«Блум таксономиясын – сабақта қолданудың тиімді жолдары»

• Тәжірибе алмасу тақырыбы.

• «Блум таксономиясын – сабақта қолданудың тиімді жолдары»

«Білімді ұрпақ – болашақтың кепілі» демекші,қазіргі таңда елдің болашақ азаматтарын қалыптастыру бағытындағы білім беру мәселесі. - мемлекетіміздің басты саясатының бірі екені ұстаздар қауымына аян.

21 ғасыр – бұгінгі қоғамның , білім беру саласының түбегейлі өзгеруінің куәсі болып отыр. Заманның талабына сай білім беру жүйесіндегі реформалар мен сындарлы саясаттар, жаңалықтар мен өзгерістер ұстаздар қауымының әрқайсысына ойлануына , келешек ұрпақ тәрбиесіне жаңа жол сілтеп отыр. Жаңа мыңжылдық талабына сай, мұғалім- бақылаушы да, бағалаушы да емес, танымдық іс- әрекетті, шығармашылық жаңалықтардың шынайы ұйымдастырушысы. Оқыту үрдісінде , бағалауда Блум таксономиясын қолдану арқылы білім беріп қана қоймай , өздігінен білім алуды дамыту, теориялық білімін іс жүзінде жүзеге асыру, өзі ізденуге, сыни тұрғыдан ойлай білуге,өзін – өзі бағалай білуге үйрету. Бұл мақсаттарды жүзеге асыру барысында оқушы мына міндеттерді игеруі керек:

Жаңа заман талабына сай технологияның әдіс- тәсілдерін меңгерту, өзі ақпараттар іздеп үйренуіне дағдыландыру.

Жеке тұлғанының ойлау қабілеттерін , шығармашылық қасиеттерін дамыту.

Оқушыларды қазіргі заманғы жаңа технологияларды меңгере алуына үйрету, оны оқу кезеңдерінде дұрыс пайдалану.

Блум таксономиясын пайдалану арқылы оқыту кезеңінде жеке тұлға әр сапада көрініп, өзіне тән жеке тұлға қажеттіліктері қалыптастырады.

Блум таксономиясы танымдық үдірісті ең қарапайым деңгейден бастап сатылай күрделенілетін деңгейге көтерілетінін ескере отырып , қарапайым деңгейге есте сақтау, түсіне білу, еске түсіру ; ал , одан кейінгі түсіну кезеңінде дәл сол ақпаратты басқаша, өз сөзімен жеткізе алуымен жалғасады.Оқушы білімін дамыту кезінде ойлаудың жоғары сатысында жүретін қарама- қарсылық тудыру, шешім қабылдау , баға беру жұмыстарының әдіс – тәсілдерін меңгеру арқылы мұғалім ретінде өзіне сенім орнатады.

Әр қадам сайын орындалған әрекетке баға беруді жүзеге асыру арқылы оқушының шығармашылық деңгейі шыңдалып, білім нәтижесіне қол жеткізеді. Яғни, шығармашылық жұмыстарды орындай отырып, өзі болжам жасайды. Топшалау, салыстыра біле алатынына қуанып қорытынды жасап, жаңа шешім тауып , өзіндік жаңалық ашады.Оқушы шығармашылығы – қайталанбас жетістік. Блум таксономиясымен жұмыс жасау кезінде – оқушы өз шығармашылығының нәтижесіне қол жеткізеді. Сондықтан , оқыту үрдісінде оқушылардың әрқайсысына жеке тұлға ретінде қарап, өзіне жаңаша сенім мен сезім қалыптастыру, білімге деген ынтасын , талпынысын көтерудің бірден бір ерекше жолы.

Осы бағытта Блум таксономиясы – жеке тұлға шығармашылығын дамытушы құрылым.