Бала тәрбиесі – баршаның ісі.

Бала біздің болашағымыз. Олай болса тәрбиелеу мен оқыту баланың ғана емес, еліміздің де жарқын болашағының кепілі. Ол – үздіксіз білім берудің алғашқы деңгейі. Қазіргі таңда тәрбиешілер қауымына үлкен жауапкершілік жүктеліп отыр. Мағжан Жұмабаев атамыз өзінің ұлағатты бір сөзінде былай деген: «Баланың тәрбиешінің өзіндей қылып шығармай, келешек заманына лайықтап дайындау керек». Бұл айтқан даналық ой бүгінгі күнгі білімді ұрпаққа қаратылып айтылғаны көрініп тұр. Өйткені, елдің ертеңгі тірегі балдырғандарымыз. Олар заман талабына сай тәрбиеленуі тиіс.

Елбасымыз Н.Ә. Назарбаев 2018 жылғы 5 қазандағы Жолдауында: «Ойлау негіздері, ақыл-ой мен шығармашылық қабілеттер, жаңа дағдылар сонау бала кезден қалыптасады» деп атап өткен болатын. Біздің «Арман» шағын орталық 2017 жылы желтоқсан айында ашылып, 25 бала тәрбиеленіп келеді. Біз оқу тәрбие процессін жүйелі жоспарлап, жаңа инновациялық технологияларды ендіре отырып, балалардың дамытудың тиімді жолдарын қарастырып, балаларды жаң тәнімен сүйіп, рухани қуат беріп қана өсірмей, сонымен қатар кең пейілді, ақылды, жауапкершілігі бар адам етіп тәрбиелеудеміз.

Қазіргі заман талабына сай өнерлі, шығармашылыққа бай, жан-жақты дамыған, өздерінің жағымды жақтарын көрсете білетін, өз ойларын аңық айтатын ұрпақ тәрбиелей отырып, мәңгілік ел болып қалыптасудың алғашқы қадамдары деп білеміз.

Ел Президенті «Болашаққа бағдар: Рухани жаңғыру» бағдарламалық мақаласында білім, ғылымға ерекше басымдық беріп отыр. «Терең білім-тәуелсіздігіміздің тірегі», - деген Н.Ә. Назарбаев «Мәңгілік ел» болуға қадам басқан тәуелсіз Қазақстанның еңдігі жаһандану алдыңда ұлт ретінде жойылып кетпеуі үшін ұлттық кодың сақтаған, терең білімді, бәсекегі қабілетті, ұлттық құндылықтарын бойына сіңірген ақыл – ойы кемел тұлға болуына маңыз береді. Егемен еліміздің мәңгілік болып, қазақ елінің мәңгі жасауы және «қазақ» атауының ешқашан өз тұғырынан түспеуі болашақ ұрпақтың қолында.

Сеилова Айгерим Амангельдыевна

«Қостанай қаласы білім бөлімінің

№15 жалпы білім беретін мектебі»

Мектепке дейінгі тәрбиеші