Ашық тәрбие сағаты. "Сәлем саған, мектебім"

Cәлем саған мектебім!

1-жүргізуші: Армысыздар ұстаздар, оқушылар, қонақтар!

2-жүргізуші: Ата-аналар мен ақ жаулықты апалар! Бүгінгі «Сәлем саған мектебім!» мерекесіне қош келдіңіздер!

1-жүргізуші: Өсті міне бойларың,

Өсті міне ойларың.

Қуанышқа ортақпыз,

Құтты болсын тойларың – дей отырып сөз кезегі мектебіміздің қонағы -------------------------------------- сөз кезегін береміз.

1-жүргізуші: Арулар

неткен сымбатты,

Ғажайып нұрға бөленген.

Көктемдей қыздар гүл атты,

Мың бұралған билеген.

Би. «Dimond»

Ортаға Дымбілмес, Білгіш шығады.

Дымбілмес: Ойхой, мына керемет билеген кімдер?

Білгіш: Бұл биыл мектепке келетін бірінші сынып оқушылары. Қарасаңшы, Дымбілмес, бүкіл мектеп болып қарсы алып жатыр. Сенің Дымбілмес деген атың өзіңе лайық. Ештеңе білмей жүресің.

Дымбілмес: Сен, Білгіш, көп білгішсіне берме. Кәне, айтшы, мына оқушылардың бүгін мектепке бірінші рет рет келді ғой?

Білгіш: Ия.

Дымбілмес: Ендеше оларда мен сияқты ештеңе білмейді ғой.

Білгіш: Жоқ, олар дайындық сыныбында болды, көп нәрсені біледі.

Дымбілмес: Кәне тексеріп көрейік. Мына кісі кім?

Ы.Алтынсариннің портретін көрсетеді.

Оқушылар: Ыбырай Алтынсарин. Жазушы, ұстаз, педгог.

Дымбілмес: Оның балаларға арналған қандай өлеңдерін білесіңдер?

Оқушылар: Кел балалар оқылық.

1-оқушы: Кел балалар оқылық,

Оқысаңыз, балалар,

Шамнан шырақ жағылар,

Тілегенің алдыңнан,

Із демей-ақ табылар.

2-оқушы: Бір Аллаға сиынып,

Кел, балалар, оқылық,

Оқығанды көңілге

Ықыласпен тоқылық.

3-оқушы: Сиса көйлек үстіңе,

Тоқуменен табылған.

Сауысқанның тамағы

Шоқуменен табылға.

Өнер, білім бәрі де,

Оқу менен табылған.

Дымбілмес: Білгіш, мына оқушылар керемет білгіш қой, тақылдап тұр өздері.

Білгіш: Көрдің бе, мен сияқты білгіш балалар.

Дымбілмес: Ендеше тағы бір сұрақ. Мына сендер тұрған әсем үйді қалай атайды?

Оқушылар: Мектеп.

1-оқушы: Келді, міне, қоңыр күз,

Келді қағып қоңырау.

Мектеп – ана жылы жүз,

Ашты құшақ-омырау.

Білгіш: Оқушылар бізге мектеп туралы тақпақ та, ән де айтып берді. Қандай білгіш балалар.

Дымбілмес: Енді не істесем екен? Ә, таптым. Мектептегі қызықты оқиғалар болды ма? Ақылды болсаңдар мені күлдіріңдерші?

«Көңілді тапқырлар клубына мүше болғысы келген «Бауырсақ» командасын ортаға шақырамыз.

Білгіш: Көрдіңбе сені тағыда жеңіп кетті.

Дымбілмес: АА таптым және маған оқушылардың жартысы ғана тақпақ әндерін айттты, мен қалған балаларды тыңдамадым ғой.

Ортаға тақпақ айтатын балалар шығады.

7-оқушы: Қош келдің деп, балдырған,

Күліп шыққан алдымнан.

Шексіз сеніп ата-ана,

Балаларын қалдырған

Сипап қойып басымнан,

Кетпей жүрген қасымнан.

Құрбы – құрдастарыммен,

Достастырған асыл жан.

8-оқушы: Жетілткен ой-сананы,

Тәрбие әр сабағы.

Алғаш сыннан өткізіп,

Қойған тұңғыш бағаны.

Ұстаз болу – жүректің батылдығы,

Ұстаз болу – сезімнің ақындыңы.

Ұстаз болу – мінездің күн шуағы,

Азбайтұғын адамның алтындығы.

Білгіш: Ортаға мың бұралған биші қыздарымызды шақырайық қарсы алыңыздар «Шығыс жұлдыздары» биімен 1 «ә» сынып қыздары

Дымбілмес: Мен сендім сендердің ақылды оқушы екендеріңе. Рахмет сендерге, бірақ білгішке ұқсап кеткендеріңе аздар ренжіп қалдым.

Ерасыл: Тоқта Дымбілмес, біз саған ән айтып береміз.

Ән: «Алло»

Білгіш: Сендерге өте ризамын менің талаптарымның бәрін орындап, жақсы өнер көрсеттіңдер. Енді сендерді мектептің шын мәнінде 1 сынып болып қабылдануларың үшін барлығыңды ортаға шақырамын.

Қазір мектеп ережесін сақтап, үлгілі оқушы болуларың үшін ант қабылдаймыз.

1. Мектеп ережесіне бағынуға

2. Мектептегі қоғамдық іс-шараларға қатысуға

3. Сабақты жақсы оқуға

4. Мұғалімнің айтқанын бұлжытпай орындауға

5. Үлгілі оқушы болуға

Ант етеміз, ант етеміз, ант етеміз.

Жарайсыңдар! Сендердің қабылдануларыңды растау үшін ортаға сынып жетекшісі Тлекова Гүлзат Тлековнаны ортаға шақырамыз.

Сертификат таратады.

2-жүргізуші: Бүгінгі мереке әр үйдің той басы деп саналар,

Балалардың есімі әулеттерге таралар.

Ырым етіп сондықтан ертеңгілік соңында

Ақ тілекпен баршаға тілек айтар, оқушылар.

2-жүргізуші: Қоңырау үні сыңғырлап,

Естілді жылы жаныма.

Күкідей әсем сылдырап,

Бөбекті жиды маңыма.

1-жүргізуші: Білімнің гүлін ашылған,

Терумен оқып жүр екем.

Бақытқа бізді шақырған

Қоңырау дауысы жыр екен

«Welcome to two school» әнімен 1 сынып оқушыларын қарсы алыңыздар!

2-жүргізуші: Қымбатты ұстаздар, ата-аналар, мерекелеріңіз құтты болсын! Әрбір қадамдарыңызға гүл бітсін. Бүлдіршіндер білімді де білекті азамат болсын! Тойларыңыз тойға ұлассын –деп бүгінгі ертеңгілігімізді аяқтаймыз. Уақыт бөліп тамашалағандарыңызға рахмет.