Ашық тәрбие сағаты

Тақырыбы: «Отбасым- алтын діңгегім»

Мақсаты:Отбасы туралы ұғымдарын кеңейту, әке-шеше,бауырдың қадірін түсіндіру. Ата-анасын құрмет тұтатын, адал да, парасатты ұл мен қызы болуға тәрбиелеу

Көрнекілігі: тақырыпқа сай слайд, нақыл сөздер,шарлар.

Сабақ барысы:

Тәрбиеші сөзі: Бүгін біз «Отбасым-алтын діңгегім» тақырыбындағы тәрбие сабағымызда бала тәрбиесі, оның жан-жақты дамуы бағытында өз ойымызды ортаға салмақпыз.Отбасы-адам баласының тұп қазығы,алтын ұясы.Адам баласы шыр етіп дүниеге келгеннен бастап, сол ортаның ыстық суығына бейімделіп, ықпалына көніп осында ер жетеді. Әке шаңырақ иесі. Отбасы мүшелерінің жауапкершілігі толығымен ер-азаматқа жүктеледі. Әйел-отбасының ұйтқысы. Бала әкеден ақыл, анадан мейірім алады.Тәртіпті де,тәрбиелі ұрпақ тәрбиелеу -отбасы мен мектептен алған үлгі өнеге жиынтығының жемісі. Бүгінгі сабақ сайыс түрінде өтеді.

Сайысқа үш топ қатысады.1-топ- АНА, 2-топ-ӘКЕ, 3-топ-БАЛА тобы.Сайыс болғасын жерде Әділқазылар алқасын сайлап аламыз. 1.__________________________________________________________

2.__________________________________________________________

3.__________________________________________________________

Сабақтың барысымен таныстырып кетейін.

І.Таныстыру

II. Топтық жұмыс. .

ІІІ. Туыстық қарым- қарым қатынас атаулары.

(Сұрақ-жауап)

ІV. Мақалды жалғастыр.

V. «Ән-жұмақ» (әнді табу)

Ал, ендеше сайысымызды бастаймыз. 1- кезеңде топтар өздерін таныстырады. Сөз кезегін 1-2-3- топқа берейік.

2 кезеңіміз «Топтық жұмыс»

1-топқа.Отбасындағы Әкенің орны.

2-топқа.Отбасындағы Ананың орны.

3-топқа. Ата-аналарың сендердің қызықтарыңа қуанып, бақытты өмір сүруі үшін қандай бала болуларың керек?

3 кезеңде «Туыстық қарым- қарым қатынас атауларын» табуларыңыз керек.

Сұрақтары:

І-топ

1. Үлкен әпкесінің күйеуі... (жезде)

2. Күйеу мен қалыңдықтың шешелері және әжелері бір-біріне кім болады? (құдағай)

3.Туған кезде кіндігін кескен әйел. (кіндік шнше)

4. Жиеншар деген кім ?(жиен шар)

2 - топ.

Ұзатылған қыздан туған бала (жиен)

Күйеуге атастырып қойған қыз (қалындық)

Әйел адамдардың жасы кіші туыстары (балдыз)

Бір адамның және ағайынды кісілердің қыздарына үйленген адамдар. (бажа)

3 - топ.

Бірге. туған қыздардың балалары бір-біріне кім болып келеді ? (бөле)

Тұрмысқа шыққан қыздардың әке-шешесі мен оның туып өскен ортасы. (Төркін )

Шөбереден кейін…(Шөпшек)

Ағайынды адамдардың әйелдері (Абысын)

4. Мақалды жалғастыр.Экранда мақалдар көрсетіледі соларды жалғастырып аяқтауларыңыз керек.

Абысын тату болса …

Інісі бардың тынысы бар, апасы бардың

Қарындасың...- қарлығашым

Балалы үйдің...

Балалы үй базар...

Балаң жаман болса,..

Балам – балым...

Балаға пышақ берсең бір жылар...

Ата- ана қадірін ...

Ағайында өкпе бар да...

Немере етін жеп...

Ағаның үйі ...

5. «Ән-жұмақ» (әнді табу) Жасырылған әуеннің атын ,орындаушысын табуларыңыз керек

Адам баласы бақытты болуы үшін он екі мүшесі сау болып, өмірдегі бар жақсылықты бойына жинап, білім алу керек. Бұған аяулы ата-анасы, қоғам көмектеседі.Осы жасалған жағдайды пайдаланып өмірден өз орнымызды табуға міндеттіміз.Отбасы - ол алтын діңгек демекші бүгінгі тәрбие сабағымызда өз мәресіне жетті.Қатысқан оқушыларымызға рахмет. Сау болыңыздар

Ән: «Әке-ана»