Ел басына күн туса, ер етікпен су кешер.

Ел басына күн туса,ер етікпен су кешер.

Армысыздар құрметті оқырмандар! Ең біріншіден сіздерді қасиетті рамазан айымен құттықтағым келіп отыр, барша ұстаздар қауымының атынан! Барлығымыз қаһарлы қыстан кейін, айналаны өз әсемдігімен көркем көктемді күтіп едік, мерекелі, берекелі қазағымның салт-дәстүрін жалғаған Әз Наурызды күтіп едік.. Өкінішке орай бізге көктем суық хабарымен жетті. Жаман ауру тарап, букіл адамзатты әбігерге салды. Міне сол наурыздың он алтысынан бастап, барша Қазақстанның білім ошақтары карантинге жабылды. Барлық қалаларда, ауыл-аймақтарда Білім министірінің бұйрығымен сәуір айының 6-шы жұлдызынан бамтап, қашықтан оқу тәсілдері басталып кетті. Қашықтан оқытудың жергілікті жүйесі белгілі бір және жекеленген қала шеңберінде жұмыс атқарады, оның құрамынатек жоғары оқу орындары ғана емес мектептер, гимназия мен колледждер кіреді. Қашықтан оқыту заманның талабы десек те болады, себебі, Шет елдегі өркениетті елдердің бірі Америка қашықтан оқу тәсілін сонау 1995 жылы бастап кетіп және оның тиімді екенін алға тартқан. Ал енді, біздегі басталған осы тәсіл басында қиындық туғызды әрине, сабақ әлеуметтік желіде өтетіндіктен, біршама ауыл-аймақтарда интернет желісі орнатылмағанның себебінен мектеп оқушылары мен ұстаздар қауымының апта басында аздап қиналды. Кейіннен ретке келіп, бір қалыпты сабақ өтуге кірісіпте кеттік. Осылайша еліміздің барлық аймақтарында қашықтан оқу үрдісі сәтті өтіп жатыр деген сенімдемін. Қашықтан оқытудың талабы өте күшті яғни мұғалімнің еңбегі орасан деп айтуға тұрарлықтай, оқушының еңбегі өз алдына, оның себебі барлығымызға да аян. Мұнымен қоса оқушыны смартфон, компьютер, нотбукпен қамтамасыз етіп, сабағына бір кісідей көмек беріп отырған ата-аналар қаншама.. Міне осылай бірігіп, көптеген қиындықты жеңеріміз анық. Әрине мектепте отырып, жүзбе-жүз сабақ өтіп, тақтаға оқушыны шығарып, талдап көрнекілікпен яғни оқушының түсінгендігіне көз жеткізгенге не жетсін? Бірақ, бұл Қазақстанның ғана емес, бұл адамзаттың басына түсіп отырған жағдай болғандықтан осы ауруға байланысты жабылған карантинге көндігіп, қашықтан оқуды қолдап, ұстаздар қауымы еңбегін аямай Ұлы Абай атамыз айтқандай «Ұстаздық еткен жалықпас, үйретуден балаға» деп жұмысымызды улкен жауапкершілікпен жалғастыра бермекпіз.. Осы қиын-қыстау кезінде еңбегін адал атқарым жүрген ақ халатты абзал жандар қаншама яғни жұмыла көтерген жүк жеңіл. Менің айтпағым, қазақ талай қиындықты бастан өткізген суық естіліп, ыстық естелік қалдырған яғни жеңіспен аяқталған соғыстан да аман қалды, қаншама халықты жұтқан ашаршылығы тағы бар, бетін әрі қылғыр жаман індет ел ішінде сол ерте кездері де болды. Қазір бір тудың астында, аспанымызда бейбіт құсы қалықтаған, егемендігімізді алған еркін елміз! Бар қиындықты бірігіп, жеңеріміз анық!