Ата-ана махаббаты

Д.Бабаев атындағы №115 жалпы білім беретін мектеп КММ










Ата-аналардың ынтымақтастық қарым-қатынасын арттыруға арналған психологиялық тренинг







Жауапты жүргізушілер:
Айтақынова Г.А.
Тогузбаева А.У.

















Ата-ана махаббаты
Мектеп өміріндегі ең маңызды, жауапкершілікті талап ететін жұмыстардың бірі-ата-аналар жиналысын өткізу.Жиналысты қалай қызықты, әрі пайдалы өткізуге болады?




Мақсаты: Әротбасының бала тәрбиесіне белсене қатысуының маңызын арттыру. Баланың мейірімді сыпайы әдеттерді бойына сіңіріп өсу жолдарын ата-аналармен бірлесе қарастыру. Ата-ана арасындағы ынтымақтастық қарым-қатынасты психологиялық жаттығулар арқылы нығайту

Көрнекіліктері: Тақырып, қағаздар, шам, теледидар, сиқырлы таяқша,слайд, газет, шар.

Тренинг бағдарламасы:

1. Шаттық шеңбері Есімдер аллитерациясы.
2.Баяндама. Ата-ана махаббаты.
3. Ой қозғау флипчартпен жұмыс
4. Сиқырлы таяқша жаттығу
5. Тілек шамы.
6. Ой- толғаныс.
Тренинг барысы:

Ата-аналарды тіркеу. Бағдарламамен танысу.

Мектептегі тәрбие жұмысының нәтижелігінің бір ұшы ата-аналармен, мектептің бірлескен әрекетінде екені ешуақытта күмән туғызбайды. Мектеп пен отбасының ынтымақтастығын жүзеге асыруда сынып жетекшісі негізгі рөл атқарады.
Мұғалім мен ата-аналардың өзара қатынасы міндеттерінің еңнегізгісі— психологиялық-педагогикалық білімдерін көтеру болып табылады.
Осы міндеттерді шешуде оқу бағдарламасын меңгертуде түрлі тиімді әдістер мен технологияларды пайдаланғаны сияқты, ата-аналарға көмек ретінде Өзін-өзі тану пәнінің формаларын пайдалана отырып ата-аналар жиналысының дәстүрлі емес түрін өткізгенде интерактивті тақтаны, яғни ақпараттық технологияны пайдалану ата-ана қызығушылығын арттырып қана қоймай, жеке танып- білуге, байланысты нығайтуға қосар үлесі зор.
Осындай формада мектеп психологымен бірлесіп өткізілген ата-аналар жиналысының үлгісін сіздермен өткізсек.
Сіздерді ортаға шаттық шеңберіне шақырамын.

І. Есімдер аллитерациясы. Гауһар
1. Шаттық шеңбері:
Дөңгеленіп тұрайықКерегені құрайық.Уықтар боп иіліп,Шаңыраққа киіліпКиіз үйді құрайық.
Міне сіздермен біз үлкен киіз үйді құрдық. Осы киіз үйсияқты біздің мектебіміздің қабырғалары мықты болып, шаңырағы биік болсын дегім келеді.
Танысу: Бір шаңырақ иесі ретінде бір-бірімізбен жақынырақ танысайық. Мына үлгі бойынша: өзесіміңіздің алдына сын есім қосып айтасыз. Мысалы: мен сымбатты Сайрангүлмін. Ал, мен ақкөңіл Анармын.... Олай болса барлығымыз орнымызға жайғасайық.
ІІ. Баяндама. Ата-ана махаббаты Слайд. Айман
Адамдар арасындағы қарым-қатынаста адамгершілік, әдеп-инабат үрдістерінің қаншалық кең жайылып, терең тамырлануы, ең алдымен, олардың жекелеген отбасында өркен жаюына, яғни баланың ата-анасын жан-жүрек қалауымен, саналы түрде ардақтап, құрметтеуіне, инабат тағылымын үлкендерден үйрене отырып, олардың өздеріне деген қарым-қатынастарында мүлтіксіз жүзеге асырып отыруларына байланысты деп білемін.
Адам өмірінің мәні мен сұлулығы, адамның келешегіне сенімділігі - баланың ата-анасын ардақ тұтып, өзінің перзенттік қарызын бір сәтке де есінен шығармауында. Бұл – жас ұрпақтың мәдениеттілігін, әдептілігінің ғана емес, ең алдымен, адамшылығының белгісі.
Бала – ата- ана өмірінің жалғасы. Баламның табанына кірген тікен менің маңдайыма кірсін, деп әлпештеп өсірген перзенті ауырып не басқа бір қатер төнгенде Өзімді алып, баламды аман қалдыр! деп тілеген халықпыз.
Бала тәрбиесі – қызығы мен қиыншылығы қатар жүретін күрделі процесс деп ұғынуға болады.
Ата-аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады.
Құрметті, ата-аналар:
- Баланы сынай берсе, ол жек көргенді үйренеді.
- Бала өкпешілдікпен өссе, ол қатігездікті үйренеді.
- Бала күле берсе, ол тұйық болып өседі.
- Балаға сөгіс бере берсе, ол кінәлі сезіммен өседі.
Шыдамдылықпен өссе,басқаларды қабылдауды үйренеді.
Баланы қолдап тұрса,ол өзіне сенуді үйренеді.
- Баланы мақтап өсірсе, ол игілікті болып өседі.
- Бала шындықта өссе, ол әділетті болып өседі.
- Ол қауіпсіздікте өссе,ол адамдарға сенеді.
- Баланы орынсыз әлпештей берсе,ол өзімшіл болып өседі.
Сондықтан да мектеп өміріндегі ата-аналардың педагогикалық білімін жетілдіру, мәдениетін арттыру, бала тәрбиесіне белсене араластыру, соның нәтижесінде ата-ананы баланың алғашқы ұстазына айналдыру мақсатында ұйымдастырылатын семинар тренингтердің маңызы орасан зор деп білемін.
Сөзімнің соңын Елбасымыз Н.Ә. Назарбаевтың сөзімен аяқтағым келеді.
Отбасындағы адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына, туған-туысқандарына деген сүйіспеншіліктен басталады.
Назарларыңызға рақмет.
ІІІ. Ойқозғау:
Ата-аналар 4-топқа бөлінеді. Бала тәрбиесі жөнінде сұрақтар қойылады. Сол жағдаяттан шығу жолдарын тірек-сызба, сурет арқылы қорғап шығады.
Бала жақсы білімді болу үшін ата-аналардың міндеті қандай болу керек?
Баланың оқу үлгеріміне отбасының қарым— қатынасы әсерін тигіземе?
Сіз жұмыстан ашулы келдіңіз, балаңыз компьютер алдында отыр, үйдің іші жиналмаған, тамақ істелмеген, сіздің айтып кеткен тапсырмаңыз орындалмаған сіздің әрекетіңіз?
Тоқсандық қорытынды бойынша сіздің балаңыз бір сабақтан үшке кетті делік. Сіздің іс-әрекетіңіз?

ІV. Сиқырлы таяқша жаттығу. Гауһар-Айман
2. Өзіңді-өзің танысаң— істің басы
Жақсы немесе жаман қасиеттер тренинг— Абай атамыздың Сегіз батыр деп басталатын жұмбағы еске түседі.
Алла мықты жаратқан сегіз батыр,Баяғыдан соғысып әлі жатырКезек-кезек жығылып, жатып тұрыпКім жеңері белгісіз түбінде ақыр.
Міне, осы жұмбақтың жауабы сегіз батырдың біріншісі жақсылық болса, екіншісі жамандық екен. Кез келген адамнан олекеуін табу үшін айнадағы бейнемізге қарап ойланамыз. Ал, енді сіздер берілген парақтың оңжағына жақсы , сол жағына жаман қасиеттеріңізді жазасыздар. 3мин
Қандай қасиеттерді көп жаздыңыздар?
Қайсысынан өзіңізді көбірек таптыңыз?
Осыған дейін осы қасиеттер жайлы ойланып көрдіңізбе?
(Барлығы жазған қасиеттерін оқып шығады) Жаман қасиеттеріңізден арылғыларыңыз келеме? Ендеше жаман қасиеттеріңізді бөліп жыртып алып менің бойымнан осы жаман қасиеттер мәңгіге жоғалсын— деп айтып ұсақтап жыртып тастаймыз.

Қорытынды: Бала ата-ананың айнасы-демекші, баламыздың бойына өзбойымыздағы жақсы қасиеттерді сіңіре білейік.
V. Тілек шамы Гауһар-Айман
Мақсаты: тренинг туралы пікірлерін ортаға салу.
-Құрметті ата-аналар, біз сіздермен жанұядағы ата-ана мен балалар арасындағы қарым-қатынастың түрлі жақтарын тануға, жан-жақты талқылауға тырыстық. Отбасы, ұшқан ұя – жылылықтың, жылулықтың мекені. Отбасы атауының мәніне терең үңілер болсақ, оттың да үлкен маңызы бар екенін сеземіз. Сондықтан оттың басы, ошағымыздың түтіні түзу болуы үшін Тілек шамы жаттығуын бір-бірімізге тілек айта отырып жүргізейік. Бір-бірімізге мына шамды бере отырып, бүгінгі кездесуден алған әсерлеріңізбен бөлісіп, тренинг барысында айта алмай қалған ойларыңыз болса барлығыңыз да осы жерде айтуларыңызды сұраймын.
Өсиет әңгіме.Жағдайлы бір отбасы баласын ешкімнен кем өсіргісі келмей барлық жағдайын жасайды. Қазіргі заманның озық технологиясымен жасалынған ойыншықтар, компьютер, тіптен қымбат телефонды даалып береді. Бірақ баласы осының бәріне қанағаттанбай, күнде ата-анасының жұмысқа кетпеуін өтінеді. Ата-анасы жұмысқа бармаса болмайтынын, ақша табатынын баласына түсіндіреді. Ал, баласы осы сәтте ата-анасының күніне қанша ақша табатынын сұрап біледі.
Бала сол күннен бастап ата-анасының өзіне тастап кетіп жүрген ақшасын жұмсамай жинай бастайды. Жинаған ақшасы ата-анасының бір күндік табысына жеткен күні бала ата-анасына өтініш жасайды.
— Әке, ана! Бүгін жұмысқа бармай бір күндеріңізді маған қиыңыздаршы.
Бір күнгі табыстарыңызды мен төлейін депті. (қалай ойлайсыздар бала неге өтінді?)Міне, ата-ананың аялы алақанының әсері балаға күн сәулесімен бірдей, мұны басқа ешбір нәрсе ауыстыру мүмкін емес.

VІ. Ой толғаныс
Жүректен жүрекке:
Құрметті ата-аналар!
Енді осы балапандарымызға жүрегімізден шыққан жылы сөздеріңізбен, тілектеріңізді қағазға (жапырақ) жазып ағашты көркейтейік.
Жүректен шыққан тілектеріңіз әрдайым жер бетіндегі балаларды қолдап желеп-жебеп жүрсін дегім келеді.













Ата-ана махаббаты

Адамдар арасындағы қарым-қатынаста адамгершілік, әдеп-инабат үрдістерінің қаншалық кең жайылып, терең тамырлануы, ең алдымен, олардың жекелеген отбасында өркен жаюына, яғни баланың ата-анасын жан-жүрек қалауымен, саналы түрде ардақтап, құрметтеуіне, инабат тағылымын үлкендерден үйрене отырып, олардың өздеріне деген қарым-қатынастарында мүлтіксіз жүзеге асырып отыруларына байланысты деп айтуымызға болады.
Адам өмірінің мәні мен сұлулығы, адамның келешегіне сенімділігі - баланың ата-анасын ардақ тұтып, өзінің перзенттік қарызын бір сәтке де есінен шығармауында. Бұл – жас ұрпақтың мәдениеттілігін, әдептілігінің ғана емес, ең алдымен, адамшылығының белгісі.
Бала – ата- ана өмірінің жалғасы. Баламның табанына кірген тіккен менің маңдайыма кірсін, деп әлпештеп өсірген перзенті ауырып не басқа бір қатер төнгенде Өзімді алып, баламды аман қалдыр! деген халықпыз.Оны ешкім де жасыра алмайды.
Бала тәрбиесі – қызығы мен қиыншылығы қатар жүретін күрделі процесс деп айтуымызға болады.
Ата-аналардың жастығы мен бала тәрбиесіндегі тәжірибенің жоқтығы, болмаса тәрбие жұмыстарында тек қана өз ойлары мен көзқарастарына ғана жүгінуі немесе қажетті педагогикалық білімдерінің жетіспеушілігі салдарынан тәрбие процестері көптеген қателіктерге ұшырап отырады.Құрметті, ата-аналар:
- Баланы сынай берсе, ол жек көргенді үйренеді.
- Бала өкпешілдікпен өссе, ол қатігездікті үйренеді.
- Бала күле берсе, ол тұйық болып өседі.
- Балаға сөгіс бере берсе, ол кінәлі сезіммен өседі.
Шыдамдылықпен өссе,басқаларды қабылдауды үйренеді.
Баланы қолдап тұрса,ол өзіне сенуді үйренеді.
- Баланы мақтап өсірсе, ол игілікті болып өседі.
- Бала шындықта өссе, ол әділетті болып өседі.
- Ол қауіпсіздікте өссе,ол адамдарға сенеді.
- Баланы орынсыз әлпештей берсе,ол өзімшіл болып өседі.
Сондықтан да мектеп өміріндегі ата-аналардың педагогикалық білімін жетілдіру, мәдениетін арттыру, бала тәрбиесіне белсене араластыру, соның нәтижесінде ата-ананы баланың алғашқы ұстазына айналдыру мақсатында ұйымдастырылатын семинар тренингтердің маңызы орасан зор деп білемін.
Сөзімнің соңын Елбасымыз Н.Ә. Назарбаевтың сөзімен аяқтағым келеді.

Отбасында адам бойындағы асыл қасиеттер жарқырай көрініп қалыптасады. Отанға деген ыстық сезім жақындарына, туған-туысқандарына деген сүйіспеншіліктен басталады.
Назарларыңызға рақмет.