Биология сабақтарын оқытудың әдістерін тиімді пайдалану

Менің ойымша қазіргі заман талабына сай ғылым мен техниканың жетістіктерін білім беру саласында жүзеге асыру бүгінгі күннің өзекті мәселелерінің біріне айналып отыр. Жаңа заманғы білім беру жүйесі жаңа талаптарға сәйкес болуы керек. Сол үшінде қазіргі таңда білім беру жүйесінде осы өзгерістердің енуіне байланысты оқытушы осы талаптарды орындай алмаса, яғни жаңа білім беру мазмұнына сәйкес білім беруді жүзеге асырмаса одан жақсы оқытушы шығуы мүмкін емес деп ойлаймын. Жаңа технологияны, жаңартылған білім мазмұнына сай әдістерді меңгеру мұғалімнің оқу-тәрбие үрдісін жүйелі ұйымдастыруына көмектеседі.

Мектептегі пәндерді оқыту процесінде компьютерді қолданып сабақ өткізу оқытушы мен оқушы қарым-қатынасы жүйесін, құрылымын, өзгерте отырып, олардың мотивациялык эмоциональдық ортасына, сезімінің өсуіне әсер етеді.

Қазіргі кездегі білім беру жүйесінде негізгі мақсат оқушыға, оның дамуына көп көңіл бөлуде. Бұл пәнді оқыту оқытушыға үлкен міндет деп есептеймін. Қазіргі кезде Қазақстанның жалпы орта білім беретін мектептері мен колледж оқу орталықтарында барлығы интерактивті тақтамен қамтамасыз етілген. Интерактивті әдіс – ол сабақты көрнекі қылып оқушыларға немесе студенттерге сабақты қызықты болып өтуіне, сабаққа қатысушылар бір-бірімен байланыса отыруына, мәселелерді шешуіне көмегін тигізеді. Интерактивті тақта мектеп сыныптарында әр пән бойынша, соның ішінде биологиядан зертханалық сабақтарды өткізген кезде оның құрылғылары қолданылады. Қарапайым тақта және компьютер проекторына қарағанда, интерактивтік тақта сабақ мазмұнын кеңінен ашуына мүмкіншілігі өте зор.