Альжанова Сандеш Сагиевна

Орал қаласы №3 «Ёлочка» бөбекжай балабақшасы тәрбиешісі

Балалықтың қанына ойын азық

Бала болашақтың иесі болғандықтан, өзінің төл мәдениетін білетін, сыйлайтын, рухани дүниесі бай, саналы ойлайтын болуы керек. Ата-бабаларымыздың ғасырлар бойы жинақтаған тәжірибесін, мәдениетін жасөспірімдер бойына саналы сіңіріп, қоршаған ортадағы қарым-қатынасын, өмірге деген көзқарасын, бағытын дұрыс қалыптастыру тәрбиеге байланысты. Тәрбие мен білімнің алғашқы дәні - мектепке дейінгі тәрбие ошағында беріледі. Ұрпағымыздың дені сау, дене құрылысының дұрыс жетілуі үшін ұлттық ойындарымыздың орны ерекше. Ұлттық ойындар - қазақ халқының ерте заманнан қалыптасқан дәстүрлі ойын-сауықтардың бір түрі. Ұлттық ойындар негізінде әр халық түрлі-түрлі жаттығулар жасау жолымен дене шынықтыру ісінің негізін салды. Бертін келе шынайы спорт ойындарының шығуына түрткі болды. Оның адам денсаулығын жақсартуда пайдасы зор.

Ұлттық ойындар - ата-бабаларымыздан жалғасып келе жатыр-ған байлығымыз, асыл қазынамыз. Дегенмен қазіргі заман талабына сай сол ұлттық ойындарымыз ұмытылуға жақын десекте болады. Оған себеп қазіргі телефондағы, компьютердегі ойындар. Байқап қарасаң сен көлікте келе жат мейлі, сауда орталықтарына бар, демалыс орындарына бар, әр жас өспірім сәбилеріміздің қолында телефон. Ал, сол телефонның өсіп келе жатқан ұрпағымыздың психологиясына, денсаулығына кері әсерін тигізетінін білсе де, тыныштық жағын ойлаймыз. Әрине ол дұрыс емес. Бұрын ата-бабаларымыз–өз ұрпағын қалай тәрбиелеген. Ол заманда телефон жоқ, ойыншық жоқ. Ағаштан жонып трактор, машина жасаса, ал қыздарымызға ағаш қасықтан қуыршақ жасаған деп айтады. Ірі қара малының жүнінен допта жасаған.

Халқымыз ойындарға тек балаларды алдандыру, ойнату әдісі деп қарамай, жас ерекшеліктеріне сай оларды көзқарасының, мінез-құлқынын қалыптасу құралы деп ерекше бағалаған.

Ұлттық ойындардың мектеп жасына дейінгі балаларға лайық-тары: «Көкпар», «Теңге алу», «Жүзік жасыру», «Ақсүйек», «Ханталапай», «Аударыспақ», «Асық ату», «Күш сынасу», «Арқан тарту» т.б. ойындар ойнату арқылы баланы тапқырлыққа, жылдамдыққа, шапшаңдыққа, икемділікке, батылдылыққа тәрбиелеуге болады.

Еліміздін ертеңгі болашағы бүгінгі өсіп келе жатқан жас ұрпақ. Сондықтан ұрпақ тәрбиесіне аса жауапкершілікпен қарау баршамызға жүктелер міндет.