«Болашаққа бағдар: рухани жаңғыру – өскелең ұрпақтың дара жолы»

«Болашаққа бағдар: рухани жаңғыру – өскелең ұрпақтың дара жолы»

Елбасымыздың «Болашаққа бағдар: рухани жаңғыру» атты тұғырнамасы Тәуелсіз еліміздің әлем кеңістігіндегі рухани сананың кемелденуі деп бағалауымыз қажет. Көшбасшымыз Нұрсұлтан Әбішұлы Назарбаевтың бұл мақаласы еліміздің болашағының жарқын бейнесі мен сәтті қадамдарының үлгісін көрсететін салиқалы ой-пікір мен шешімдерінен құрылған маңызды құжат.

Мақала халықтың санасын жаңартып, ұлттық болмыс, ұлттық код түсінігінің мәні мен мағынасын түсіндіріп, оны әлемдік сапамен, құндылықтармен үйлестіруде. Мақалада саяси реформа мен экономикалық жаңғыру секілді екі үдеріс ерекше маңызға ие болып отыр.

Елбасы жаңғыруда салты-дәстүрдегі ерекшеліктер мен оның адам санасына, қоғамға әсерін, оны даму мен жетістікке жетуге, адамның рухани-адамгершілігінің дамуына кері әсер етпеуін алдыға қояды. Жершілік, рушылдық, біртұтас ел бола отырып, өңірге бөліну еліміздің дамуына кереғар екендігін атап көрсетеді. Салт-дәстүрді бүгінгі күннің қоғамының санасы мен өмір ағымына қарай дұрыс пайдалануды айтады.

Елбасы жаңғыруда 6 бағытты көрсетеді:

1. Бәсекеге қабілеттілік

2. Прагматизм

3. Ұлттық бірегейлікті сақтау.

4. Білімнің салтанат құруы.

5. Қазақстанның революциялық емес, эволюциялық дамуы.

6. Сананың ашықтығы.

Бәсекеге қабілеттілік Қазақстан тек жер қойнауының байлықтарымен ғана емес, адамдардың сана-сезімінің, өнертапқыштығымен баюы керектігін көрсеткен. Елдің азаматтары өзге елде сұранысқа ие жоғары санатты мамандар болуы қажет деп көрсеткен. Қазір ақпараттар ағымы лек-легімен секунд сайын өзгеріп жатыр. Заманауи адам ақпаратты тез қабылдап, мамандығын жылдам өзгерте алатын әмбебап адам болуы қажет. Алдағы онжылдықта қазіргі заманның мамандықтарының 50 пайызы қажет болмай қалады деген болжам бар. Сондықтан кез-келген адам заман ағымындағы цифрлық технологиялар мен, тілдерді меңгеруді негізге алған жөн.

2025 жылы толықтай қазақ әліпбиінен латын әліпбиіне көшу жоспарланып отыр. «Туған жер» бағдарламасы оқушы бойына отансүйгіштік қасиетті сіңіру, өз өңірінің байлығы мен азаматтарының жетістігімен мақтана алатындай азамат тәрбиелеу мақсатында жүзеге асырылу көзделіп отыр. «Қазақстанның киелі жерлерінің географиясы» жобасы жалпыұлттық қасиетті орындарды сақтауға, туристік инфрақұрылымды құруға бағытталған. «Жаһандағы замануи Қазақстандық мәдениет» жобасы еліміздегі таланты жастарды әлемге таныту негізінде құралған. «Қазақстандағы 100 есім» жобасы ел іргетасын салғаннан оның қалыптасуы мен құрылуына еңбек сіңірген тұлғалардың есімін ел назарына ұсыну. «Жаңа гуманитарлық білім. Қазақ тіліндегі 100 жаңа оқулық» жобасы дүниежүзіндегі ең танымал және маңызды 100 оқулықты қазақ тіліне аудару. Оны ЖОО білімгерлерінің еркін пайдалануына мүмкіндік беру.

Жаңғыруда еліміздегі барлық мәселелер көтеріліп, оны шешудің оңтайлы тәсілі нақты көрсетілген. Әр бағытты дұрыс пайдаланып, оны жүзеге асыра білсек, еліміздің ертеңі жарқын, болашағы айқын, тыныш-бейбіт «қой үстінде бозторғай жұмыртқалаған» заманда өмір сүретіндігімізге сенемін.

/