Бердібек Соқпақбаевтың "Менің атым Қожа" повесті

Түркістан облысы, Жетісай ауданы «А.Жами атындағы №24 жалпы білім беретін мектеп» коммуналдық мемлекеттік мекемесі кітапхана меңгерушісі: Сайрамова Ұлданай Чапаевнаның «Оқуға құштар мектеп» жобасы аясында Бердібек Ыдырысұлы Соқпақбаевтың туғанына 100 жыл толуына байланысты жазылған мақаласы.

Жетісай ауданының білім бөліміне қарасты «Атақоныс» елді мекенінде «А.Жами атындағы №24 жалпы білім беретін» коммуналдық мемлекеттік мекемесінде «Оқуға құштар мектеп» жобасы аясында мұғалімдер арасында Бердібек Соқпақбаевтың туғанына 100 жыл толуына байланысты «Менің атым Қожа» повестін оқу және талқылау бойынша дөңгелек үстел өткізілді.

Мақсаты: қазақ балалар әдебиетінің классигі Бердібек Соқпақбаевтың өмірі мен шығармашылығын таныстыра отырып, мұғалімдердің кітап оқуға деген қызығушылығын арттыру.

Қазақ прозасына өзгеше өрнек, ғажайып сыр-сипат әкелген көрнекті қазақ жазушысы, балалар әдебиетінің бәйтерегі Бердібек Ыдырысұлы Соқпақбаев шығармалары өте керемет суреттелген. Көрнекті балалар жазушысы Бердібек Соқпақбаевтың «Менің атым Қожа» атты повесі оқырман қауым арасына кең тараған. Онда ауыл өмірі, ауыл балаларының мінез-құлқы ,арман-мақсаты шынайы да шырайлы бейнеленген. Бұл кітап барша оқырманның жүрегінен ерекше орын алған.

Дөңгелек үстел барысында мұғалімдер Қожаның тарихымен танысып өтті және оқығандары туралы әсерлерімен қуана бөлісті. Талқылау барысында мұғалімдер Бердібек Соқбақбаевтың өмірбаянымен, шығармаларымен тереңірек танысты. Дөңгелек үстел барысында мұғалімдер Қожаның іс-әрекетінің себептерін талдап, оның қателіктерін талқылап,оның кейде неге күтпеген,тіпті батыл әрекет еткенін талқылады.

Талқылау барысында мұғалімдер Бердібек Соқпақбаевтың басқа да шығармалары туралы өз ойларымен бөлісті. Көпшілік мұалімдер қазақтың әдебиет пен мәдениеті және жазушының басқа да шығармаларын оқуды жалғастыруға ниет білдірді.

Қорытынды: Қазіргі таңда жан-жақты білім мен тәрбие берер мәдени орындардың бірі мектеп кітапханасы. Кітапхана сол оқу орындағы білімге ұмтылған жас ұрпақтың,сондай-ақ ұстаздың табылар орны. Кітапхана кітап арқылы жеке адамның жан-жақты білім алуы мен қатар, патриоттық рухта тәрбиеленуіне, саяси сапасын қалыптастырып ғылыми, кәсіби, мәдени дәрежесінің дамуына әсер ететін бірден-бір орын.