Дарынды баламен жұмыс істеудегі табысты нәтижелер

Еліміздің болашағы - бәсекеге қабілетті, білімді шәкірттер.  Дарындыларды анықтап, олардың алға ұмтылуына, болашағына жол ашу – мұғалімнің міндеті. Оқушының жетістігі - мұғалімнің жемісі деп білетін Талдықорған дарынды балаларға арналған «Білім-Инновация» мамандандырылған лицей-интернат ұстаздары дарынды оқушыларды тартып, нәтижеге қол жеткізуге барлық күш-жігерлерін жұмсайды. Лицейдің 2020-2021 оқу жылында білім сапасы 78,3 пайыз. Оқушыларымыздың үлгерімі мен жеткен жетістіктері ұстаздарымыздың еңбектерінің нәтижесі деп білемін.

Биылғы қашықтықтан оқыту жылында шәкіртеріміз талай жетістіктерге жете білді. Атап айтсам, Облыстық пән олимпиадасында 27 оқушымыз, Облыстық ғылыми жобалар конкурсында 18 оқушы, республикалық жасөспірімдер олимпиадасының облыстық кезеңінде 7 оқушы, 7-8 сыныптар үшін республикалық жасөспірімдер олимпиадасының облыстық кезеңінде 11 оқушы, «Жетісу – кітапқұмарлар өлкесі» байқауында 2 жеңімпаз, Облыстық «Абай әлемі» шығармашылық байқауының І орын иегері де лицей оқушысы болды. Республикалық пән олимпиадасында 5 оқушымыз жеңіске жетті. Республикалық жасөспірімдер олимпиадасының республикалық кезеңінде 5 оқушы, 7-8 сыныптар үшін республикалық жасөспірімдер олимпиадасының республикалық кезеңінде 6 оқушымыз жүлдегер атанды. Оқушыларымыз халықаралық олимпиадаларға да қатысып, жақсы нәтиже көрсете алды. Ә л-Фараби атындағы қашықтықтан ХАЛЫҚАРАЛЫҚ олимпиадасынан 6 оқушымыз жеңімпаз атанды. Ө. Жолдасбеков атындағы математика және механикадан

зерттеу жұмыстары ХАЛЫҚАРАЛЫҚ конкурсында 9 сынып оқушылары, Омаров Заңғар, Жұмақанов Альтаир ІІІ орын иегерлері атанып, лицей мәртебесін көтерді. 18 халықаралық түрік тілі олимпиадасында дүниежүзі бойынша 2-орынға оқушымыз Төлеуғалиев Ернар ие болды. Халықаралық Азия-Тынық мұхит математикалық олимпиадасының, «Жібек жолы» халықаралық математикалық олимпиадасының қатысушысы Сәрсембай Ерасыл сертификатқа ие болды.

Шәкірттер жетістігі – мұғалімнің кәсіби біліктілігі мен шеберлігінің жемісі. Мектептің жүрегі – мұғалім екені даусыз. Шәкірт ұстазға қарап өседі. Оқушыны білімге қызықтырып, өз әлеміне баурап алу үшін ұстазға дариядай терең білім, биік парасаттылық, еңбекқорлық керек. Лицейімізде осындай қабілет пен қасиеттерді бойына сіңіре білген ұстаздарымыз да жетерлік. «Ұрпағы білімді халықтың болашағы бұлыңғыр болмайды» дегендей, мағыналы, өнегелі тәрбие мен сапалы білім беруде лицей ұжымы көптеген жетістіктер биігінен көрінді.

Шәкірт жетістігі – лицей жетістігі!

«Талдықорған дарынды балаларға арналған «БІЛІМ-ИННОВАЦИЯ» мамандандырылған лицей-интернаты директорының оқу ісі жөніндегі орынбасары Омурзакова Бекзат Ертисовна