"Денсаулық - зор байлық"

Адам өмiрге келген соң өмiрiн қалай болса солай өткiзбеуi тиiс. Яғни адам саналы да жарқын өмiр сүруi қажет. Ол үшiн ең алдымен ата-бабамыз айтып кеткендей: «Бiрiншi байлық — денсаулық, екiншi байлық — ақ жаулық, үшiншi байлық — он саулық», — демекшi, ең алдымен саналы да жарқын өмiр сүру үшiн денсаулық қажет. Ал сол денсаулықты сақтау — өз қолымызда.

Жаңа туған балаға ананың сүтi, жәй ғана мұқтаждық емес, денсаулығының негiзгi көзi болса, кейiн бала өсе келе оның орнын толықтыру үшiн тағам рационынан басқа құндылықтарды керек етедi.

Мысалы, май қосылған тамақтар, белок дүниесi, сосын жеңiл кәдiмгi тағамдар молырақ болуы керек.

Қазiргi заманда аурулардың түрi көбейiп барады. Бiрақ бiз сол аурулардың асқынуына жол бермей оған төтеп беруiмiз қажет.

Денсаулық — адам өмiрiндегi ең жоғары бағалы дүние. Өмiрдiң шаттығы мен қызығы денсаулыққа байланысты.

«Денсаулық — зор байлық» — деген сөз бекер айтылмаса керек. Адамның денсаулығы — қоғам байлығы. Әрбiр адам өз денсаулығының мықты болу жолдарын қарастыру керек. Денi сау адамның көңiл-күйi көтерiңкi болып, еңбекке әрқашан құлшына кiрiседi.

Халқымыз «Денi саудың — жаны сау» деп орынды айтқан. Бiздiң өмiрiмiздi жарық қылатын, жан-жағымызға тамаша сәулесiн шашатын, өмiрдегi басты байлық — денсаулық.

Әрбiр адам өз денсаулығына жауапкершiлiкпен қарауы керек, өзiн-өзi күте бiлуi керек, өзiн-өзi жақсы көруi керек.

Денсаулық, салауаттылық санадан бастау алады.

Өмiрiмiз — өз қолымызда. Бiздiң бақытты болуымыз, өз денсаулығымызға байланысты. Адамға өмiр бiрақ рет берiледi.