"Дене шынықтыру сабағында инновациялық технологияларды қолдану"

«Темір ЖББМ» коммуналдық мемлекеттік мекемесі

Әдістемелік бірлестіктің

№4 хаттамасы

26.03.2026ж

Қатысқаны: 15

Қатыспағаны:

Күн тәртібінде:

1. ІІІ тоқсан бойынша оқушылардың білім сапасының қорытындысы.

2. Әдістемелік жұмыстың орындалуы.

3. Баяндамашы қосымша білім беру педагогы Г.Асқарқызы «Дене шынықтыру сабағында инновациялық технологияларды қолдану»

Тыңдалды:

Күн тәртібіндегі бірінші мәселе бойынша директорының оқу-ісі жөніндегі орынбасары Г.Усенбаева сөз алып, ІІІ тоқсан бойынша оқушылардың білім сапасының қорытындысы туралы айтты. Тоқсан барысында оқу үдерісінің сапасын арттыру,оқушылардың білім деңгейін көтеру бағытында жүйелі жұмыстар жүргізілгенін айтып өтті. «Білім сапасын арттыру-бәрімізге ортақ міндет.Бірлесе жұмыс жасау арқылы алдағы тоқсанда бұдан да жақсы нәтижелерге қол жеткіземіз деп сенемін» деп сөзін аяқтады.

Екінші мәселе бойынша директорының оқу-ісі жөніндегі орынбасары Г.Үсенбаева сөз алды. Мұғалімдердің сабақ барысында интербелсенді әдістерді қолдану арқылы оқушылардың белсенділігі артқанын, сонымен қатар мұғалімдердің кәсіби шеберлігін арттыру мақсатында түрлі әдістемелік отырыстар өткізіліп, өзекті мәселелер талқыланатынын айтып өтті.

Үшінші мәселе бойынша мектептің әдістемелік жоспарына сәйкес және педагогикалық кәсіби біліктілігін арттыру мақсатында қосымша білім беру педагогы Г.Асқарқызы «Дене шынықтыру сабағында инновациялық технологияларды қолдану» атты баяндама оқыды. «Сабақта ойын элементтерін, жарыс түрлерін, эстафеталарды қолдану оқушылардың қызығушылығын арттырады. Әсіресе топтық және жұптық жұмыстар оқушылардың бір-бірімен қарым-қатынасын нығайтып, сабаққа белсенді қатысуына ықпал етеді» деп сөзін аяқтады.

Жарыссөз.

Жарыссөзде бірлестік жетекшісі Сәрсенбек С. сөз алды. Бұл баяндамада дене шынықтыру сабағында ұлттық ойынды тиімді қолдану мәселесі жан-жақты қарастырылған. Жұмыста ойын арқылы оқытудың баланың танымдық қабілетін дамытуға,ойлау, сөйлеу, есте сақтау дағдыларын жетілдіруге және білімге деген қызығушылығын арттыруға тигізетін әсері жақсы баяндалған.

Қаулы етеді:

1. Оқу-тәрбие процесінің сапасын арттыру жолдарын бақылау мен бағалау директорының оқу-ісі жөніндегі орынбасары Г.Үсенбаеваға жүктелсін;

2. ІІІ тоқсанда оқушылардың білім сапасын арттыру мақсатында қосымша жұмыстар жүргізу пән мұғалімдеріне міндеттелсін;

3. Осы аталған баяндама қосымша білім беру педагогы Г.Асқарқызы «Дене шынықтыру сабағында инновациялық технологияларды қолдану» баяндамасы аудандық жазғы педоқуға ұсынылсын;

Мектеп директоры: А.Қасымбек

Хатшы: Б.Мұсабекова