"Егемен елдің - еңсесі биік" мақаласы

Cабақтың тақырыбы: Егемен елдің – еңсесі биік

Сабақтың мақсаты:

• ҚР Тәуелсіздік күніне байланысты еліміз туралы мәліметтерге шолу жасап, елеулі сұрақтарды есте сақтауына, тыңдаушылардың сөздік қорларын, ой толғау қабілеттерін дамыту үшін берілген тапсырмаларды орындай отырып, тақырып бойынша мәліметтер алуына ықпал ету.

• Берілген тақырыпта өз ойларын ортаға салуға, сұрақтарға толық жауап беруге, таза сөйлеу, тыңдалған, оқылған материалдардан қорытынды шығара білу, ой түйіндеуге дағдыландыру.

• Тілді үйренуге қызығушылықтарын арттыру, үйренгенін өмірде қолдануға ынталандыру. Ана тілінде тек сабақта ғана сөйлеумен шектелмей, күнделікті өмірде,тұрмыста, қызметтерінде сөйлеуге насихаттау. Отансүйгіштік сезімдерін шыңдау.

Сабақтың көрнекілігі: ZOOM платформасы арқылы өтілетіндіктен Тәуелсіздікке байланысты презентация мен бейнероликтер.

Сабақтың түрі: панорамалық сабақ.

Сабақтың әдісі: айтылым, коммуникативтік тренинг, сөйлесу, шығармашылық, түсіндіру, жазылым, оқылым.

Сабақтың барысы:

І. Ұйымдастыру кезеңі.

Лексикалық минимум.

Кіріспе сөз:

Сабақтың тақырыбын анықтау үшін сөзжұмбақ шешкізу. Дұрыс шешіп жасырынған сөзді табыңыз .

1. Қыстың бірінші айы (желтоқсан)

2. Әйел бір қолымен бесік тербетсе, екінші қолымен ... тербетеді (әлемді)

3. Жаңадан көшіп келген көршіге берілетін тамақ (ерулік)

4. Тәуелсіз сөзінің синонимі (егеменді)

5. Мемлекеттік рәміз (елтаңба)

6. Туған жердей жер ..., туған елдей ел ... (болмас)

7. Свобода сөзінің аудармасы (еркіндік)

8. Қазақ отбасында кімді төрге отырғызған? (қызды)

1
2
3
4
5
6
7
8
9

1. Қазақ халқы қандай халық? (Қонақжай)

2. Елордамыздың бұрынғы аты? (Астана)

3 .Зейнетақы алатын адам(Зейнеткер)

4.Біз қай облыста тұрамыз ( Ақмола)

5.Қыстың екінші айы (Қаңтар)

6.Аптаның алтыншы күні (Сенбі)

7.ҚР ұлттық валютасы (Теңге)

8.Еліміздің оңтүстік астанасы (Алматы)

9. Ас атасы не? (Нан)

Бүгінгі күн – Қазақстанның Тәуелсіздік күні. Осыған орай, өткізілгелі отырған сабағымыздың тақырыбы «Егемен елдің – еңсесі биік» деп аталады.

Тәуелсіз Қазақстан деп айтарлықтай , еліміздің, өз жері, Елбасы, рәміздері, халқы, ұлттық теңгесі, тарихы, бас қаласы бар.

-Туған елдің азаттығы мен тәуелсіздігі жолында құрбан болған азаматтарды білесіздер ме?
Туған елдің азаттығы мен тәуелсіздігі жолында Қайрат Рысқұлбеков, Сабира Мұхамеджанова, Ербол Спатаев, Ләззат Асанова сынды көптеген кеудесінде «қазақ» деген қаны бар жастар Желтоқсан оқиғасы кезінде қайсарлық пен ерлік көрсетіп, құрбан болды.
Халқымыздың қайсар ұл-қыздары «жан алысып, жан берісіп» азат өмірге ұмтылды. Қазақ жастарының күресі нәтижесінде бүгінде еліміз өз тәуелсіздігіне қол жеткізді.
Тәуелсіздік! Бостандық! Азаттық! Қандай мағынасы терең, ұлы ұғымдар! «Қанша ғасыр өмір сүрсе бұл қазақ, сонша ғасыр ұмтылды ғой елдікке» деп Төле би бабамыз айтқандай, 1991 жылы халқымыз асыға күткен Тәуелсіздігіміздің ақ таңы да алаулап атты.
Бұл күн –мәңгі естен кетпес ұлы күн.
Бұл күн – әр қазақтың жүрегіне «тәуелсіздік» деген ұғымды қондырған күн.
Бұл күн – еліміздің мәртебелі мерекесі, еркіндік алған күн. Бытырап кетпедік, бір жеңнен қол, бір жағадан бас шығарып, жұмыла жұдырық болып, тату-тәтті елге айналдық. Елтаңбамыз – төрімізде, көк туымыз көк жүзінде желбіреуде. Әнұранымыз шарықтап шырқалуда.
Бүгінде Қазақстан әлемнің өзге өркениетті елдері сияқты терезесі тең, еш елге, еш мемлекетке тәуелсіз, өз алдына шаңырақ көтерген еңселі де егемен ел. Ендеше, тәуелсіздігіміздің тұғыры биік, егемендігіміз ғұмырлы болсын!

Желтоқсан қуат барма сенен асқан,
Сілкінтіп бодандықты түнек басқан.
Тарихтың кең төрінен сөйледің сөз,
Қазақ боп, намысы үшін арпалысқан. (Бейнеролик)

Тәуелсіз Қазақстанның жетістіктері

• 1989 жылы 22 қыркүйекте қазақ тілі мемлекеттік мәртебе алды.

• 1991 жылдың 1 желтоқсанында Қазақстан Республикасының Президенті сайланды.

• 1991 жылы қазақтың тұңғыш ғарышкері Тоқтар Әубәкіров ғарышқа ұшты.

• 1991 жылдың 16 желтоқсанында Қазақстан Жоғары Кеңесі Қазақстанды тәуелсіз республика деп жарияланды.

• 1992 жылы 30 қыркүйек Ұлттық бірлік күні болып бекітілді.

• 1995 жылы 30 тамызда Ата Заң қабылданды. Бұл бүкіл Қазақстан халықтарының еркіндігі мен құқығының кепілі.

• 1992 жылдың 4 маусымында Қазақстан Республикасының рәміздері қабылданды.

• 1993 жылғы 15 қарашада біздің республикамыздың ұлттық теңгесі дүниеге келді.

• 1994 жылы шілде айында, ел астанасы Алматыдан Астанаға көшірілді.

• 1998 жылдың 6 мамырында «Қазақстан Республикасының астанасы –Астана деп аталсын» деген тарихи Жарлыққа қол қойылды.

• Ядролық жарылысты тоқтатуға бағытталған «Невада-Семей» қозғалысы Олжас Сүлейменовтің басшылығымен іске асырылды.

Бейнеролик бойынша тапсырмалар:

1-тапсырма. Жылдар сөйлейді.

«Тәуелсіздік» сөзімен байланысты атаулы даталар берілген. Осы атаулы даталарды қандай оқиғалармен байланыстырасыз?

1989 жыл

22 қыркүйек

1992 жыл

4 маусым

1991 жыл

1 желтоқсан

Тәуелсіздік

770 ₸ - Сатып алу

Материал ұнаса әріптестеріңізбен бөлісіңіз

Ватсапта бөлісу Телеграммда бөлісу Фейсбукта бөлісу Сілтемені көшіру

Ресми байқаулар тізімі

Республикалық байқауларға қатысып жарамды дипломдар алып санатыңызды көтеріңіз!

Тізімді көру