Бір ой

Неге біздер шындықты көре алмаймыз?!

Неге біздер адалға ере алмаймыз?!

Түсіп ап арамзаның арбауына,

Шындықты айтқан пендеге сене алмаймыз.

Барымызды асырып жүре алмаймыз,

Нарымызды құрметтеп күте алмаймыз.

Абай мен Шәкәрімнің айтар ойын,

Білсек те біле алмаймыз, жиі алдаймыз.

Шіркіндер –ай, Ахметті ұға алмаймыз,

Әлиханның қайғысын сезе алмаймыз.

Жел сөз бен бос сөздерді жиып-теріп,

Ақылы артық жандардан сөз алмаймыз.

Қармақшы аудандық білім бөлімінің № 121 орта мектебінің

қазақ тілі мен әдебиеті пәні мұғалімі Еленова Ақмарал Киікбайқызы