Денсаулық күніне арналған «Спортшылар» ойын - сауық кеші.

Денсаулық күніне арналған «Спортшылар» ойын - сауық кеші
Мақсаты: Ұжымның көтеріңкі көңіл - күйін туғызу. Денесін шыңдап күш - қуатын нығайту, шапшаңдыққа, ептілікке тәрбиелеу. Ойындар арқылы спортқа ықпал жасау. Жарыс кезінде ойынға қызыға қатысуына жағдай жасау, бір - біріне достық қарым - қатынастарын дамыту. Дене тәрбиесі процестеріндегі сауықтыру міндеттерін жүзеге асыру.

Қажетті құралдар: Зал іші мерекеге сай безендірілген, түрлі - түсті жалаушалар, ұранды сөздер жазылған плакаттар, денсаулыққа байланысты мақал - мәтелдер, эстафеталық заттар, екі топ жетістігін көрсететін сандар.
Музыка ойналып, қыздар ортаға әртүрлі қимылдар жасап, билеп шығады.
Жүргізуші: Құрметті әріптестер, балабақша тәрбиеленушілері және спорт сүйер жанкүйер қауым. Бүгін №32 «Ботақан» балабақшасында тәрбиешілер мен тәрбиеленуші балалардың қатысуымен «Салауатты өмір салтын қалыптастыру» мақсатында дене тәрбиесі жетекшісінің ұйымдастыруымен екі топ арасында мерекелік сауықтыру іс - шарасын өткізгелі отырмыз.
Салауатты өмір салтына баулу арқылы денсаулығын сақтау, нығайту, дене шынықтырудың ролін көтеру. Адам ағзасына зиянды әрекеттерден арылу, аластау. Егеменді еліміздің ертеңгі денсаулығы мықты азаматтар мен азаматшаларды тәрбиелеу біздің міндетіміз.
Міне, бүгін балабақшаның тәрбиешілері мен тәрбиеленушілерінің қатысуымен өткелі отырған «Спортшылар» атты мерекелік сауықтыру іс - шарасын бастауға рұқсат етіңіздер.
Марш ойналып, тәрбиешілер төрт қатарға бөлініп залға кіреді.
А) Доппен би орындалады;
Б) Лентамен ырғақты қимылды би.
Сайысқа қатысушы екі топты ортаға шақырады.
1. «Намыс» тобы оң иықпен оңға бұрыл
2. «Жігер» тобы сол иықпен солға бұрыл
Әнұран ойналып, еліміздің туы көтеріледі.

Екі команданың сәлемдесуі
1. Ұшақтан да ұшқырмыз
Желден де озған жүйрікпіз
Жарысуға сендермен
Келіп тұрған мықтымыз
«Намыс» тобынан «Жігер» тобына жалынды сәлем!

2. Келіңіздер, келіңіздер
Бұл жарысты көріңіздер
Бізде бәрі жүйріктер
Күш сынасар алыптар
«Жігер» тобынан «Намыс» тобына жалынды сәлем!

Эстафеталық жарыс түрлері:
1. Жалаушаны алып, межені айнала жүгіріп келу
2. Тарелкаға салынған допты құлатып алмай, межені айналып жүгіріп келу
3. Төрт аяқтап жүгіру (екі аяқ, екі қолмен)
4. Балық аулап, себетке тасу
5. Артпен жүгіріп, қайтарда қайтарда жүрелеп жүгіру
6. Түрлі - түсті доптардың ішінен екі команда көк және сары түс доптарды теріп алып келу.
7. Топты екі тізенің арасына қысып жүгіру
8. Арқан тартыс
9. Ойын «Тақия тастау»

Спортшыларды демалтып, көңілдерін көтеру үшін ән айтылып, би биленеді.
Ән: «Бала тілегі».
Би: «Мен қазақпын»
Әділқазылар алқасы жеңімпаз топтарға мадақтау және сыйлықтар тапсырады.
Құрметті қонақтар, спорт жанкүйерлері! Бүгінгі эстафеталық жарысымыз осымен аяқталды. Бүгінгі жарысқа қатысқан тәрбиешілерге алғысымызды білдіреміз! Алдағы күндері үлкен биіктерден көріне беріңіздердер! Бүгінгі жеңістеріңіз құтты болсын!