Ата-аналарды педагогикалық қолдау жұмысының ұйымдастырылуы 2024-2025 оқу жылы

«Ата-аналар академиясы жұмысының» жүзеге асырылуы бойынша атқарылған жұмыстар

2024-2025 оқу жылы, Шиелі

«Ата-аналар академиясы жұмысының» жүзеге асырылуы

бойынша атқарылған жұмыстар

"Адамның адамшылығы — ақыл, ғылым, жақсы ата, жақсы ана, жақсы құрбы, жақсы ұстаздан болады".

Абай Құнабаев

Бүгінгі таңда балалардың қауіпсіздігі, олардың денсаулығы мен қорғалуы, әл-ауқаты, білімі мен әлеуметтік жағдайы – басты назарда.

ҚАЗАҚСТАН РЕСПУБЛИКАСЫ ОҚУ-АҒАРТУ МИНИСТРЛІГІ БЕКІТКЕН «ӨРКЕН» БАЛАЛАРДЫҢ ӘЛ-АУҚАТЫН АРТТЫРУ ҰЛТТЫҚ ҒЫЛЫМИ- ПРАКТИКАЛЫҚ ИНСТИТУТЫНЫҢ 2024-2025 ОҚУ ЖЫЛЫНДА ҚАЗАҚСТАН РЕСПУБЛИКАСЫНЫҢ БІЛІМ БЕРУ ҰЙЫМДАРЫНДА «АТА-АНАЛАРДЫ ПЕДАГОГИКАЛЫҚ ҚОЛДАУ ОРТАЛЫҒЫ» ҚЫЗМЕТІН ҰЙЫМДАСТЫРУ БОЙЫНША НҰСҚАУЛЫҒЫНА СҮЙЕНЕ ОТЫРЫП, ата-аналарға жүйелі психологиялық-педагогикалық білім беру мақсатында мектебімізде «Ата-аналарды педагогикалық қолдау орталығының» 2024-2025 оқу жылына арналған жоспары жасалып, бекітілді.

Педагогикалық қолдаудың мақсаты:

балалардың әл-ауқаты мен үйлесімді дамуын қамтамасыз ету үшін оң тәрбие мәдениетін қалыптастыру болып табылады.

Педагогикалық қолдаудың міндеті:

балалардың әл-ауқатын қамтамасыз етуге ата-аналардың педагогикалық мәдениетін, психологиялық және әлеуметтік құзыретін дамыту болып табылады.

АПҚО сабақтарын ұйымдастыру бойынша :

*Сабақтар жиі, айына бір рет өткізілді;

*Бірлескен сабақтар – балалар мен ата-аналарды бірге қатыстыру қамтамасыз етілді;

*Сабаққа келе алмаған ата-аналарға материалдар презентация немесе бейнероликтер түрінде жіберілді;

*Сабақ өткізуге мектеп психологі қатысып, тренингтер өткізіп, кеңестер берді.

*АПҚО-ның сабақтарына ерлер мен әкелер тартылды.

АПҚО сабақтарын өткізу әдістемесі бойынша :

*Практикалық сабақтар, тренингтер, дөңгелек үстелдердің формалары көбірек пайдаланылды;

*«Ата-ананың қалауы бойынша нақты жағдайды талдау», оның ішінде мұғалім мен оқушы арасындағы қарым-қатынас туралы талданып, сабақтар ойын түрінде өткізілді;

*Тәрбие туралы қосымша бейнероликтер, материалдар пайдаланылды;

*Баланың психологиялық портретін жасау үшін психолог сағаттары ұйымдастырылды;

*Отбасылық қатынастар тақырыбына тренингтер өткізілді.

АПҚО сабақтарының мазмұны бойынша төмендегіше жоспарланды:

*Төтенше жағдайларда баланың қауіпсіздігін қамтамасыз ету дағдыларын үйрету;

*Бала үйде жалғыз қалғанда,балаланың қауіпсіз мінез-құлық алгоритмдерін меңгеруге, қалай көмектесу жөнінде ата-аналарға үйрету;

*Балалардың денсаулығын дамыту тақырыбын кеңейту;

*Баланың дұрыс тамақтануын ұйымдастыру бойынша сабақтарға енгізу;

*Балалардың психикалық қабілеттерін дамыту үшін қажетті сабақтар;

*Есте сақтау, назар аудару, ойлау, қиял жасау, көп мөлшерде деректермен жұмыс істей білу, оңтайлы шешімдерді табу қабілетін дамыту үшін психикалық математика негіздері бойынша сабақтар енгізу;

*Өзiн-өзi бағалауды дамытуға көңiл аудару.

Өркен балалардың әл-ауқатын арттыру ұлттық-ғылыми практикалық институтының ҚР білім беру ұйымдарында “Ата-аналарды педагогикалық қолдау орталығы ” қызметін ұйымдастыру бойынша мектеп ұжымы нұсқаулықпен таныстырылып, бұйрығы шықты.

Мектеп ұжымы мен сынып жетекшілеріне «Ата-аналарды педагогикалық
қолдау орталығы» жұмысын жүзеге асыру тетіктерін үйлестіру мақсатында әдістемелік көмек берілді. Ата-аналардан олардың балаларының тәрбие процесіне қатысу дегейін анықтауға арналған сауалнамалар алынды. «Ата-аналарға педагогикалық қолдау көрсету бағдарламасының 1-4 сынып ,5-9, 10-11 сыныптарға жоспары жасалынып, бекітілді. Жоспар бойынша әр айда ата- аналарға педагогикалық қолдау көрсету жұмыстары жүргізілді. АПҚО-ның сабақтарына ерлер мен әкелерді тартуға баса назар аударылды. Бірлескен сабақтар ұйымдастырылды. /балалар мен ата-аналардың бірге қатысуымен/ Ата-аналардың баласын тәрбиелеуде баланың бойынан дамытқысы келетін басым бағыттар анықталды. Жүргізілген жұмыстар нәтижесінде ата-ана мен бала, мұғалім мен бала, педагог пен ата-ана арасындағы қарым –қатынас нығайды.

Ата-аналардың білім беру процесіне қатысуы артты. Әр отбасының бала тәрбиесіне белсене қатысуының маңызы арта түсті. Кейбір отбасылардағы бала мен ата-ана арасындағы қарым-қатынас тұрақталды. Ата-аналарға жүйелі түрде психологиялық-педагогикалық білім берілді, позитивті ата-ана болу мәдениеті қалыптаса бастады. Нақты ситуацияларда дұрыс шешім қабылдауға бағыт-бағдар берілді. Мектептегі тәрбие жұмысының нәтижелігі - үштікодақ қызметінің маңызы зор екенін көрсетті.

«Ата-аналарды педагогикалық қолдау орталығы» қызметінің жұмысы бала тәрбиесінің ұйытқысы ата - ана мен мектеп ынтымақтастығын арттыру болып отыр. Әл Фараби бабамыз «Ғылым емес, ең алдымен тәрбиеге көңіл бөлу керек, тәрбиесіз адамға ғылым баянды болмайды» - деген ұлағатты сөзін ескере отырып, ұлтымыздың қанындағы ізеттілік қайырымдылық , жомарттық, адалдық, парасаттылықты ұл - қыздарымыздың бойына саналы тәрбие мен нақты білім арқылы сіңірту-басты міндетіміз. Балаға жауапкершілікпен қарап, оқыту мен адамгершілікке тәрбиелеуде отбасының басым рөлін мойындап, бірлесе, ынтымақтаса әрекет етуіміз қажет. «Ата-аналарды педагогикалық қолдау орталығының» жұмысының дұрыс ұйымдастырылуы-мұғалім мен ата-ананың баламен үйлесім табуының басты кепілі болмақ.