АШЫҚ ТӘРБИЕ САҒАТ

1-жүр: Армысыздар ардақты ұстаздар, оқушылар және қадірменді ата-аналар, Құрметті қонақтар!

II-жүр: Сіздерді ғасырлар бойғы халқымыздың асыл мұраты- азаматтығымызды әперген айтулы мерекеміз Тәуелсіздік күнімен шын жүректен. (бірге): Құттықтаймыз!

I-жүр: Бізге тәуелсіздік туын, қазақтың көк байрағын биік көтеріп, ел екенімізді дәлелдеп, дүние жүзіне танылуымызға себеп болған және дүниені дүр сілкіндірген Желтоқсан оқиғасына биыл 36 жыл толып отыр.

«Мен - қазақ, қазақпын деп мақтанамын,

Ұранға «алаш» деген атты аламын» - деп азаттықты аңсаған, сол жолда аянбай қызмет еткен алаш арыстарының барлығы да қуғын – сүргінге ұшырап, Сталиндік қызыл террордың құрбандары болды. Сол алаш қайраткерлерінің азаттық идеясын жалғастырған, қыршын кеткен арыстардың аманатын арқалаған кейінгі толқын іні – қарындастары 1986 жылдың желтоқсанында тәуелсіздік үшін күресе білді.

II-жүр: Тәуелсіздіктің түп тамыры «Желтоқсан» оқиғасына тікелей байланысты екендігіне ешкім дау айта алмас. «Түбін білмеген тексіз» деген қазақтың ғажап сөзі осындайдан шықса керек. Себебі, тәуелсіздіктің түп тамыры сонау бабалар ар – намысынан туындап жатқан жоқ па? Бейбіт шеруге шығып, билік тарапынан кінәлі деп саналған жастарымыздың бір бөлігі қанды қырғында көз жұмса, аман қалғандары өздері аңсаған азаттықтың қызығын көруде. Уақыт емші деп өзімізді жұбатқанымызбен, қыршын кеткен бауырларымыз есімізге түскенде жан – жарасы жаңғырып, қайғының айықпас дертіне шалдыққаныңды терең сезіне түсесің. Қайрат Рысқұлбеков, Ләззат Асанова, Сәбира Мұхамеджанова, Ербол Сыпатаев сынды қандастарымызды естен шығару мүмкін бе?

( Видео сюжет)

I-жүр: Көрініс қабыл алыңыздар!

I-жүр: Алаңға шығып, өз ойларын айтуға тырысқан қазақтың өрімдей қарусыз жастарына солдаттар мен милиция қызметкері қарсы қойылды.

Қыз жігіттерді аяусыз таяққа жықты, түрмеге қамады. Ербол, Ляззат, Қайрат, Сабира сынды жаңа ғана бүршік атып келе жатқан тал шыбықтай жастарымыздың өмірін үзді

II-жүр:Алматы сәулет құрылыс институтының студенті Қайрат қазақ елінің 21-ші басшысы зобалаңына ұшырып, 21 жасқа келгенде, түрменің 21-ші камерасында, 21-ші мамыр күні қапаста дүниеден өтті.

І-Жүргізуші: 1991 жылғы 12 желтоқсандағы «Қазақстандағы 1986 жылғы желтоқсанның 17-18-дегі оқиғаларға қатысқаны үшін жауаптылыққа тартылған азаматтарды ақтау туралы» жарлығына байланысты Қазақ КСР-нің 65 бабымен Қайрат Ноғайбайұлы Рысқұлбеков, Ләззат Асанова, Ербол Сыпатаев, Сәбира Мұхамеджанова, Түгелбай Тәшенұлы, Қайыргелді Күзембайұлы, Жамбыл Тайжанұлы ақталды.

ІІ-Жүргізуші: Сол Желтоқсан оқиғасы қанша ызғарлы естілсе де жанымызға нұр септі. Мәңгілік егемендікті алып келгенінің арқасында дүние жүзіне танымал ел болдық. Желбіреген көк байрағымыз, айбынды ән ұранымыз, жарқыраған елтаңбамыз төрімізде ілулі тұр.

Туған халқымыз тәуелсіздік алды. Тарихымыздың беттеріне 1991 жыл алтын әріптермен жазылды.

Ән: Көк тудың желбірегені әнімен Тілеу Ердәуітті қарсы алыңыздар

І- жүргізуші:«Менің туым,елтаңбам,әнұраным » Әбдішәріп Мейірланды қарсы алыңыздар

ІІ- жүр: Тәуелсіздік тұғырым .

Оқушы: Ертеңіңе бұрғаныңда бетіңді,

Ұлы ерлікке буғанбелің бекінді.

Тәуелсіздік хабаршысы – Желтоқсан,

Тарихыңның жаңа беті секілді.

Тәуелсіздік! Бабалардың ұраны,

Бейуақытта бойға таққан тұмары.

Тәуелсіздік!Түнектерде тұншығып,

Ызғар ұрып, жанбай қалған шырағы.

Таңғажайып атың да дәл табылды,

Табылды да , талай жұртқа танылды.

Қазақ елі көкке жетті көк туың,

Сен тәуелсіз мемлекетсің кәдімгі.

Оқушы:

Қазақстан дейтін менің бар елім,

Жатыр алып жарты дүние әлемін!

Бұл даланы анам жаспен саурған,

Бұл далада атам қолға ту алған.

Бұл далаға жылап келіп, уанғам,

Бұл даланы көріп алғаш қуанғам,

Бұл далада өскен жанда жоқ арман!

Кең байтақ қой Қазақстан картасы,

Астанамен айшықталған ортасы.

Бүгін бізге таңдай қағар күллі әлем,

Бұның бәрі Елбасының арқасы.

Шықты тарап ой-данадан,

Бері қарап жұлдыз беті.

Өзі қалап сайлап алған,

Елімнің бар Президенті

Оянады көңілден қайдағы арман,

Бақыт желі ескендей жайлап алған.

Президентім бар менің елі түгел,

Ақ киізге көтеріп сайлап алған.

Оқушы:

Ел болдық, ерік алдық астаналы,

Енді кімнен қазағым жасқанады.

Тәуелсіз мемлекеттің шежіресі,

Нұрсұлтанның атымен басталады.

Қатар шапқан қос тұлпар,

Ай астында қазақ үй

Қалықтаған жас сұңқар,

Шарықтаған таза күй.

Бұл таңбасы елімнің,

Елдігімнің белгісі.

Бейнелеп сан ғасырды

Елтаңбасы елімнің,

Таратады хас үлгі

Киесіндей жерімнің.

Бабам тұлпар жаратты,

Құлынында танып-ақ.

Тұлпар барда қанатты,

Шайқалмайды шаңырақ.

Тәуелсіздік көркі ол да,

Өркениет өрінде.

Нұр төгеді елтаңба

Ақ орданың төрінде

Оқушы:

Тәуелсіздік- айналайын кұныңан,

Түсе көрме тұғырдан.

Отаныма мәңгілігің үшін де

Садағаң болсын шыбын жан.

Тәуелсіздік – пейіл сыйы қазақтын,

Арымыздан арылғаны азаптың,

Батыры көп, ақыны көп халқыңа

Алла жар боп, туа қалған ғажап күн

Қуаныштан қалай кеуде кермеспін

Бұл күнімді бір ғасырға бермеспін.

Ақ түйенің қарны бүгін жарылды,

Тәуелсізбін, егеменмін, дербеспін

«Мен қазақпын» әнімен Әбдірахман Жарылқасынды қарсы алыңыздар

1 - жүргізуші: Құлпырған еліміздің ұл - қызымыз,
Әзірге маңдайдағы құндызымыз.
2 - жүргізуші: Арасын жермен көктің жалғаушымыз,
Ертеңі жарқыраған жұлдызымыз.
- дей келе, бүгінгі 5 «А» сынып оқушылары әзірлеген Тәуелсіздікке арналған ашық тәрбие сағатымыздың бағдарламамызды аяқтаймыз.

Сау саламатта болыңыздар,Еліміз тыныш,аспанымыз ашық болсын,жақсы күндерде кездесейік!