Бар қасиет нанда бар.

Нұрлыбек: Нандай жоқ қой асыл дәм,

Жеп үйренген жасыңнан.

Дастарқаннан нан кетсе,

Береке кетер асыңнан.

Ал балалар мен сендерге «Нан қайдан шығады?»- деген ертегіні оқып беремін.

Ертегіні 2-3 рет оқу. Ертегі кейіпкерлерінің айтқандарын қайта балалардан сұрау.

Балалар шаршаған болсақ, сергіту сәтін жасайық.

Нан қиқымын шашпаңдар,

Жерде жатса, баспаңдар.

Теріп алып қастерлеп,

Торғайларға тастаңдар.

Балалар сергіп алған болсақ орнымызға отырамыз.

Осы кезде желдетіп қаңбақ келеді.

- Балалар мынау желдің дауысы ғой.

Қаңбақ:

- Ой, сәлеметсізбе!

- Мында не болып жатыр?

- Мен бидайдың даусын естіп келе жатырмын

«Бидай мен Қаңбақ»

- Балалар бүгін бізде қандай оқу іс – әрекеті болды?

- Біз не жайында әңгіме жүргіздік?

- Қандай ертегі оқыдық?

- Бізге қай ертегіден кейіпкер қонаққа келді?

- Жарайсыңдар балалар, олай болса бүгінгі іс-әрекет аяқталды.

Апайлармен қоштасамыз,сау болыңыз!