ДУАЛЬДЫ ОҚЫТУ МАҚСАТЫ – БІЛІКТІ МАМАН ДАЙЫНДАУ

ДУАЛЬДЫ ОҚЫТУ МАҚСАТЫ – БІЛІКТІ МАМАН ДАЙЫНДАУ

Султанов Мурат Кожакович

Бүгінгі таңда білімді өмірде қолдану, білім беру ұйымдарында оқып жүріп білім алушыларды өндіріске оқыту мен дайындаудың өзектілігі артып келеді. Бұл бағдарламаның мақсаты – білім алушылардың мектепте оқып жүріп, теориялық және практикалық тұрғыдан тәжірибе жинақтауы, мамандыққа баулу отырып, кәсіптік тұрғыдан даярлау. Бұл бағытта бізалық білімнің үштен бір бөлігі колледжде, ал үштен екі бөлігі кәсіпорында жүзеге асырылады.

Дуалды оқыту бүгінгі таңда еліміздегі өндірістік бағыттағы мамандар қажеттілігін өтеуге бағыттала отырып, әлемдік білім беру жүйесінің тәжірибесін қолданады. Демек, дуалды білім беру Қазақстанның жұмыс берушілерінен белгілі бір дағдылар мен білімі бар мамандарға тапсырыс қалыптастыруды көздейді.

Елімізде 2016 жылы «Дуалды оқытуды ұйымдастыру қағидаттарын бекіту туралы» ҚР БжҒМ-нің №50 бұйрығы, 2023 жылы ҚР ОАМ-нің өзгерістер енгізуімен қолданысқа енгізіліп, өндіріс үшін қажетті мамандықтарды даярлауды көздейді. Сондықтан да білім алушының өндірісте және білім беру ұйымындағы бірлескен әрекеті оның еңбек қызметін растайтын құжат негізінде жүзеге асырылған.

Бүгінгі таңда еліміздегі кәсіптік және техникалық білім беру ұйымдарында дуалды оқытудың артықшылықтары мен ерекшеліктері дараланған. Бұл өзінің нәтижесін беруде.

Дуалды оқыту жүйесінің еліміздегі білім беру жүйесіне енуі шет елдік тәжірибеге негізделген. Германия, АҚШ, Ұлыбритания және Швецария секілді мемлекеттердің білім беру жүйесінде тиімді қолданылатын бұл даярлау бағытындағы жұмыстары өзінің ерекшелігімен белгілі. Аталған мемлекеттерде білім алушылар өндірісте жұмыс жасап, қосымша жалақы алады. Бұл тәжірибе қатысушылардың 90 пайызын тиімді орындауға мүмкіндік береді.

2016 жылы Қазақстанда дуалды оқыту жүйесі енгізіліп, Еңбек кодексіне өзгерістер енгізілді. Қазіргі уақытта дуалды оқыту техникалық, технологиялық және ауылшаруашылық бағыттар бойынша еліміздің 348 колледжінде жүргізіледі (жалпы санының 43%-ы). Енгізуге 22 мың студентті (жалпы контингенттің 4%-ы) қамтумен 1718 кәсіпорын қатысады (жалпы санының 0,1%-ы).

Қорыта келе, дуалды оқыту жүйесі еліміздегі білім беру мен өндіріс үшін қажетті мамандарды даярлауда ерекше орын алатын жоба және бүгінде өзінің нәтижесін беріп келеді.

Барлығы – 279 сөз.