Білімділер бәйгесі» сайысы

Ө.Қанахин атындағы орта мектебі

Тақырыбы:

( сыныптан тыс шара)

Өткізген: А. Бақтыбай

2017 -2018 оқу жылы

Күні: 23.02.2018ж

Тақырыбы: «Білімділер бәйгесі» сайысы

Мақсаты: Оқушылардың ойлау, сөйлеу қабілетін арттыру; білім алуға қызығыушылығын арттырып, шығармашылыққа, шапшаңдыққа баулу.

Құндылығы: Тарихтың, мәдениет пен тілдің ортақтығы құндылығы негізінде білімді, алғыр тұлға қалыптастыру.

Көрнекілігі: слайд, тапсырма парақшалары

Сайыс кезеңдері:

Психологиялық дайындық

І. Сөз тапқанға қолқа жоқ

ІІ. Біліміңді дәлелде!

ІІІ. Ғажайып тоғыздық

ІҮ. Шешен адам сөз бастар

Ү. Ойлан, тап!

Қорытынды

Білім деген биік шың,

Бақытқа сені жеткізер.

Білім деген ақылшың,

Қиындықтан өткізер.

І кезең «Сөз тапқанға қолқа жоқ»

І топқа: А,Ш,Қ.

ІІ топқа Е,С,Н.

І топ А,Ш,Қ.

1. Қар қашан жауады?

2. Қыстың соңғы айы?

3. Қар жана ма?

4. Қоян неліктен қыста ақ болады?

5. Ет жемесең түсіңе кіре ме?

6. Тауық таң атпай неге айқайлайды?

7. Бүгін кімнің туған күні?

8. Сағызды мысық кімге берді?

9. Түркістан қай мемлекетте орналасқан?

10. Бәйтеректің басына қандай құс ұя салады?

11. Қазақ ертегілері қалай басталады?

12. Көп ойнаған жылайтыны несі?

13. Қарға неге қарқылдайды?

14. Туымыздың түсі неге көк?

15. «Дарын» деген сөзде неше дыбыс бар?

ІІ топ Е,С,Н.

1. Жаздың келетіні неден белгілі?

2. Ақтөбеге дейін неше шақырымды жүріп өтесің?

3. «Қызыл кітапқа» не кіреді?

4. Бүгінігі сайысқа дайындығың қалай?

5. Алдар көсені үйге кіргізесің ба?

6. «Шырағым, шығып кет» деген жай сөйлем бе?

7. Қоян қорқақ, кім батыр?

8. Атам мен әжем әңгімешіл ме, ертегішіл ме?

9. Нағыз қазақ емес...

10. Қорадағы тауықты кім әкетті?

11. Есігіңді қаққан кім?

12. Тонды неге отқа тастайды?

13. Сыбырлағанды құдай ести ма?

14. Көрмес кімді көрмейді?

15. Оқи берсең кім боласың?

ІІ. Біліміңді дәлелде!

№1 топқа: 8-сынып

-Менің атым-әйел,мына қыздың анасымын! Анамен алыспайды да, атыспайды да. Нең бар еді менің жалғызымда? Кел, ботам, өзіме!-дегенде қолымдағы қыздың қалай ыршып кеткенін білмеймін,секіріп барып шешесінің мойнына асылды,-дейді. Бұл қай шығармадан алынған,авторы кім?

(Ғ.Мүсірепов «Ананың анасы»)

№2 топқа : 7-сынып

Атымды айта бастасам, тілім таңдайыма жабысып қалғандай болады да тұрады. Адамның атының сүйкімді болуы да зор бақыт па деймін. Мәселен,Болат, Ербол, Мұрат, Бақыт деген аттарды алып қараңдаршы. Айтуға да ықшам, естір құлаққа да жағымды.

(Б.Соқпақбаев «Менің атым-Қожа»)

Қараадырдың қарағанды сайы елсіз.Айналада қабат-қабат шұбар адырлар. Жақын төбелердің барлығын аласа боз қараған, тобылғы басқан.

Сай бойында май айының салқын лебі еседі. Бастары көгеріп,бүрленіп қалған қалың қараған жел лебімен сыбдыр-сыбдыр қағып теңселіп, ырғалып қояды. Маңайдан жуалардың, жас шөптердің иісі келеді.

(М.Әуезов «Көксерек»)

№2 топқа

Екі салт атты адырдың басына желе жортып шықты да, аттарының басын іркіп, алақан астынан алысты шолды.Төмен қарай көлбеп бара жатқан кең жазықтың шетінде мұнартып оқшау тұрған жалаңаш тау көрінді.

-Анау Ипан тауы ғой,-деді жас жігіт қамшысымен нұсқап.

Жас жігіттің даусы аңсағанын көргендей қуанышты шықты.Оның астында жалын өрген қылаң бесті, үстінде өңіріне зер ұстаған көк мақпал камзол, талдырмаш белін қызыл күдері белбеумен қынай буған,басында төбесін көк мақпалмен тыстаған құндыз бөрік.Тек ер-тұрманы жұпынылау.

(Т.Ахтанов «Күй аңызы»)

ІІІ. Ғажайып тоғыздық

«Қазақстан»

10 ұпай Қазақстан халқының саны қанша? (18 миллион)

20 ұпай Қазақстанның ұлттық теңгесі қай жылы шықты? (1993)

30 ұпай Қазақстанның «Щвейцариясы» қандай аймақ, оның орналасқан жері? (Бурабай, Ақмола облысы)

«Ұлы адамдар»

10 ұпай Ұлы жүздің төбе биі (Төле би)

20 ұпай Қазақстан саяхатшысы, ғалымы (Шоқан)

30 ұпай Абылай ханның шын аты (Әбілмансұр)

Қасиетті сандар

10 ұпай Бес дұшпанды ата ( өсек, өтірік, мақтаншақ, еріншек, бекер мал шашпақ)

20 ұпай Жеті қазынаны атаңыз (ер жігіт, сұлу әйел, ілім-білім, жүйрік ат, құмай тазы, қыран бүркіт, берен мылтық)

30 ұпай Алта алаш деген кімдер? (Алаш ханның балалары: Қазақ, Қарақалпақ, Қырғыз, Өзбек, Түркімен, Жайылхан)

ІҮ. Шешен адам сөз бастар

Әр топқа бір тақырып беріледі. Сол тақырып бойынша мәтін құрап, сөз сөйлейді.

І топ: «Ғылым таппай мақтанба» (Абай)

ІІ топ «Әркімнің туған тілі – туған шеше» (Сәбит Мұқанов)

Ү. Ойлан, тап!

1.Қағазға жазылған жасырын сөзді қимылмен көрсету.

І топ Арыстан

Шаң

Пошта таратушы

Мотоцикл ІІ топ

Кенгуру

Бу

Диктор

Пойыз

2.Суреттегі мақал мәтелдерді табу

1. Жүз теңгең болғанша, жүз досың болсын

2. Боран күні ит пен бала құтырады

3. Жеті атасын білмеген - жетесіз

4. Ит – адамның досы

5. Батыр туса ел ырысы, жаңбыр жауса жер ырысы.

6. Айтылған сөз, атылған оқпен тең

7. Қыз өссе елдің көркі, гүл өссе жердің көркі.

8. Дос жылатып айтады, дұшпан күлдіріп айтады?

9. Анаңды меккеге үш рет арқалап апарсаң да, қарызынан құтыла алмайсың?

10. Отпен ойнама жанарсың,сумен ойнама батарсың.

Қорытынды

Әділ қазы алқасына сөз беріліп, жеңімпаз топ марапатталады.