«№155 Д.Шыныбеков атындағы орта мектебі» КММ

«Біз спортшы боламыз»

Спорттық сайысы

Сынып:

Сынып жетекшісі:

2024-2025 оқу жылы

« №155 Д.Шыныбеков атындағы орта мектебі» КММ-сіндегі

оқушылар мен ата-аналарының арасында өткізілетін

"Біз спортшы боламыз"атты спорттық сайыстың

Ережесі

Мақсаты: .

- Білім алушылардың және ата-аналардың спортқа деген қызығушылығын арттыру;

-Салауатты өмір салтын қалыптастыру

- Бұхаралық спортты дамыту

- Дене мәдениеті мен спортты мектеп ата-аналар арасында насихаттау;

Ойынның барысы:

« Таныстыру»

1. «Стакандар жинау»
2.«Көңілді вагондар»

3.«Кедергіден өту»

4.«Асық ату»

5.«Арқан тартыс»

Жүргізуші: - Армысыздар құрметті бүгінгі ойынның қонақтары, ойынға қатысушылар және жанкүйер қауым! арасында өткізілгелі отырған эстафеталық жарысқа қош келіпсіздер!

Мектебімізде 17-21 ақпан аралығында «Тең білім-тең болашақ» атты арнайы қызметкерлердің апталығы өтіп жатыр. Соған байланысты бүгін 2 сынып оқушылары және ата-аналарымен бірге «Біз спортшы боламыз» атты спорттық сайысына қош келіпсіздер.

Жүргізуші: - Рахмет, құрметті ойыншылар, бүгінгі ойында сендерге үлкен сәттілік тілейміз.
Ал енді, ойынымыздың әділқазы алқасы және ойын барысымен таныстырып өтуге рұқсат етіңіздер.

Спорт – көркі өмірдің,

Спорт – досың, серігің.

Жаттықсаң шымыр боларсың,

Шынығып, өсіп,толарсың!
Спорттық ойынның І кезеңін бастайық.

І кезең: «Таныстыру»  Құрметті ойыншылар, бұл кезеңде ойыншылар өз топтарын таныстырады, ұрандарын айтады.

Енді «Стакандар жинау» сайысының ережесі жерде тұрған стакандарды біреулеп каропкаға салып, кезекпен жинау.

Ал біз ойынымыздың ІІ кезеңіне көшейік.
ІІ кезең: «Көңілді вагондар» Ойыншылар бұл кезеңде кедергілер арқылы жүгіріп межеге келіп ,келесі ойыншыны қолынан ұстап жүгіреді.Ең соңында барлық ойыншылар қол ұстасып,мәреге бірінші жеткен команда жеңіске жетеді.

ІІІ кезең. «Кедергіден өту» Ойыншы допты тізесіне қысып секіріп,кедергілер арқылы өтеді ,ең соңғы команда ойыншысы бірінші болып мәре сызығын кескен команда жеңіске жетеді.

–Спорттық ойындарына қатысушы ата-аналарға сәттілік тілей отырып,әрі қарай сайысымызды жалғастырайық.

ІҮ кезең. «Асық ату» Ойнаушылар арасы 20 қадам екі көн сызады да біріншісіне төрт бұрыш жасайды (оның көлемі өзара келісіледі). Дәл ортасындағы сызыққа әрбір ойыншы өздерінің асықтарын тігеді. Тігілген асықтардың ортасына бір асық мұртынан "Омпа" тұрғызады.

Ойнаушылар екінші белгіленген жерден бірінің артына бірі тұрып әркімнің өз кезектері бойынша, қолдарыңдағы сақаларымен "омпаны" ата бастайды.

Егер кімде-кім омпаға тигізсе және оны төрт бұрыштың шетіне шығарса, онда көндегі асықты түгел алады.

Ү кезең. «Арқан тартыс» Барлық команда мүшелері керілген арқанмен тартысады.Жарысқа екі командадан қатысады.Арқанды командасымен өзіне қарай тартып алған команда жеңіске жетеді.

Жүргізуші:- Құрметті көрермендер, менің ойымша, спорттық сайысқа барлық ынта жігерін салған сияқты. Олай болса ойыншыларымызды қошеметтеп қояйық.

Спорт сенің серігің-

Жанға дауа, қолға күш.

Сергітетін адамды-

Қимыл менен қозғалыс,- дей отырып, бүгінгі додадан кім озып шыққанын білу үшін сөз кезегін әділқазы алқасына береміз.
(Әділқазылар ұпай сандарын айтып, жеңімпаз топты атайды)

Марапаттау рәсімі

Қорытынды: - Осымен бүгінгі «Біз спортшы боламыз» атты спорттық сайысын аяқтауға рұқсат етіңіздер, қашанда ойымыздың көк жиегі биік болсын, жүрісіміз нық, еңсеміз биік, жастарымыз намысты, ұлдарымыз қайратты, қыздарымыз сымбатты болсын! Атамекеніміз – Қазақстан жасасын! Келесі жарыстарда жолыққанша сау болыңыздар!