Бекітемін:

Тәрбие сағатына қысқа мерзімді жоспар

Тәрбие сағатының тақырыбы:	Цифрлық әлемде қауіпсіз қадам / Жалған ақпаратты, оның ішінде желіде таратқаны үшін жауапкершілік
Күні:	14.10.24 ж
Сынып жетекшісі:	Нұрғожина Шаттық Мергенқызы
Сынып:	10 «а»
Тәрбие сағатының мақсаты:	Оқушыларға цифрлық әлем туралы ақпарат беру; Цифрлық әлемді қауіпсіз қолдануға үйрету.
Апта дәйек сөзі:	Отанды сүю – отбасынан басталады!

Тәрбие сағатының барысы:

Тәрбие сағатының жоспарлы кезеңдері	Мұғалім әрекеті	Оқушы әрекеті		Ресурс
Ұйымдастыру бөлімі мин	-Сәлеметсіздер ме, құрметті оқушылар! Әнұран орындалады	-Мұғаліммен амандасу. -Әнұранды қатесіз орындау		Интербелсенді тақта
Негізгі бөлім	Санамызда жаулап алған интернет деген алып желі бала тұрмақ үлкеннің де бар ермегіне айналып кеткен. Ермегі дейміз-ау, интернет-адамның көзі, құлағы һәм тілі десек те артық айтқандық емес. Себебі, қазір қарап отырсаңыз, мүмкіндігі шексіз ғаламтор желісін еңбектеген баладан еңкейген қарияға дейін белсенді пайданалады.  Дебат. І -топ: ғаламтордың пайдасы ІІ – топ: ғаламтордың зияны Енді компьютерлік ойындарға келсек, олардың қаншалықты зиянды екенін айта кетейік. Интернеттегі онлайн ойындары атыс-шабыс, тағы басқа қантөгу, жауыздық тақырыбында болады. Осы ойындарды бала ойнаса, оның психологиясына жаман әсер береді. Ұдайы ойнаған баланың миында ойынның мазмұны, әдіс-тәсілдері еніп, жаман қылық, тіпті қылмысқа да баратын болады. Қалалы жерде ақша табу үшін компьютерлік ойындарды жарнамалап, оқушы балаларды өздеріне тарта бастап, жаман қылықтарға бағыттайды. Интернет ойындарынан басқа да өзіміздің ұлттық ойындарымыз бар, соны неге ойнамасқа? Асық ойнау, күрес, қол күресі, волейбол, футбол сияқты көп ойындар бар. Біз бөлмеде тығылып компьютерлік ойынды ойнағанша, далада таза ауа жұтып, көпшілікпен көңіл көтеріп, денемізді шынықтырып, сау болғанымызға не жетсін. Ой толғау. ТЖ. Мен интернетсіз күнді қалай өткіземін? Бейнеролик: «Цифрлы әлем» Бейнеролик бойынша сұрақ – жауап, пікір алмасу.	Оқушылар ғаламтордың пайдасы мен зиянын айтады Оқушылар 2 топқа бөлініп, ғаламтордың пайдасы мен зияны туралы пікірталас өткізеді. Өздері ойнайтын интернет ойындары туралы айтады Интернетсіз 1 күнді өткізе аласыз ба деген сауалға жауап іздейді Бейнеролик қарап, сұрақтарға жауап береді.		Қағаздар маркер   Интернет желісі Интербелсенді тақта
Қауіпсіздік сабағы	Оқушылар топтасып, таратылған картадағы оқиға желісін тиімді шешуге тырысады. Сабақ болмас үшін ертең мектепте бомба қойылған деп смс жазайық..... «Осы смсті таратпасаң ертең жаман оқиға болады» деген смс келді... «Ертең қатты аяз, сабақ болмайды» деген смс келді, сіздің іс-әрекетіңіз?
Тәрбие сағатының соңы	«Еркін микрофон» әдісі. Мұғалім сабақты қорытындылау мақсатында оқушылардың сабаққа деген көзқарасын, рефлексиясын тыңдайды.	Өз ойларын еркін айтып, сабақтан түйген ойларымен бөліседі.