Аттестациядан өтетін педагог Кенесова Гульсана Мухамбеткалиевнаның шығармашылық есебі Мен, Кенесова Гульсана Мухамбеткалиевна 1982 жылы 30 қараша Ақтөбе облысы Мұғалжар ауданы Жем қаласында дүниеге келдім. Еңбек жолымды 2001 жылдан бастап білім саласында Ақтөбе облысы Мұғалжар ауданы Қ.Жұбанов атындағы орта мектебінен бастаған болатынмын. Қазіргі таңда Аманкелді негізгі мектебінде биология және химия пәндерінен білім берудемін. Педагогикалық еңбек өтілім - 16 жыл, І санаттамын. Елбасымыз Н.Ә. Назарбаевтың «Ұлт болашағы білімді ұрпақ қолында» деп айтқан сөзінен бастағалы отырмын. Менің оқушыларға білім берудегі басты мақсатым «биология пәніне деген қызығушылықты арттырып, оқушылардың сыни тұрғыдан ойлау қабілетін дамыта отырып, шығармашылық ізденіске баулу, білімсапасын арттыру ». Мектеп мұғалімінің негізгі жұмысы – сабақ беру. Өзімнің педагогикалық қызметімде биология пәнін оқытудың ұйымдастыру түрлері мен әдістерін үнемі жетілдіруге, заман талабына сай келетін технологияларды қолдануға күш – жігерімді саламын. Оқушылардың оқулықпен, жазбаша деректермен,мерзімді баспасөз материалдарымен, т.б өздігінше орындайтын жұмыстарын ұйымдастыруға ұмтыламын. Оқушылардың танымдық белсенділігін арттыру мақсатымен оқытудың рөлдік,топқа бөліп оқыту, пікір таластыру,сахналандырылған,семинар,баспасөз конференциясы сияқты формаларын мүмкіндігінше жиі пайдалануға тырысамын. Сонымен қатар, қазіргі таңдағы заман талабына сай түрлі әдіс-тәсілдерді қолдана отырып заманауи білім беруге де күш жігерімді салудамын. Көрнекілік құралдары да оқушылардың биология пәніне қызығушылығын оятары сөзсіз. Соны ескере отырып түрлі зияткерлік сайыстар өткізуге де құмармын. Оқушының танымдық белсенділігін арттыруға, оның бойындағы тұлғалық қабілеттерінің ашылуына, көрінуіне сабақтан тыс шараларды ұйымдастыру жатады. Сондай шаралардың бірі 7,8,9 сынып оқушылары арасында өткен «Табиғатты қорғайық» атты сот сабағы. Сот сабағы барысында оқушылар өз беттерімен ізденіп, түрлі қызықты материалдар жинақтап, табиғатты қорғау керектігін үйренді. Ұстаздың біліктілігін түрлі деңгейдегі оқушылардың ғылыми – зерттеу жұмыстары көрсетеді. Сол себепті де жыл сайын әр түрлі тақырыпта ғылыми жоба жұмыстарын қорғауға оқушыларым аса үлкен қызығушылықпен атсалысады. Соның нәтижесінде 2017 жылы аудандық «Зерде» ғылыми жобалар қорғау сайысында 4 сынып оқушысы Жалаш Бекет ІІ орынға, Қазақстан Республикасы Кіші Ғылым Академиясынның 21-ші ғылыми –практикалық конференциясында 8 сынып оқушысы Саныбай Ақбөбек облыстық кезеңнен ІІ орынға және Ақтөбе облыстық білім басқармасы «НұрScience» ғылыми әдістеме жоғары мектебінің «Болашақтың ғалымдары» атты облыстық ғылыми зерттеу жұмысы байқауында Саныбай Ақбөбек тағы бір мәрте ІІІ дәрежелі дипломға ие болды. Сонымен қатар, «Ақ бота» интеллектуалдық марафонынан 8 сынып оқушылары Саныбай Ақбөбек-ІІ орынға, Дүзбас Ақниет-ІІ орынға, Өсербаева Ділназ ІІ орынға ие болды.«Дарындылық» оқу білім мекемесінің республикалық ғылыми жобалар байқауынан да Саныбай Ақбөбек ІІ орынға ие болып, және тағы да басқа республика,аудан,облыс көлемінде көптеген жетістіктерге өол жеткіздік. Еліміздегі барлық ұстаздардай өзімнің кәсіби, азаматтық міндетімді әрдайым, жауапкешілікпен, қандай жағдайда болса да адал атқаруға ұмтыламын.
ҚР Білім және Ғылым министірлігінің стандартымен жасалған
08 Сәуір 2018
2885
6 рет жүктелген
