Сабақтың тақырыбы:

«Білім биржасы» зияткерлік ойыны

Мектеп: Дарьинск жалпы орта білім беретін қазақ мектебі

Күні:

Мұғалімнің есімі: Бекентаева А.Р.

Сынып: 2

Қатысқандар саны:

Қатыспағандар:

Сабақтың мақсаты

Өз білімімен, ақыл-ойымен, эрудициясымен ерекшеленген трейдерлерді қалыптастыру. Оқушылардың білімге деген құштарлығын арттыру, қызықтыру арқылы білімін тереңдету, зияткерлік қабілетін дамыту.Сөздік қорларын байыту.

Ресурстар

тест тапсырмалары, жауап парақтары, компьютер, проектор, флипчарт, маркерлер

Пәнаралық байланыс

дүниетану, жаратылыстану, математика, әдебиеттік оқу, қазақ тілі, орыс тілі, ағылшын тілі

Жоспарланған

уақыт

Жоспарланған іс-әрекеттер

Ресурстар

Басы

-Қайырлы күн, құрметті қонақтар, ұстаздар мен білімге құштар жас өрендер!
«Білім биржасы» зияткерлік ойынына қош келдіңіздер!
Бұл ойында 2-сыныптар оқушылары өз білімдерін сынамақ.
Ендеше ойын шартымен таныстырсақ:
Ойынға 5 оқушыдан тұратын 2 топ қатысады. Ойын 4 турдан тұрады.
І тур - Білім аукционы. Экономикалық ойынның шартымен оқушыларға 6 сұрақ қойылады. Дұрыс жауап беру арқылы өз ақша қорын жинайды.
ІІ тур - «Эрудиттер сайысы». Әр топ тест тапсырмаларына жауап беріп, әр дұрыс жауапқа ақша жинайды.
ІІІ тур - Таңдау – табыс. Әрбір таңдаған сан бойынша берілген тапсырманы орындайды.
ІҮ тур- Сыйлықтар аукционы. Жинаған ақша қорын сыйлықтарға айырбастайды.
«Болашақ »- білімділер тобы.
Ұраны:
Болашақтың ұрпағымыз білімді,
Сайыста көрсетпекпіз мектепте алған білімді.
«Тапқырлар» – тапқырлар тобы 
Ұраны:
Тапқырлық таныту мақсатымыз,
Біліммен шықсын тек жақсы атымыз.

- Әр топтың жинаған капиталын есептеп отыратын экспертпен танысып алайық (Экспертті таныстыру).
-«Адам байлығының ішіндегі ең тамашасы – білім», – деген екен шығыс ғұламасы Әбу-р-Райхан әл Бируни. Ендеше, білім байлығы саудаға түсер аукционымызды бастайық.

Слайд

Ортасы

-Аукцион шартымен таныс болыңыздар. Бүгінгі аукционымызда сауда «теңге» атты ақша бірлігімен жүргізіледі. Әзірше әр топтың қорында 5000 теңгеден бар. Бұл – бастапқы капитал. Өз капиталыңызды көбейту – өз қолдарыңызда.
Аукционға әртүрлі пәннен сұрақтар қойылады. Сұрақтың бастапқы бағасы – 1000 теңге. Топ бағаны 1000 теңгеден жоғарылата алады. Ең жоғары баға ұсынған соң сұрақ оқылады. Егер дұрыс жауап айтылса – баға құны сол топқа беріледі, ал қате жауап айтылса, онда топ өз капиталынан сол ақшаны қайтарады. Ескерту: егер топ қорында бар барлық сомаға сұрақ сатып алып қателессе, онда – банкрот, өкінішке орай, ол топ аукционға қатыса алмайды.

Сонымен, «Білім – біліктілікке жеткізер баспалдақ, ал біліктілік – сол білімді іске асыра білу дағдысы», – деген ұлы ұстаз Ахмет Байтұрсыновтың сөздеріне сүйеніп, «Білім аукционы» атты І турды бастайық.

Аукционға 1 . «Дүниетану» пәні қойылады. Сауданы бастаймыз. Бастапқы баға – 1000 теңге. Қай топ жоғары баға береді?

Тобы бір, тобы екі, тобы үш. Сатылды! Дұрыс жауап берген жағдайда топ өз қорына теңге қосады.
Сұрағы: Алматы облысындағы Есік қаласының солтүстігіндегі Есік өзенінің сол жақ жағалауындағы темір дәуірінен сақталған сақ обасынан табылған алтын киімді сақ жауынгерінің мүрдесі қалай аталады?

Жауабы: Алтын адам

2. Аукционға әдебиеттік оқу пәні қойылады (Сауда жүргізіледі)

Сұрағы: Бес асыл іс пен бес дұшпанды ата.
Жауабы: Талап, еңбек, терең ой, қанағат, рақым.

Өсек, өтірік, мақтаншақ, еріншек, бекер мал шашпақ

3. Аукционға математика пәні қойылады. (Сауда жүргізіледі)
Сұрақ:Бөлудің компоненттерін ата

Жауабы: Бөлінгіш, бөлгіш, бөліндінің мәні
4. Аукционға жаратылыстану пәні қойылады. (Сауда жүргізіледі)
Сұрақ: Судың қасиеттерін ата 
Жауабы: сұйық, қатты, газ /бу/
5. Аукционға қазақ тілі пәні қойылады. (Сауда жүргізіледі)
Сұрақ: Мәтін түрлерін атап шық

Жауабы: әңгімелеу, сипаттау, пайымдау
6. Аукционға логикалық сұрақ қойылады. (Сауда жүргізіледі).
Сұрағы: Жазда 6 бала таудан сырғанақ тепті. Олардың 4-еуі кетіпқалды.

   Нешеуі сырғанақта қалды? 
Жауабы: Жазда сырғанақ болмайды

Осымен І – тур аяқталды. Кезекті экспертке берсек (Екі топтың жинаған ұпайларын айту) .
Біздің екінші турымыз «Эрудиттер сайысы» деп аталады. Әр топқа тест тапсырмалары беріледі. Олар бірлесе отырып тапсырманы орындайды. Әрбір дұрыс жауап құны – 1000 теңге. Ендеше,
«Тіл қаруы – сөз, сөз қаруы – ой, ақылды ой, алғыр сөз – адамның ең жоғарғы қасиеті» – деген Ғабиден Мұстафиннің сөзімен сайысты бастаймыз. Дайынбыз ба? 
ІІ – тур. Эрудиттер сайысы.
Тест тапсырмалары:

1.Елді кім басқарады?
А) Парламент Ә) Президент Б) Премьер-министр.
2. Қазақстан Республикасы қай құрлықта орналасқан?
А) Еуразия Ә) Африка Б) Австралия.
3.Бір-бірімен туыстық қатынастағы адамдарды қалай атайды?
А) Көршілер Ә) Достар Б) Туысқандар.
4.Биіктігі 97 метр болатын бас қаланың символы.
А) Хан шатыры Ә) Қазақ елі Б) Бәйтерек.
5. Медеу мұз айдыны Қазақстанның қай қаласында?
А) Астанада Ә) Алматыда Б) Көкшетауда.

ІІ – тур қорытындысын шығару. Кезекті экспертке берсек (Екі топтың жинаған ұпайларын айту) .
«Білекке сенген заманда – ешкімге есе бермедік,
Білімге сенер заманда қапы қалып жүрмейік», – деген Абылай ханның ойлы сөзімен келесі турымызға көшейік.
ІІІ – тур «Таңдау - табыс» деп аталады. Тақтада 1-ден 6-ға дейінгі сандар орналасқан. Әр топ ретімен кез-келген санды таңдайды. Ол санның артында сұрақ жасырылған. Таңдау жасаған топ өз бағасын жасырын түрде ұсынады. Сұраққа дұрыс жауап берсе, қорларына қойған бағалары түседі. Егер дұрыс жауап бере алмаса топ қорларынан сол баға шегеріледі. 

1. Сұрақ: Жазылуы да, айтылуы да бірдей сөздер қалай аталады?

Жауап: омонимдер
2. Сұрақ: Қазақ даласында алғашқы мектеп ашқан кім?
Жауап: Ы.Алтынсарин
3. Сыйлық. Сұраққа жауап бермей-ақ 5000 теңге қоржындарыңызға түседі. Құттықтаймын.
4. Сұрақ: Жерге ең жақын жұлдыз - Күн. Оның төңірегінде ірі аспан денелері айналып жүреді. Олар өздерінне жарық шығармайтын салқын денелер. Дегенмен түнгі аспанда олар да жұлдыз сияқты жылтырап көрінеді.
Бұл денелер қалай аталады?

Жауап: Бұл денелер ғаламшарлар деп аталады. Грек сөзінен аударғанда жұлдыз деген мағына береді.
5. Сұрақ: 100 минутта неше сағат және минут бар?

Жауап: 100 минутта 1 сағат 40 минут бар
6. Сұрақ: Біз қай облыста тұрамыз ? Облыс орталығы қай қала?

Жауап: Батыс Қазақстан облысы, Орал қаласы

Кезекті экспертке берсек (Топтардың қорытынды капиталын жариялау) .
Енді біз ең қызықты соңғы тур «Сыйлықтар аукционына» көшеміз.
Аукционға сыйлықтар қойылады. Жинаған ақша қорын сыйлықтарға айырбастай аласыздар. Әр суретте жұмбақ жасырылған, жұмбақтың жауабы дұрыс болса – сыйлық сіздікі. Бағасы – 1000 теңге.

1.Тілі бар, үні жоқ,
Өзін адам түсінген
Жүрегі бар да, қаны жоқ,
Сөйлеп тұрған ішінен./кітап, книга, book/

2. Өшірді, сүртті
Өзгені құртты
Өзін де құртты/өшіргіш, стерка, rubber/

3. Аяғы біреу, қолы жоқ,
Шиыр-шиыр жолы көп.
Өзі сөйлей білмейді,
Салған ізі сөйлейді. /қалам, ручка, pen/

4. Дүниеге тұмсықсыз-ақ келеді,
Дегенменен тұмсығынан өледі./қарындаш, карандаш, pencil/

5. Бiлiмнiң жол басшысы, Шәкiрттiң қолбасшысы.  (мұғалiм, учитель, teacher)

6. Бір үйге көзсіз боп кіресің,
Бұл үйден көреген боп шығасың (мектеп,школа, school)

Ақшалар, слайдтар, физикалық карта, флипчарт, маркерлер, суреттер.

Соңы

Елбасы Н.Ә.Назарбаевтың «Қазақстан 2030 жылы барысқа апаратын – бүгінгі мектеп партасында отырған оқушылар» деген сөзін әрқашан жадымызда ұстап, Елбасының сенімін ақтауда дәл бүгінгідей зияткерлік сайыстарда өз білімімізбен биіктерден көріне берейік. 
Бүгінгі зияткерлік сайсқа қатысқан топтарды марапаттасақ. (Топтарды марапаттау)

Білім алудан кеш қалмаңыздар!

Дипломдар, сыйлықтар